Әјјуб сынаг вахты да камил галды

Исраиллиләр Мисирдә көләликдә оларкән Уз дијарында Әјјуб адлы бир киши јашајырды. О, исраилли олмаса да, Јеһоваја ибадәт едирди. Варлы-һаллы адам олан Әјјубун бөјүк аиләси вар иди. О, бөјүк нүфуз саһиби иди. Ҹамаат онун јанына мәсләһәтә ҝәлирди. О, һаггы наһагга сатмајан ел ағсаггалы иди, һәмишә касыб-кусуба әл тутурду. Әјјуб камил инсан иди.

Әјјуб ајдын шәкилдә ҝөстәрди ки, Јеһова онун һәјатында ән ваҹиб Варлыгдыр

1:8—11, 22; 2:2—5

• Шејтан Әјјубун камиллијиндән аҝаһ иди. О, Әјјубун Јеһоваја итаәт етдијини инкар етмәди, буну тәмиз нијјәтлә етмәдијини иддиа етди

• Шејтан Әјјубун өз мәнфәәтини ҝүддүјү үчүн Јеһоваја ибадәт етдијини деди

• Шејтанын иттиһамларына ҹаваб вермәк үчүн Јеһова она һәмин мөмин инсаны сынаға чәкмәјә изин верди. Шејтан Әјјубун бүтүн һәјатыны алт-үст етди

• Әјјуб камиллијини горујанда Шејтан бүтүн инсанларын нөгсансызлығыны шүбһә алтына алды

• Әјјуб нә ҝүнаһ етди, нә дә Аллаһы иттиһам етди