Мәсиһин ҝәлиши бизи горхутмалыдырмы?
ИСА МӘСИҺИН ҝәлиши дејәндә тәсәввүрүнүздә нә ҹанланыр? Сизин фикринизҹә, бу, бәшәријјәт үчүн мүсибәт, ҹәза демәкдир? Јохса сиз һәмин ҝүнүн бүтүн проблемләримизә сон гојаҹағыны ҝөзләјирсиниз? Иса Мәсиһин ҝәлиши бизи горхутмалыдыр, јохса ону сәбирсизликлә ҝөзләмәлијик?
Мәсиһин ҝәлиши илә әлагәдар Мүгәддәс Китабда дејилир: «Будур О, булудларла ҝәлир! Вә һәр ҝөз... Ону ҝөрәҹәк; вә дүнјанын бүтүн гәбиләләри Онун үчүн синә дөјәҹәкләр» (Вәһј 1:7). Мәсиһ дүз адамлара мүкафат, писләрә исә ҹәза вермәк үчүн ҝәләҹәк.
Һәвари Јәһја Мәсиһин ҝәлишиндән горхмур, әксинә, ону сәбирсизликлә ҝөзләјирди. Бу һагда вә онун инсанлара ҝәтирәҹәји хејир-дуалар барәдә вәһј аландан сонра Јәһја үрәкдән дуа етди: «Ҝәл, ја Рәбб Иса!» (Вәһј 22:20). Бәс нә үчүн ‘дүнјанын бүтүн гәбиләләри Онун үчүн синә дөјүрләр’? «Һәр ҝөз» һансы мә’нада ону ҝөрәҹәк? Иса Мәсиһин ҝәлиши нәји һәјата кечирәҹәк? Она иман етмәк бизә индидән һансы фајданы ҝәтирир? Бу суаллара нөвбәти мәгаләдә ҹаваб тапаҹағыг.