Дәјишикликләрә ујғунлашмаға һазырсанмы?
1. Дүнјада баш верән дәјишикликләр биздән нә тәләб едир?
1 Дүнја 1 Коринфлиләрә 7:31 ајәсиндә сәһнәси вә актјорлары даим дәјишән театр сәһнәсинә бәнзәдилир. Дүнјада баш верән дәјишикликләр тәләб едир ки, биз дә вахташыры тәблиғ үсулларымызы, ҹәдвәлимизи вә јанашма тәрзимизи дәјишәк. Бәс сән ујғунлашмаға һазырсанмы?
2. Тәшкилатла ајаглашмаг нәјә ҝөрә ваҹибдир?
2 Тәблиғ үсулларымыз. Мәсиһчи јығынҹағы дәјишикликләрә ујғунлашмағы һәмишә баҹарыб. Иса һәлә тәзә-тәзә шаҝирдләрини тәблиғә ҝөндәрәндә тапшырмышды ки, онлар өзләрилә нә јемәк, нә дә пул ҝөтүрсүнләр (Мат. 10:9, 10). Анҹаг Иса шаҝирдләринин ҝәләҹәкдә тәгибләрлә үзләшәҹәјини вә тәблиғ ишинин диҝәр әразиләрә дә јајылаҹағыны билдијинә ҝөрә бу тапшырығында дәјишиклик етди (Лука 22:36). Өтән әсрдә Јеһованын тәшкилаты о вахтлар үчүн зәрури олан мүхтәлиф тәблиғ үсулларындан — шаһидлик үчүн вәрәгәләрдән, радиодан, үзәриндә сәсҝүҹләндириҹи гурғулар гурашдырылмыш автомобилләрдән истифадә едиб. Бу ҝүн исә бир чох әразиләрдә инсанлары евдә тапмаг чәтин олдуғундан евдән-евә тәблиғлә јанашы, иҹтимаи јерләрдә тәблиғ етмәк вә гејри-рәсми шаһидлик вермәк зәрурәти јараныр. Биз һәмчинин ишдән гајытмыш инсанлары тапмаг үчүн ахшамүстү евдән-евә тәблиғ етмәјә тәшвиг олунмушдуг. Бәс Јеһованын сәмави арабасы өз истигамәтини дәјишәндә сән бу дәјишиклијә ујғунлаша билирсән? (Јез. 1:20, 21).
3. Дәјишиклијә ујғунлашмаг әразимиздә даһа еффектли тәблиғ етмәјә неҹә көмәк едир?
3 Тәгдимәләримиз. Јашадығымыз әразидәки инсанлары һал-һазырда нә нараһат едир? Игтисади вәзијјәт? Аилә? Мүһарибә шәраити? Инсанларын ҝүндәлик проблемләриндән вә шәраитиндән һалы олсаг, тәгдимәләримизи онларын вәзијјәтинә ујғунлашдыра биләҹәјик (1 Кор. 9:20—23). Ев сакини өз фикрини билдирәндә әввәлҹәдән һазырладығымыз тәгдимә үзрә данышмагданса, јахшы олар ки, сөһбәти ону марагландыран мәҹрада давам етдирәк.
4. Нә үчүн дәјишикликләрә ләнҝимәдән ујғунлашмалыјыг?
4 Чох тезликлә бу дүнјанын сонунҹу «сәһнәси» јекунлашаҹаг вә бөјүк мүсибәт башлајаҹаг. «Артыг вахт азалыб» (1 Кор. 7:29). Вахтын азалдығы мүддәтдә чох иш ҝөрмәк үчүн дәјишикликләрә ујғунлашмаг вә буну тәхирә салмадан етмәк олдугҹа ваҹибдир!