Мөһтәшәм үмид!
«Ким јашајыб Мәнә иман едәрсә, әсла өлмәз» (ЈӘҺЈА 11:26).
1. Милјонларла инсан һансы шәраитдә дирилдиләҹәк?
МИЛЈОНЛАРЛА инсан дирилдиләндә јер үзү сәһра тәк бош олмајаҹаг (Һәвариләрин ишләри 24:15). Онлар ҝөзәл шәраитдә ојанаҹаг вә ҝөрәҹәкләр ки, онлар үчүн јашамаға ев, ҝејмәјә палтар вә бол гида һазырланыб. Бүтүн бу һазырлыглары ким ҝөрәҹәк? Сөзсүз ки, дирилмә башламаздан әввәл артыг јени дүнјада инсанлар јашајаҹаг. Бәс сөһбәт кимләрдән ҝедир?
2-4. «Ахыр ҝүнләрдә» јашајан инсанларын гаршысында һансы мөһтәшәм үмид ачылыб?
2 Мүгәддәс Китабын һәјата кечмиш пејғәмбәрликләри ҝөстәрир ки, биз бу системин ‘ахыр ҝүнләриндә’ јашајырыгa (2 Тимотејә 3:1). Чох тезликлә Јеһова Аллаһ инсанларын ишинә мүдахилә едәҹәк вә јер үзүндән пислији силәҹәк (Мәзмур 37:10, 11; Сүлејманын мәсәлләри 2:21, 22). Ҝөрәсән, Аллаһа сәдагәтлә хидмәт едәнләрлә нә баш верәҹәк?
3 Јеһова јахшы инсанлары писләрлә бәрабәр мәһв етмәјәҹәк (Мәзмур 145:20). О, һеч вахт белә етмәјиб, јер үзүнү писликдән тәмизләјәндә дә етмәјәҹәк. (Јарадылыш 18:22, 23, 26 ајәләри илә мүгајисә един.) Мүгәддәс Китабын сонунҹу китабында «бөјүк мәшәггәтдән» чыхан вә «һәр милләтдән, бүтүн гәбиләләрдән, халглардан вә дилләрдән олан, кимсәнин сајмаға гадир олмадығы бөјүк бир издиһам» һаггында данышылыр (Вәһј 7:9—14). Бәли, чохлу сајда инсан индики дүнјанын мәһв едиләҹәји бөјүк мәшәггәтдән сағ чыхаҹаг вә Аллаһын јени дүнјасына гәдәм басаҹаг. Орада итаәткар бәшәријјәт Аллаһын инсанлары ҝүнаһ вә өлүмдән азад етмәк үчүн ҝөрдүјү мөҹүзәви тәдбирдән там фајдаланаҹаг (Вәһј 22:1, 2). Беләликлә, ‘бөјүк издиһам’ өлүмүн нә олдуғуну һеч вахт билмәјәҹәк. Бу, неҹә дә мөһтәшәм үмиддир!
4 Биз бу валеһедиҹи үмидин һәјата кечәҹәјинә архајын ола биләрикми? Шүбһәсиз! Иса Мәсиһ өлүмүн олмајаҹағы бир вахтын ҝәләҹәјини шәхсән өзү сөјләмишди. Досту Лазары дирилтмәздән әввәл Иса Мартаја деди: «Ким јашајыб Мәнә иман едәрсә, әсла өлмәз» (Јәһја 11:26).
Сиз дә әбәди јашаја биләрсиниз!
5, 6. Јерүзү Ҹәннәтдә әбәди јашамаг истәјирсинизсә, нә етмәлисиниз?
5 Сиз дә јерүзү Ҹәннәтдә әбәди јашамаг истәјирсинизми? Доғмаларынызын һәсрәтини чәкирсинизми? Белә исә, Аллаһын ирадәси вә Онун нијјәтләри һаггында дәгиг билијә јијәләнмәлисиниз. Аллаһа дуа едәркән Иса демишди: «Әбәди һәјат о демәкдир ки, Сәни, ваһид һәгиги Аллаһы вә ҝөндәрдијин Иса Мәсиһи танысынлар» (Јәһја 17:3).
6 Аллаһ истәјир ки, «бүтүн инсанлар хилас олуб, һәгигәти дәрк етсинләр» (1 Тимотејә 2:3, 4). Инди Јараданын ирадәсини јеринә јетирән милјонларла инсанла бирҝә јерүзү Ҹәннәтдә әбәди јашамағын неҹә мүмкүн олдуғуну өјрәнмәјин вахтыдыр. Јеһованын Шаһидләри сизә Аллаһ вә Онун тәләбләри һаггында өјрәтмәјә шад оларлар. Нәјә ҝөрә јахынлыгдакы Падшаһлыг Залы илә әлагә сахламајасыныз вә ја нөвбәти сәһифәдәки үнванлардан сизә јахын оланына мүраҹиәт етмәјәсиниз?
[Һашијә]
a Јеһованын Шаһидләри тәрәфиндән дәрҹ олунмуш «Мүгәддәс Китаб әслиндә нә өјрәдир?» китабынын 66—75-ҹи сәһифәләринә бахын.
[31-ҹи сәһифәдәки шәкил]
‘Бөјүкиздиһам’ өлүмүн нә олдуғуну һеч вахт билмәјәҹәк