“Һазыр олун”
1 Иса индики системин сону һаггындакы мәшһур пејғәмбәрлијиндә дүнјәви гајғылара гапылмагдан сагындырырды (Мат. 24:36-39; Лука 21:34, 35). Бөјүк мәшәггәт истәнилән ан башлана биләҹәји үчүн, биз ҝәрәк Исанын хәбәрдарлығына диггәт јетирәк: “Сиз дә һазыр олун; зира Инсан Оғлу, сизин зәнн етмәдијиниз саатда ҝәләҹәкдир” (Мат. 24:44). Бәс һазыр олмағымыза нә көмәк едә биләр?
2 Гајғыларын вә диггәти јајындыран шејләрин өһдәсиндән ҝәлмәк. Чәкинмәли олдуғумуз руһани тәләләрдән бири “һәјатын гајғылары”дыр (Лука 21:34). Бә’зи өлкәләрдә касыбчылыг, ишсизлик вә бөјүк хәрҹләрә ҝөрә, јашамаг үчүн зәрури олан шејләри әлдә етмәк чәтиндир. Диҝәр өлкәләрдә исә мадди шејләр әлдә етмәк ади һалдыр. Әҝәр биз мадди шејләр һаггында һәддиндән артыг дүшүнмәјә башлајырыгса, Аллаһын Падшаһлығынын реаллығына диггәт јетирмәмиз тәһлүкә алтына дүшә биләр (Мат. 6:19-24, 31-33). Мәсиһчи ҝөрүшләри исә диггәтимизи Аллаһын Падшаһлығына мәркәзләшдирмәкдә көмәк едир. Һәр ҝөрүшдә иштирак етмәк мәгсәдин вармы? (Ибр. 10:24, 25).
3 Буҝүнкү дүнјада гијмәтли вахтымызы апаран чох шејләр вар. Әҝәр биз һәддиндән артыг Интернетә чох вахт сәрф едириксә, електрон мәктублары охујур вә јоллајырыгса, јахуд компүтер ојунлары ојнајырыгса, онда компүтер бизим үчүн тәлә ола биләр. Телевизор, филмләр, севимли мәшғулијјәтләр, дүнјәви әдәбијјат охумаг вә идман ојунлары чох вахт апара биләр. Бунун нәтиҹәсиндә исә руһани ишләрә чох аз вахт вә гүввә галыр. Истираһәт вә әјләнҹәләр бизә мүвәггәти тәравәт верә билдији бир һалда, Мүгәддәс Китабы шәхси вә аиләви өјрәнмәк әбәди хејир-дуалар ҝәтирир (1 Тим. 4:7, 8). Аллаһын Кәламы үзәриндә һәр ҝүн дүшүнмәк үчүн вахты сатын алырсынызмы? (Ефес. 5:15-17).
4 “Бүтүн баш верәҹәк бу фәлакәтләрдән гачынмаға... вә Инсан Оғлунун һүзуруна чыха билмәк үчүн” бизә көмәк едән руһани нәсиһәтләрә ҝөрә Јеһованын ҹәмијјәтинә неҹә дә миннәтдарыг! (Лука 21:36). Ҝәлин бу руһани тәдбирләрдән там фајда әлдә едәк вә “Иса Мәсиһин зүһурунда” иманымыз “мәдһ, иззәт вә шәрәф ҝәтирсин” дејә “һазыр олаг” (1 Пет. 1:7).