Әҝәр Аллаһын досту олмаг истәјирсәнсә, Онун бәјәндији динә етигад етмәлисән. Иса демишди ки, Аллаһа дүзҝүн ибадәт едәнләр һәгигәтә ујғун ибадәт едәҹәкләр (Јәһја 4:23, 24). Аллаһа ибадәт етмәк үчүн јалныз бир доғру јол вар (Ефеслиләрә 4:4—6). Һәгиги дин әбәди һәјата, јалан дин исә өлүмә апарыр (Мәтта 7:13, 14).

Һәгиги дини, она етигад едәнләри мүшаһидә етмәклә таныја биләрсән. Јеһова јахшы Аллаһ олдуғу үчүн, Онун әсл хидмәтчиләри дә јахшы инсан олмалыдырлар. Јахшы алма ағаҹы јахшы алма ҝәтирдији кими, һәгиги динин дә бәһрәси јахшы адамлардыр (Мәтта 7:15—20).

Јеһованын достлары Мүгәддәс Китаба дәрин һөрмәт ҝөстәрирләр. Онлар Мүгәддәс Китабын Аллаһдан ҝәлдијини билирләр. Бу адамлар Мүгәддәс Китабдан Аллаһ һаггында билик алырлар. Онлар орада дејиләнләрин һәјатларына рәһбәрлик ҝөстәрмәсинә, проблемләрини һәлл етмәсинә изин верирләр (2 Тимутијә 3:16). Онлар тәблиғ етдикләри һәгигәтә ујғун јашамаға чалышырлар.

Јеһованын достлары бир-бирләрини севирләр. Иса Аллаһ һаггында өјрәтмәклә вә хәстәләри сағалтмагла адамлара мәһәббәт ҝөстәрирди. Һәгиги динә етигад едәнләр дә башгаларыны севирләр. Иса кими онлар да өзләрини касыблардан вә ја башга халгларын нүмајәндәләриндән үстүн тутмурлар. Иса демишди ки, инсанлар онун шаҝирдләрини араларындакы мәһәббәтә ҝөрә таныјаҹаглар (Јәһја 13:35).

Аллаһын достлары Онун «Јеһова» адына еһтирамла јанашырлар. Кимсә сәни адынла чағырмаг истәмәсә, о, сәнин јахын достун ола биләр? Јох! Әҝәр бизим достумуз варса, ону ады илә чағырыр вә башгаларына онун барәсиндә анҹаг јахшы шејләр данышырыг. Еләҹә дә Аллаһын досту олмаг истәјәнләр Онун адыны чағырмалы вә һаггында башгаларына данышмалыдырлар. Јеһова биздән буну ҝөзләјир (Мәтта 6:9; Ромалылара 10:13, 14).

Аллаһын достлары да, Иса кими, инсанлара Аллаһын Падшаһлығы барәсиндә өјрәдирләр. Аллаһын Падшаһлығы јер үзүнү Ҹәннәтә дөндәрәҹәк сәмави һөкумәтдир. Аллаһын достлары Падшаһлыг һаггындакы бу хош хәбәри башгалары илә бөлүшүрләр (Мәтта 24:14).

Јеһованын Шаһидләри Аллаһла дост олмаға чалышырлар. Онлар Мүгәддәс Китаба һөрмәт бәсләјир вә бир-бирләрини севирләр. Һәмчинин онлар Аллаһын адыны чағырыр, бу ада бөјүк һөрмәтлә јанашыр вә башгаларына Аллаһын Падшаһлығы һаггында өјрәдирләр. Бу ҝүн јер үзүндә һәгиги динә Јеһованын Шаһидләри етигад едирләр.

Шејтан вә онун ҹинләри сәнин Аллаһа хидмәт етмәјини истәмирләр. Онлар һәр кәси Аллаһдан узаглашдырмаг истәјирләр. Неҹә? Мәсәлән, јалан дин васитәсилә (2 Коринфлиләрә 11:13—15). Јалан дин Мүгәддәс Китаб һәгигәтләрини өјрәтмир. Јалан дин сахта пул кимидир. Белә пул һәгиги пула бәнзәјир, лакин дәјәри јохдур. О һәм дә адамын башына бәла ҝәтирә биләр.

Һәгигәт Аллаһы Јеһова дини сахтакарлығы һеч вахт бәјәнмәјәҹәк. Иса јер үзүндә оланда бир динин нүмајәндәләри ону өлдүрмәк истәјирдиләр. О инсанлар елә дүшүнүрдүләр ки, дүзҝүн ибадәт едирләр. Онлар белә дејирдиләр: «Бизим бир Атамыз вар, о да Аллаһдыр». Иса онларла разылашды? Јох! О деди: «Сизин атаныз Иблисдир» (Јәһја 8:41, 44). Бу ҝүн бир чох адам Аллаһа ибадәт етдијини дүшүнүр, әслиндә исә Шејтана вә онун ҹинләринә хидмәт едир (1 Коринфлиләрә 10:20).

Чүрүк ағаҹ пис мејвә ҝәтирдији кими, јалан дин дә пис ишләр ҝөрән инсан јетишдирир. Адамларын төрәтдији пис ишләрин уҹбатындан дүнја әзаб-әзијјәтлә долудур. Һәр јанда әхлагсызлыг, дава-далаш, оғурлуг, зүлм, гәтл вә зорлама һаллары баш алыб ҝедир. Бу пис ишләри ҝөрән адамларын бир чоху һансыса бир динә етигад едир, амма бу динләр адамлары јахшы ишләрә сөвг етмир. Пис ишләрдән әл чәкмәсәләр, онлар Аллаһла достлаша билмәзләр (Мәтта 7:17, 18).

Јалан дин бүтләрә дуа етмәји өјрәдир. Аллаһ бүтләрә дуа етмәји гадаған едир. Бу ағлабатандыр. Кимсә сәнин әвәзинә даима шәклинлә сөһбәт етсә хошуна ҝәләр? Белә адам сәнә әсл дост ола биләр? Јох, ола билмәз. Јеһова истәјир ки, инсанлар ҹансыз мүгәвваларла вә ја шәкилләрлә јох, Онунла данышсынлар (Чыхыш 20:4, 5).

Јалан дин өјрәдир ки, мүһарибәдә адам өлдүрмәк ҝүнаһ сајылмыр. Иса демишди ки, Аллаһын достлары арасында мәһәббәт олмалыдыр. Биз севдијимиз адамлары өлдүрмүрүк (Јәһја 13:35). Пис адамлары да өлдүрмәк олмаз. Дүшмәнләри Исаны һәбс етмәјә ҝәләндә о гојмады ки, шаҝирдләри ону мүдафиә етсинләр (Мәтта 26:51, 52).

Јалан дин пис адамларын ҹәһәннәмдә әзаб чәкәҹәјини өјрәдир. Мүгәддәс Китаб исә өјрәдир ки, ҝүнаһ өлүмә апарыр (Ромалылара 6:23). Јеһова мәһәббәт Аллаһыдыр. Һеч севән Аллаһ адамлара әбәди әзаб верәр? Гәтијјән јох! Ҹәннәтдә тәкҹә бир дин, Јеһованын бәјәндији дин олаҹаг (Вәһј 15:4). Шејтанын ујдурмаларына әсасланмыш бүтүн динләр јох олаҹаг.

Өлүм һәјатын там әксидир. О дәрин јуху кимидир (Јәһја 11:11—14). Өлүләр бир шеј ешитмир, ҝөрмүр, данышмыр вә дүшүнмүрләр (Ваиз 9:5, 10). Јалан дин өјрәдир ки, өлүләр башга дүнјаја көчүрләр. Мүгәддәс Китаб исә буну өјрәтмир.

Өлүләрин бизә нә көмәји, нә дә зәрәри дәјә биләр. Өлүләри разы салмаг хатиринә мәрасим гурмаг, еһсан вермәк ҝениш јајылыб. Бу адәтләр Шејтанын ујдурмаларына әсасландығы үчүн Аллаһа хош дејил. Бунларын өлүләрә дә һеч бир хејри јохдур, чүнки онлар артыг ҹансыздырлар. Биз өлүләрдән горхмамалы вә онларын «руһуну шад етмәјә» чалышмамалыјыг. Јалныз Аллаһа ибадәт етмәлијик (Мәтта 4:10).

Өлүләр јенидән јашајаҹаглар. Јеһова өлүләри јер үзүндә, Ҹәннәтдә јашамаг үчүн ојадаҹаг. Бу ҝәләҹәкдә олаҹаг (Јәһја 5:28, 29; Һәвариләрин ишләри 24:15). Сән јатмыш адамы јухудан ојада билдијин кими, Јеһова да өлүләри дирилдә биләр (Марк 5:22, 23, 41, 42).

Өләндән сонра инсанын руһунун ҝуја јашамасы, Шејтан Иблисин јајдығы ујдурмадыр. Шејтан вә онун ҹинләри инсанлары өлүләрин руһунун јашадығына вә јахынларынын һәјатына тәсир ҝөстәрдикләринә инандырырлар. Бәзән Шејтан адамлары јуху вә ҝөрүнтүләр васитәсилә дә алдадыр. Јеһова өлүләрлә данышмаға ҹәһд ҝөстәрәнләри мүһакимә едир (Ганунун тәкрары 18:10—12).