Башгаларына көмәк етмәк истәјирсәнми?
1 Иса Мәсиһ инсанлара һәгиги мә’нада гајғы ҝөстәрирди. Ҹүзам хәстәлијинә тутулмуш адам көмәк үчүн јалваранда, Иса әлини узадыб она тохунараг деди: “Истәјирәм, саф ол!” (Марк 1:40-42). Башгаларына көмәк етмәкдә Исанын дүшүнҹә тәрзини неҹә тәглид едә биләрик?
2 Мараглананлар. Јығынҹағын һәр бир үзвү, марагланан инсанлара Јеһованын хидмәтчиси олмагда көмәк едә биләр. Јығынҹаг ҝөрүшләринә јени мараглананлар ҝәлдикдә, онларла саламлаш вә таныш ол. Һәр бир әлверишли шәраитдә онлары руһландырмаға чалыш. Вердикләри шәрһләрә ҝөрә миннәтдарлығыны билдир. Мүгәддәс Китабын принсипләрини һәјатларында тәтбиг етмәјә сә’ј ҝөстәрдикләринә ҝөрә онлары тә’рифлә. Јығынҹагда һәгиги достлар тапмагда онлара көмәк ет.
3 Һәмиманлылар. Иман гардашларымыз, онлара мүхтәлиф саһәләрдә көмәк етмәјимизә хүсусилә лајигдирләр (Галат. 6:10). Онлардан әксәријјәти сағламлыглары илә әлагәдар чәтинлик чәкирләр. Онлара баш чәкмәклә, сөһбәт едиб руһландырар вә ҝүман ки, һансыса практики көмәклији ҝөстәрә биләрсән. Баҹы-гардашларымыз башга чәтинликләрлә дә гаршылашырлар. Онлара диггәт јетир, вахтыны әсирҝәмәдән онлары динлә вә руһландыр (1 Салон. 5:14). Чохлу вәзифәләр јеринә јетирән ағсаггаллар да бизим әмәкдашлығымыза еһтијаҹ дујурлар (Ибр. 13:17). Һазырлыг вә гаршылыглы јардым руһу әкс етдирмәклә, һәмиманлыларымыза тәсәлли верә биләрик (Колос. 4:11).
4 Аилә үзвләри. Исанын инсанлара ҝөстәрдији гајғыны аиләмизин дахилиндә дә әкс етдирмәлијик. Ушагларын рифаһы наминә ҝөстәрилән дәрин мараг, валидејнләри тәшвиг едәҹәкдир ки, “онлары Рәббин тәрбијә вә нәсиһәти илә” бөјүтсүнләр (Ефес. 6:4). Ушаглар да өз нөвбәсиндә аиләви өјрәнмәнин, јығынҹаг ҝөрүшләринин вә ја тәблиғ хидмәтинин вахты ҝәлдикдә һәмишә һазыр олмалыдырлар. Бөјүк ушаглар, гоҹалыг дөврүнүн чәтинликләринин өһдәсиндән ҝәлмәкдә јашлы валидејнләринә көмәк етмәклә, ҹаныјананлыг ҝөстәрмәкдә Исаны тәглид едә биләрләр. Бизим һамымыз, бу вә диҝәр үсулларла өз евимиздә Аллаһа сәдагәтли ола биләрик (1 Тим. 5:4).
5 Исаны тәглид едәрәк башгаларына көмәк едәндә, ағрылары јүнҝүлләшдирир вә аиләнин, о ҹүмләдән јығынҹағын бирлијинә көмәк едирик. Ән әсасы исә, “мәрһәмәтли Ата”мыз Јеһоваја шәрәф ҝәтиририк (2 Кор. 1:3).