Аллаһ бизим гајғымыза галыр?

БУ ҜҮН дүнја проблемләр ичиндә боғулур. Мүһарибәләр, тәбии фәлакәтләр, хәстәликләр, јохсуллуг, рүшвәтхорлуг вә бир чох диҝәр бәдбәхтликләр милјонларла инсанын һәјатыны алт-үст едир. Ола билсин, бәзи проблемләр сизә дә раһатлыг вермир. Бәс ким бизә көмәк едә биләр? Үмумијјәтлә, гајғымыза галан вар?

Әмин ола биләрик ки, Аллаһ, һәгигәтән дә, бизим гајғымыза галыр. Чүнки О Өз Кәламында дејир: «Һеч ана сүдәмәр көрпәсини унудар? Мәҝәр бәтниндә дашыдығы баласына јазығы ҝәлмәз? Ана ушағыны унутса белә, Мән сәни һеч вахт унутмарам»a.

Буну билмәк инсана гәлб раһатлығы ҝәтирир, елә дејил? Аллаһын мәһәббәти инсана хас олан ән ҝүҹлү һиссдән — ананын өвладына дујдуғу мәһәббәтдән гат-гат ҝүҹлүдүр. Аллаһ бизи һеч вахт атмајаҹаг! Әслиндә, О бизә артыг көмәк әлини узадыб. Неҹә? Һәјатда хошбәхтлијә наил олмағын сиррини ачмагла: бу, һәгиги имандыр.

Әсл иман сизә хошбәхтлик бәхш едәҹәк. Белә иман гаршылашдығыныз бир чох проблемләрдән гачмаға вә онларын өһдәсиндән мүвәффәгијјәтлә ҝәлмәјә көмәк едәҹәк. Һәмчинин бу сизи Аллаһа јахынлашдыраҹаг, дүшүнҹәнизә вә үрәјинизә раһатлыг верәҹәк. Ејни заманда һәгиги иман ҝөзәл ҝәләҹәјә — Ҹәннәтдә әбәди һәјата јол ачыр!

Бәс һәгиги иман нәдир? Она неҹә саһиб олмаг олар?