Јадыныздадырмы?
«Ҝөзәтчи Гүлләси»нин сон сајлары хошунуза ҝәлдими? Елә исә ашағыдакы суаллара ҹаваб вермәјә чалышын:
• Бәзи мәсиһчиләр евләнәндән сонра һансы ҹидди чәтинликлә үзләширләр вә нә етмәјә чалышырлар?
Бәзи мәсиһчиләр һәјат јолдашлары илә араларында үмуми шејин аз олдуғуну ҝөрә биләрләр. Мүгәддәс Китаб әсасы олмадан бошанмағын дүзҝүн чыхыш јолу олмадығыны биләрәк, онлар никаһларыны горумаг үчүн әлләриндән ҝәләни етмәлидирләр (15.4. сәһ. 17).
• Гоҹалар евиндәки мәсиһчи һансы чәтинликләрлә үзләшә биләр?
Ола билсин, онун дүшдүјү гоҹалар еви танымадығы јығынҹағын әразисиндә олсун. Гоҹалар евиндә јашајанларын чохунун дини етигадлары мүхтәлиф ола биләр вә ону дини фәалијјәтләрә ҹәлб етмәјә чалыша биләрләр. Онун мәсиһчи гоһумлары вә јерли јығынҹағын үзвләри бу проблемдән хәбәрдар олмалыдырлар вә она көмәк едиб гајғысына галмалыдырлар (15.4. сәһ. 25-27).
• Әрлә арвада проблемләри һәлл етмәјә һансы дөрд аддым көмәк едә биләр?
Мәсәләни мүзакирә етмәк үчүн вахт тәјин един (Ваиз 3:1, 7). Фикринизи дүзҝүн вә һөрмәтлә сөјләјин (Ефес. 4:25). Динләјин вә һәјат јолдашынызын һиссләрини нәзәрә алын (Мат. 7:12). Үмуми разылыға ҝәлин вә бирҝә чалышын (Ваиз 4:9, 10) (ијун-сентјабр, сәһ. 28-30).
• Иса борҹларымызын бағышланмасы үчүн дуа етмәјә тәшвиг едәркән һансы борҹлары нәзәрдә тутурду?
Матта 6:12 вә Лука 11:4 ајәләрини мүгајисә едәркән ајдын олур ки, Иса пул борҹундан данышмырды. О, ҝүнаһлары нәзәрдә тутурду. Биз бағышламаға һазыр олмагла Аллаһы тәглид етмәлијик (15.5. сәһ. 9).
• Рәһбәрлик Шурасынын үзвләри һансы комитетләрдә хидмәт едирләр?
Координаторлар комитәси, Кадрлар комитәси, Нәшријјат комитәси, Хидмәти комитә, Тәлим комитәси, Јазы комитәси (15.5. сәһ. 29).
• Нуһун Дашгынынын үмумдүнја мигјасында олдуғуна неҹә әмин ола биләрик?
Иса Нуһун Дашгынынын баш вердијинә вә үмумдүнја мигјасында олдуғуна инанырды. Мүгәддәс Китабын хәбәрдарлыглары ҝерчәкдән баш верән Үмумдүнја дашгынына әсасланыр (ијун-сентјабр, сәһ. 8).
• Ромалылара 1:24-32 ајәләриндә тәсвир олунан һәрәкәтләри едән јәһудиләр иди, јохса бүтпәрәстләр?
Буну һәр ики група аид етмәк мүмкүн олса да, Павел бурада хүсусилә гәдимдә јашајан, әсрләр бојунҹа Гануну јеринә јетирмәјән исраиллиләр һаггында данышырды. Онлар Аллаһын әдаләтли һөкмүнү билирдиләр, буна бахмајараг она ујғун јашамырдылар (15.6. сәһ. 29).
• Нәјә ҝөрә әлчатан мәгсәдләрә ҹан атмаг севинҹимизи артыраҹаг?
Әҝәр нәјин баһасына олурса-олсун, гејри-реал мәгсәдләрә наил олмаг үчүн дәридән-габыгдан чыхырыгса, демәли өзүмүзү ҝәрәксиз стрессә дүчар едирик. Бунунла белә, биз мәсиһчи хидмәтиндә аз иштирак етмәк үчүн мүхтәлиф бәһанәләр ахтарараг өзүмүзә бәраәт газандырмамалыјыг (15.7. сәһ. 29).