Охуҹуларын суаллары
Инҝилтәрә-Америка дүнја империјасы Мүгәддәс Китабда пејғәмбәрлик едилән једдинҹи дүнја империјасы нә вахт олду?
▪ Навуходоносор падшаһын јухуда ҝөрдүјү нәһәнҝ дәмир һејкәл бәшәр тарихиндә мөвҹуд олан бүтүн империјалары тәмсил етмир (Дан. 2:31—45). Бу пејғәмбәрликдә Даниелин јашадығы дөврдән етибарән мөвҹуд олан вә Аллаһын халгы илә мүнасибәтдә әһәмијјәтли рол ојнајан јалныз беш империјадан бәһс едилир.
Даниелин метал һејкәли тәсвир етмәсиндән белә нәтиҹәјә ҝәлирик ки, Инҝилтәрә-Америка дүнја империјасы Романы ишғал етмәси сајәсиндә јох, онун парчаланмасы нәтиҹәсиндә әмәлә ҝәләҹәкди. Даниел ҝөрүр ки, һејкәлин балдырлары дәмирдән ибарәтдир, лакин ашағыда, јәни ајаг вә ајаг бармагларында дәмир ҝиллә гарышырa. Бу, ону ҝөстәрир ки, Инҝилтәрә-Америка дүнја империјасы дәмир балдырлардан пејда олаҹагды. Тарих бу пејғәмбәрлијин сон дәрәҹә дәгиг олдуғуну тәсдигләјир. Әввәлләр Рома империјасынын тәркиб һиссәси олан Британија 18-ҹи әсрин сонларына јахын ҝүҹләнмәјә башлады. Сонралар Америка Бирләшмиш Штатлары сөзүкечән ҝүҹлү дөвләтләрдән биринә чеврилди. Анҹаг Мүгәддәс Китабда пејғәмбәрлик олунан једдинҹи дүнја империјасы һәлә мејдана ҝәлмәмишди. Нәјә ҝөрә? Чүнки Британија вә Бирләшмиш Штатлар һәлә хүсуси шәкилдә бирҝә фәалијјәт ҝөстәрмирдиләр. Онларын бирҝә фәалијјәти Биринҹи Дүнја мүһарибәси заманы башлады.
Артыг о вахт «падшаһлығын оғуллары», әсас етибарилә, Бирләшмиш Штатларда фәал идиләр вә онларын үмумдүнја мәркәзи идарәси Бруклиндә (Нју–Јорк) јерләширди (Мат. 13:36—43). Мәсһ олунмушлар синфинин үзвләри Британија империјасынын һөкмранлыг етдији өлкәләрдә фәал сурәтдә тәблиғ едирдиләр. Биринҹи Дүнја мүһарибәси заманы Британија вә Америка ортаг сијаси дүшмәнләринә гаршы мүбаризә апармаға башлајан заман араларында хүсуси мүнасибәт јаранды. Һәмчинин онлар мүһарибәнин јаратдығы милләтчилијин артдығы бир вахтда Аллаһын «гадынынын» өвладына аид оланларла дүшмәнчилик едирдиләр, јәни онларын нәшр етдији әдәбијјатлара гадаға гојурдулар вә һәтта тәблиғ ишинә рәһбәрлик едәнләри һәбс едирдиләр (Вәһј 12:17).
Беләликлә, Мүгәддәс Китабдакы пејғәмбәрликдән ајдын олур ки, 1700-ҹү илләрин сонларында Британија нүфуз газанмаға башлајанда једдинҹи дүнја империјасы һәлә дә мөвҹуд дејилди. О, бу сәвијјәјә Ағанын ҝүнү башлајанда чатмышдыb.
[Һашијәләр]
a Дәмирлә гарышығы олан ҝил дәмирәбәнзәр Инҝилтәрә-Америка дүнја империјасынын тәсир даирәси чәрчивәсиндә олан үнсүрләри тәмсил едир. Тәдриҹән ҝил бу империјанын истәдији ҝүҹлә фәалијјәт ҝөстәрмәк баҹарығына әнҝәл төрәтди.
b Бу пејғәмбәрлијин көһнә изаһаты «Даниелин пејғәмбәрлији» китабынын 57-ҹи сәһифәсинин 24-ҹү абзасында, еләҹә дә 56-ҹы вә 139-ҹу сәһифәләриндәки (рус.) ҹәдвәлдә верилиб.
[19–ҹу сәһифәдәки шәкил]
Мәркәзи идарәдән сәккиз гардаш һагда 1918-ҹи илин ијун ајында һөкм гәрары чыхарылмышды