Јегованын бәрпа олунмуш халгы ону бүтүн дүнјада иззәтләндирир
“Бир үрәклә РӘББӘ гуллуг етмәк үчүн һамысы РӘББИН исмини чағырсынлар дејә, халглара о заман тәмиз додаг [“дил”, ЈД] верәҹәјәм” (ТСЕФАНЈА 3:9).
1. Нәјә ҝөрә Аллаһын һөкмү һаггындакы пејғәмбәрликләр Јәһуда вә башга халглар үзәриндә јеринә јетди?
ЈЕГОВА Тсефанјанын васитәсилә неҹә дә ваһимәли хәбәрләр верирди! Һөкм һаггындакы бу хәбәрләр, Јегованын ирадәсини үмумијјәтлә јеринә јетирмәјән рәһбәрләрин вә халгын јашадығы Јәһуда падшаһлығы вә онун пајтахты олан Јерусәлимә гаршы истигамәтләндирилмишди. Јегова гәзәбини Филистија, Моаб вә Аммон кими гоншу әразиләрин үзәринә төкмәјә һазырлашырды. Нәјә ҝөрә? Аллаһын халгы илә әсрләр боју давам етдирдикләри амансыз дүшмәнчиликләринә ҝөрә. Елә бу сәбәбдән, Ассурија - дүнја империјасы һәмишәлик мәһв едилмәли иди.
2. Ҝөрүндүјү кими, Тсефанја 3:8-ҹи ајәсиндәки сөзләр кимә үнванланмышды?
2 Лакин гәдим Јәһуда падшаһлығында дүзҝүн дүшүнҹә тәрзинә малик олан инсанлары һәлә дә ҝөрмәк оларды. Онлар Аллаһын писләр үзәриндә јеринә јетирәҹәји һөкмүнү сәбирсизликлә ҝөзләјирдиләр вә ҝөрүндүјү кими, нөвбәти сөзләр онлара үнванланмышды: “Бундан өтрү ова галхаҹағым ҝүнә гәдәр мәни ҝөзләјин, РӘББИН сөзү; чүнки һөкмүм милләтләри топламагдыр, та ки, өлкәләр үзәринә гәзәбими, гызғын һиддәтимин һамысыны төкмәк үчүн онлары бир араја ҝәтирәҹәјәм; чүнки бүтүн дүнја гысганҹлығымын атәшилә удулаҹагдыр” (Тсефанја 3:8).
“Тәмиз дил” кимә верилмишдир?
3. Јегова Тсефанјанын васитәсилә һансы үмидвериҹи хәбәри чатдырды?
3 Бәли, Тсефанја Јегованын һөкмләрини бәјан едирди. Лакин Јегова, Тсефанјанын васитәсилә үмидвериҹи ҝөзәл хәбәр дә чатдырырды. Бу хәбәр Јеговаја садиг галан инсанлара бөјүк тәсәлли ҝәтирәҹәкди. Тсефанја 3:9-ҹу ајәсинә әсасән, Јегова бәјан едир: “Бир үрәклә РӘББӘ гуллуг етмәк үчүн һамысы РӘББИН исмини чағырсынлар дејә, халглара о заман тәмиз додаг [“дил”, ЈД] верәҹәјәм” (Тсефанја 3:9).
4, 5. а) Әдаләтсиз инсанларла нә баш верәҹәк? б) Бу кимә фајда ҝәтирәҹәк вә нәјә ҝөрә?
4 Лакин тәмизә дил һамы үчүн тә’јин едилмәмишди. Пејғәмбәрликдә бу дилин кимләр үчүн тә’јин едилмәдијинә диггәт јетирилир: “Сәнин бөјүклүјүнлә шәнлик едәнләри о заман сәнин ичиндән галдыраҹағам” (Тсефанја 3:11). Мәғрурлар, Аллаһын ганунларына нифрәт едәнләр вә ганунсузлуг едәнләр кәнар едиләҹәкләр. Бәс бу кимә фајда ҝәтирәҹәк? Тсефанја 3:12, 13-ҹү ајәләриндә Јегова дејир: “Сәнин ичиндә тәвазөкар вә фағыр бир халг сахлајаҹағам вә онлар РӘББИН исминә сығынаҹаглар. Исраилин галығы һагсызлыг етмәјәҹәк; вә јалан сөјләмәјәҹәкләр; вә ағызларында һијләли дил олмајаҹаг; чүнки онлар отлајыб јатаҹаглар вә горхудан олмајаҹаг”.
5 Бу, гәдим Јәһудејада јашајан садиг галыға фајда ҝәтирәҹәк. Нәјә ҝөрә? Она ҝөрә ки, бу галыг “РӘББИН һөкмләрини иҹра етмиш олан дүнјанын бүтүн тәвазөкарлары, РӘББИ арајын; салеһлији арајын, тәвазөкарлығы арајын; РӘББИН гәзәб ҝүнүндә бәлкә ҝизләнә биләрсиниз” сөзләринә риајәт едирди (Тсефанја 2:3).
6. Тсефанјанын пејғәмбәрлијинин биринҹи иҹрасы заманы нә баш верди?
6 Пејғәмбәрлијин биринҹи иҹрасы заманы, Јегова, б. е. әввәл 607-ҹи илдә Бабил дүнја империјасына Јәһуда падшаһлығыны мәғлуб етмәјә вә јәһудиләри әсир ҝөтүрмәјә имкан вермәклә онлары ҹәзаландырды. Бә’зиләри, о ҹүмләдән Јеремја пејғәмбәр, бу әсирликдән гачына билдиләр; әсарәтдә оларкән Јеговаја сәдагәтләрини горујанлар да олду. Сонра Бабил, б. е. әввәл 539-ҹу илдә Кир падшаһын рәһбәрлији алтында мидијалылар вә фарслар тәрәфиндән мәғлуб едилди. Тәхминән ики илдән сонра, Кир, јәһудиләрин галығынын вәтәнә гајытмасына изин верән фәрман чыхарды. Бир гәдәр вахтдан сонра, Јерусәлим мә’бәди бәрпа едилди, каһинләр јенидән Гануну халга өјрәтмәјә башладылар (Малаки 2:7). Доғма вәтәнә гајыдан галыг сәдагәтини горујуб сахладыгҹа Јегова она хејир-дуа бәхш едирди.
7, 8. Тсефанја 3:14—17 ајәләриндәки пејғәмбәрлик сөзләри кимләрә аид иди вә нәјә ҝәрә сиз белә ҹаваб верирсиниз?
7 Бу бәрпа олунманы ҝөрәҹәк кәсләр һаггында Тсефанја габагҹадан бунлары демишди: “Еј Сион гызы, тәрәннүм ет; еј Исраил, бағыр; бүтүн үрәјинлә севин вә ҹош, еј Јерусәлим гызы! Сәнин үчүн олан һөкмләри РӘБ галдырды, сәнин дүшмәнини говду; Исраилин падшаһы, РӘБ, сәнин аранда; артыг писликдән горхмајаҹагсан. О ҝүн Јерусәлимә дејиләҹәк: Горхма; еј Сион, әлләрин зәифләмәсин. Аллаһын РӘБ, гүввәтли Гуртарыҹы, сәнин арандадыр; сәнин үчүн чох севинәҹәкдир; севҝиси ичиндә сусаҹагдыр; сәнин үчүн тәрәннүмлә ҹошаҹагдыр” (Тсефанја 3:14—17).
8 Бу пејғәмбәрлик сөзләри, бир јерә топланмыш вә Бабил әсарәтиндән аталарынын торпағына гајтарылмыш галыға аид иди. Тсефанја 3:18—20 ајәләриндә јазылмыш сөзләр буна шәһадәт едир: “Бәлли бајрамлар үчүн кәдәрли оланлары топлајаҹағам, онлар сәндәндирләр; онун үзәриндәки јүк онлар үчүн утанҹ олду. Будур, о вахт сәни алчалданларын һамысына гаршы чыхаҹағам; вә топалы гуртараҹағам вә дағыныг оланы топлајаҹағам; онлары бир һәмд вә бир ад едәҹәјәм, онлар ки, хәҹаләтләри бүтүн дүнјада иди. О вахт сизи ҝәтирәҹәјәм вә о вахт сизи топлајаҹағам; чүнки ҝөзләринизин өнүндә сүрҝүнләринизи ҝери ҝәтирдијим заман, сизи дүнјанын бүтүн халглары арасында бир ад вә бир һәмд едәҹәјәм, РӘБ дејир”.
9. Јәһуда халгы илә әлагәдар Јегова өзүнә ады неҹә газанды?
9 Исраили әһатә едән халгларын - Аллаһын хидмәтчиләринин дүшмәнләринин неҹә сарсылдыгларыны тәсәввүр един! Гүдрәтли Бабил ордусу Јәһуданын әһалисини әсир ҝөтүрмүшдү; санки ҝеријә гајытмаға үмид јох иди. Бундан әлавә, онларын вәтәни талан едилмишди. Лакин 70 илдән сонра, дүшмән халгларын мәһв олунмаға мә’руз галдыглары бир заманда, Јегованын гүввәси сајәсиндә јәһудиләр вәтәнә гајытдылар. Јегова садиг галығы азад етмәклә өзүнә неҹә дә бөјүк ад газанды! Јегова бу галыға “дүнјанын бүтүн халглары арасында бир ад вә бир һәмд” верди. Бу ҹүр бәрпа едилмә Јеговаја вә Онун адыны дашыјанлара неҹә дә иззәт ҝәтирди!
Јеговаја ибадәт јүксәлдилди
10, 11. Тсефанјанын бәрпа олунма һаггындакы пејғәмбәрлији нә заман јеринә јетмәли иди вә бу һарадан мә’лумдур?
10 Диҝәр бәрпа олунма бизим еранын биринҹи јүзиллијиндә, Иса Мәсиһ, Аллаһа һәгиги ибадәт үчүн Исраилин галығыны топлајаркән баш верди. Биринҹи әсрдә баш верән һадисәләр ҝәләҹәк һаггында тәсәввүрләр верирди, чүнки бәрпа олунма һаггындакы пејғәмбәрлијин бөјүк иҹрасы ҝәләҹәкдә олмалы иди. Миканын пејғәмбәрлијиндә габагҹадан дејилмишди: “Сон ҝүнләрдә елә олаҹаг ки, дағларын башында РӘБ евинин дағы мөһкәмләндириләҹәк вә тәпәләрдән јухары јүксәләҹәк; вә халглар она ахышаҹаглар” (Мика 4:1).
11 Бу нә вахт баш вермәли иди? Пејғәмбәрликдә дејилдији кими, “ахыр ҝүнләрдә”, јә’ни бизим зәманәмиздә (2 Тимотејә 3:1). Бүтүн бунлар бу ҝүн мөвҹуд олан әшјалар системинин сону ҝәлмәздән әввәл, һәлә халглар јалан танрылара ибадәт едәркән баш верәҹәкдир. Мика 4:5 ајәсиндә дејилир: “Бүтүн халглар, һәр бири өз илаһисинин исмилә јеријир”. Бәс һәгиги Аллаһын ибадәтчиләри? Миканын пејғәмбәрлијиндә ҹаваб верилир: “Биз дә даима вә әбәдијјән Аллаһымыз РӘББИН исмилә јеријәҹәјик”.
12. Бу ахыр ҝүнләрдә һәгиги ибадәт неҹә јүксәлдилмишдир?
12 Беләликлә, бу ахыр ҝүнләрдә “РӘБ евинин дағы... тәпәләрдән јухары јүксәләҹәк”. Ән јүксәк дағла мүгајисә олунан, Јеговаја едилән уҹалдылмыш һәгиги ибадәт бәрпа олундугдан сонра, бүтүн башга динләр үзәриндә өз јерини мөһкәмләтди. Миканын да габагҹадан дедији кими, “халглар она ахышырлар”. Бу ҝүн һәгиги динин тәрәфдарлары, “даима вә әбәдијјән Аллаһлары РӘББИН исмилә јеријәҹәкләр”.
13, 14. Бу дүнјанын “ахыр ҝүнләри” нә заман башлады вә о вахтдан бәри һәгиги ибадәтлә әлагәдар нә баш верирди?
13 Мүгәддәс Китабын пејғәмбәрликләрини һәјата кечирән һадисәләр ҝөстәрир ки, 1914-ҹү илдә бу дүнјанын “ахыр ҝүнләри” башламышдыр (Марк 13:4—10). Тарих шәһадәтлик едир ки, Јегова һәгиги ибадәт үчүн ҝөјдә јашамаг үмиди олан мәсһ едилмиш садиг галығы топламаға башлады. Бунун ардынҹа “һәр милләтдән, бүтүн гәбиләләрдән, халглардан вә дилләрдән олан... бөјүк бир издиһам” топланмаға башлады. Бу издиһам јер үзүндә әбәдијјән јашамаға үмид едир (Вәһј 7:9).
14 Биринҹи дүнја мүһарибәси дөврүндән бәри, Јегованын рәһбәрлији алтында Онун адыны дашыјан инсанларын ибадәти һејрәтләндириҹи тәрздә вүс’әт алыр. Биринҹи дүнја мүһарибәсиндән сонра Јегованын ибадәтчиләринин сајы ҹәми бир нечә мин иди, бу ҝүн исә онлар алты милјона јахындырлар. Онлар 235 өлкәдә тәхминән 91 000 јығынҹаг тәшкил едирләр. Һәр ил Падшаһлығын бу тәблиғчиләри Јегованы үмумдүнја гаршысында иззәтләндирмәјә милјард саатдан артыг вахт сәрф едирләр. Бүтүн бунлардан ҝөрүнүр ки, Јегованын Шаһидләри, Исанын “Падшаһлыг һаггында олан бу Мүждә милләтләрин һамысына шәһадәт олараг бүтүн дүнјада тәблиғ олунаҹагдыр; вә сон о заман ҝәләҹәкдир”, дејә сөјләдији пејғәмбәрлик сөзләрини јеринә јетирирләр (Матта 24:14, И—93).
15. Тсефанја 2:3-ҹү ајәси бу ҝүн неҹә јеринә јетир?
15 Тсефанја 3:17-ҹи ајәсиндә дејилир: “Аллаһын РӘБ, гүввәтли Гуртарыҹы, сәнин арандадыр”. Бу сон ҝүнләрдә Аллаһын хидмәтчиләринин руһән чичәкләнмәси, Јегованын - онларын һәр шејә гадир олан Аллаһларынын “араларында” олмаларына ишарә едир. Бу сөзләри, б. е. әввәл 537-ҹи илдә гәдим Јәһуда падшаһлығынын бәрпа олунмасы һаггында да демәк олар. Инди биз Тсефанја 2:3-ҹү ајәсинин бизим ҝүнләрдә бөјүк мигјасда неҹә јеринә јетдијини ҝөрүрүк; орада дејилир: “Дүнјанын бүтүн тәвазөкарлары, РӘББИ арајын”. Б. е. әввәл 537-ҹи илдә “бүтүн” сөзләри алтында јәһудиләрин әсарәтдән гајыдан галығы нәзәрдә тутулурду. Бу ҝүн исә бу, бүтүн халглардан олан, һәр јердә тәблиғ олунан Падшаһлыг һаггындакы хәбәрә һај верән вә Рәббин евинә ахышан тәвазөкар инсанлара аиддир.
Һәгиги ибадәт инкишаф едир
16. Дүшмәнләримиз бизим ҝүнләрдә Јегованын тәшкилатынын инкишафына чох еһтимал ки, неҹә јанашырлар?
16 Ерамыздан әввәл 537-ҹи илдән сонра, Исраили әһатә едән халглардан олан инсанларын чоху Аллаһын хидмәтчиләринин вәтәнә гајытмасына вә һәгиги ибадәтин бәрпа олунмасына һејран галырдылар. Лакин бу бәрпа олунманын әһатә даирәси чох бөјүк дејилди. Бизим ҝүнләрдә исә мүшаһидәчиләрин, о ҹүмләдән Аллаһын халгынын дүшмәнләринин, гејри-ади артымы, Јегованын тәшкилатынын тәрәгги етдијини вә ирәлиләдијини ҝөрүб, нә дедикләрини тәсәввүр едирсинизми? Шүбһә етмәмәк олар ки, дүшмәнләрдән бә’зиләри, халгын Исанын јанына ахышдығыны ҝөрән фәрисејләр кими дүшүнүрләр: “Дүнја Онун ардынҹа ҝетди” (Јәһја 12:19).
17. Бир мүәллиф Јегованын Шаһидләри барәсиндә нә демишди вә онлар сајҹа нә гәдәр артмышлар?
17 “Онлар да инанырлар” адлы китабында профессор Чарлз Барден јазыр: “Јегованын Шаһидләри сөзүн әсл мә’насында өз шаһидликләри илә бүтүн јер үзүнү әһатә едибләр. Ҹәсарәтлә демәк олар ки, дүнјада, Падшаһлыг һаггындакы мүждәни јајмаг ишиндә Јегованын Шаһидләри гәдәр сә’ј вә мәтанәт ҝөстәрән башга бир дини груп тапылмаз. Чох еһтимал ки, бу һәрәкат ҝәләҹәкдә дә гүввә топлајаҹагдыр” (“These Also Believe”). Китабын мүәллифи һаглы имиш. Тәхминән 50 ил бундан габаг, о бу сөзләри јазаркән, бүтүн дүнјада ҹәми 300 000 Шаһид тәблиғ едирди. Мараглыдыр, о, бу ҝүн - мүждәни тәблиғ едәнләрин сајынын 20 дәфә артығы вә тәхминән алты милјона чатдығы бир вахтда нә дејәрди?
18. Тәмиз дил нәдир вә Аллаһ ону кимләрә верир?
18 Аллаһ пејғәмбәри васитәсилә белә бир вә’д вермишдир: “Бир үрәклә РӘББӘ гуллуг етмәк үчүн һамысы РӘББИН исмини чағырсынлар дејә, халглара о заман тәмиз додаг [“дил”, ЈД] верәҹәјәм” (Тсефанја 3:9). Бу сон ҝүнләрдә Јегованын адыны, мәһәббәтин гырылмаз бағлары илә бағланан, Аллаһа “бир үрәклә” хидмәт едән Јегованын Шаһидләри чағырырлар. Јегова тәмиз дили мәһз онлара вермишдир. Тәмиз дили билмәк - Аллаһ вә Онун нијјәтләри һаггындакы һәгигәти дүзҝүн анламаг демәкдир. Бу анлајышы, мүгәддәс руһунун көмәји илә јалныз Јегова верә биләр (1 Коринфлиләрә 2:10). Јегова мүгәддәс руһуну кимә верир? Јалныз “Она итаәт едәнләрә” (Һәвариләрин ишләри 5:32). Вә јалныз Јегованын Шаһидләри һәр шејдә Аллаһа табе олмаға һазырдырлар. Бах елә буна ҝөрә дә, онлар Аллаһын руһуну алыр вә тәмиз дили - Јегова вә Онун ҝөзәл нијјәтләри һаггындакы һәгигәти билирләр. Онлар бу тәмиз дили, Јегованы бүтүн јер үзүндә иззәтләндирмәк үчүн истифадә едирләр. Онларын фәалијјәти бөјүк әразиләри әһатә едир вә ҝенишләнмәкдә давам едир.
19. Тәмиз дилдә данышмаг нә демәкдир?
19 Тәмиз дилдә данышмаг һәгигәтә јалныз инанмағы вә ону башгаларына өјрәтмәји дејил, һәмчинин Аллаһын ганунлары вә принсипләри әсасында давранмағы да өзүнә дахил едир. Ҝөјләр һәјатына үмид бәсләјән мәсһ едилмишләр, Јегованы ахтармагда вә тәмиз дилдә данышмагда рәһбәрлији өз үзәрләринә ҝөтүрүрләр. Јалныз әлдә едилән наилијјәтләр барәсиндә дүшүнүн! Мәсһ едилмишләрин сајы 8 700 нәфәрдән аз олса да, алты милјона јахын инсан Јегованы ахтарараг вә тәмиз дилдә данышараг онларын иманыны тәглид едирләр. Бу, бүтүн халглардан олуб, артмагда давам едән бөјүк издиһамдыр. Бу инсанлар Исанын фидијә гурбанлығына иман ҝәтирир, Аллаһын руһани мә’бәдинин јер үзүндә олан һәјәтиндә мүгәддәс хидмәти иҹра едирләр. Онлар, тезликлә бу ҝүнаһлы дүнјанын үзәринә ҝәләҹәк “бөјүк мәшәггәтдән” сағ чыхаҹаглар (Вәһј 7:9, 14, 15).
20. Садиг мәсһ едилмишләри вә бөјүк издиһамы тәшкил едәнләри нә ҝөзләјир?
20 Бөјүк издиһам, Аллаһын әдаләтли јени дүнјасына дахил едиләҹәк (2 Петер 3:13). Иса Мәсиһ вә онунла бәрабәр падшаһлар вә каһинләр кими хидмәт етмәкдән өтрү ҝөјләр һәјаты үчүн дирилдилмиш 144 000 мәсһ едилмишләр, бүтүн јер үзүнүн һөкумәтини тәшкил едәҹәкләр (Ромалылара 8:16, 17; Вәһј 7:4; 20:6). Бөјүк мәшәггәтдән сағ чыханлар јер үзүнү ҹәннәтә чевирмәјә башлајаҹаг вә Аллаһ тәрәфиндән верилмиш тәмиз дилдә данышмаға давам едәҹәкләр. Принсип е’тибары илә, ашағыдакы сөзләр онлара тәтбиг едиләндир: “Бүтүн оғулларын [вә шүбһәсиз ки, гызларын] РӘБ тәрәфиндән өјрәдилмиш олаҹаг; вә оғулларынын әмин-аманлығы чох олаҹаг. Ҹалеһликлә мөһкәмләнәҹәксән” (Ишаја 54:13, 14).
Тарих әрзиндәки ән бөјүк тәһсил иши
21, 22. а) Һәвариләрин ишләри 24:15-ҹи ајәсинә әсасән кимләрә тәмиз дили өјрәтмәк лазым ҝәләҹәк? б) Падшаһлығын һөкмранлығы алтында Јер үзүндә тәһсил үзрә һансы ҝөрүнмәмиш иш һәјата кечириләҹәкдир?
21 Һәвариләрин ишләри 24:15 ајәсиндә, јени дүнјада тәмиз дил өјрәнмәк имканы верилән инсанларын бөјүк групу һаггында дејилир: “Һәм салеһ, һәм дә салеһ олмајан өлүләрин дирилмәси олаҹагдыр”. Кечмиш заманларда милјардларла инсанлар Јегова һаггында дәгиг билик алмадан јашамыш вә өлмүшләр. Јегова онлары низама салынмыш тәрздә һәјата гајтараҹагдыр. Вә дирилдилмиш бу инсанлара тәмиз дили өјрәтмәк лазым ҝәләҹәкдир.
22 Тәһсил вермә үзрә бу бөјүк ишдә иштирак етмәк ҝөзәл шәрәфдир! Бу, бәшәријјәтин тарихи әрзиндә ән бөјүк маарифләндирмә иши олаҹагдыр. Бүтүн бу ишләр, Иса Мәсиһин хејирхаһ падшаһлығы заманы кечириләҹәкдир. Вахты ҝәлдикдә, инсанлар Ишаја 11:9-ҹу ајәсиндә јазылан сөзләрин неҹә јеринә јетдијини ҝөрәҹәкләр: “Сулар дәнизи неҹә долдурурса, дүнја да РӘБ билҝиси илә долу олаҹаг”.
23. Јегованын халгына мәхсус олмаг нәјә ҝөрә бөјүк севинҹ ҝәтирир?
23 Бу ахыр ҝүнләрдә, бүтүн дүнјанын Јегова һаггындакы биликлә долаҹағы мө’ҹүзәли зәманәјә һазырлашмағымыз үчүн неҹә дә шадыг! Аллаһын халгы үзәриндә Тсефанја 3:20 ајәсиндәки “сизи дүнјанын бүтүн халглары арасында бир ад вә бир һәмд едәҹәјәм” пејғәмбәрлик сөзләри мөһтәшәм тәрздә јеринә јетир. Вә бу халга артыг индидән мәхсус олмаг неҹә дә севиндириҹидир!
Сиз неҹә ҹаваб верәрдиниз?
• Тсефанјанын бәрпа олунма барәсиндәки пејғәмбәрлији неҹә јеринә јетди?
• Бу сон ҝүнләрдә һәгиги ибадәт неҹә инкишаф едир?
• Јени дүнјада тәһсиллә әлагәдар һансы бөјүк иш һәјата кечириләҹәкдир?
[26-ҹы сәһифәдәки шәкилләр]
Јегованын Шаһидләри “тәмиз дилдә” данышараг, Мүгәддәс Китабда јазылан тәсәлливериҹи хәбәри инсанларла бөлүшүрләр.