Аллаһ истәјир ки, сән Онун досту оласан. Каинатда ән бөјүк Шәхсијјәтин досту олмаг барәсиндә һеч дүшүнмүсән? Гәдимдә јашамыш Ибраһимә Аллаһын досту дејилирди (Јагуб 2:23). Мүгәддәс Китабда Аллаһла достлуг етмиш вә боллуҹа хејир-дуа алмыш башга адамлардан да данышылыр. Бу ҝүн дүнјанын һәр јериндә инсанлар Аллаһла достлашырлар. Сән дә Аллаһын досту ола биләрсән.

Аллаһла достлуг, һәр һансы бир адамла достлугдан гат-гат јахшыдыр. Аллаһ һеч вахт вәфалы достларынын үрәјини сындырмыр (Зәбур 18:25). Аллаһын досту олмаг дөвләтли олмагдан гат-гат јахшыдыр. Варлы адам өләндә онун вар-дөвләти башгаларына галыр. Амма Аллаһла достлуг елә бир сәрвәтдир ки, ону һеч ким әлимиздән ала билмәз (Мәтта 6:19).

Бәзи адамлар Аллаһ һаггында өјрәнмәјинә мане олмаға чалышаҹаглар. Онларын арасында һәтта гоһумларын вә јахын достларын ола биләр (Мәтта 10:36, 37). Кимсә сәнә лағ едәндә вә ја һәдә-горху ҝәләндә өзүндән соруш: мән кими разы салмаг истәјирәм — Аллаһы, јохса инсанлары? Бир дүшүн: әҝәр кимсә сәнә «јемәк јемә» десә, она гулаг асардын? Сөзсүз ки, јох! Јашамаг үчүн сәнә гида лазымдыр. Аллаһ исә сәнә әбәди һәјат верә биләр! Буна ҝөрә дә Аллаһла достлашмағына кимсәнин мане олмасына јол вермә (Јәһја 17:3).

Дүнјада Аллаһла достлугдан јахшы шеј јохдур. Аллаһ сәнә хошбәхт вә динҹ јашамағы өјрәдәҹәк. Сәни јанлыш инанҹлардан вә зәрәрли адәтләрдән хилас едәҹәк. О сәнин дуаларыны динләјәҹәк. Сәнә дахили раһатлыг вә архајынлыг тапмаға көмәк едәҹәк (Зәбур 71:5; 73:28). Чәтинлијә дүшәндә Аллаһ сәнә дајаг олаҹаг (Зәбур 18:18). Бунлардан әлавә, Аллаһ сәнә әбәди јашамағы тәклиф едир (Ромалылара 6:23).

Аллаһа јахынлашдыгҹа Онун достлары илә дә јахындан таныш олаҹагсан. Онлар сәнинлә дә дост олаҹаглар. Әслиндә бу адамлар сәнә баҹы вә гардаш кими олаҹаглар. Онлар мәмнунијјәтлә сәнә Аллаһ һаггында данышаҹаг, көмәк едәҹәк вә дајаг олаҹаглар.

Биз Аллаһа тән дејилик. Аллаһла дост олмаг үчүн бир һәгигәти баша дүшмәк ваҹибдир. Аллаһла достлуг бир-биринә тај шәхсләрин достлуғу дејил. Аллаһ биздән олдугҹа бөјүк, мүдрик вә чох-чох ҝүҹлүдүр. О бизим гануни Һөкмдарымыздыр. Буна ҝөрә дә Аллаһын досту олмаг истәјириксә, Она гулаг асмалы вә Онун дедикләринә әмәл етмәлијик. Бу һәмишә бизим хејримизәдир (Әшија 48:18).

Аллаһын досту олмаг үчүн сәнә Онун һаггында билик алмаг лазымдыр. Достларын сәнин адыны билирләр? Онлар сәни адынла чағырырлар? Әлбәттә. Аллаһ да истәјир ки, сән Онун адыны билиб, Ону ады илә чағырасан. Аллаһын ады Јеһовадыр (Зәбур 83:18; Мәтта 6:9). Сән Онун нәји хошлајыб-хошламадығыны билмәлисән. Һәм дә Онун достларыны вә дүшмәнләрини танымалысан. Бир шәхси танымаг үчүн вахт лазымдыр. Мүгәддәс Китабда дејилир ки, Аллаһла таныш олмаг үчүн вахт ајырмаг ағыллы ишдир (Ефеслиләрә 5:15, 16).

Аллаһын достлары Онун хошладығы ишләри ҝөрүрләр. Достларыны јадына сал. Әҝәр онларла пис даврансан вә ја онларын хошламадығы бир иши ҝөрсән сәнинлә достлуг едәҹәкләр? Әлбәттә ки, јох! Әҝәр Аллаһын досту олмаг истәјирсәнсә, Онун хошладығы ишләри ҝөрмәлисән (Јәһја 4:24).

Бүтүн динләр Аллаһла достлуға апармыр. Аллаһын ән јахын досту олан Иса ики ҹүр јолдан данышмышды. Бунлардан бири ҝениш јолдур вә орада чохлу адам вар. Бу јол мәһвә апарыр. Диҝәри исә енсиз јолдур вә һәмин јолла аз адам ҝедир. Дар јол әбәди һәјат јолудур. Бу о демәкдир ки, әҝәр Аллаһын досту олмаг истәјирсәнсә, Она дүзҝүн ибадәт етмәји өјрәнмәлисән (Мәтта 7:13, 14).