«Мәсиһи һәјаты вә ибадәти. Иш дәфтәри» үчүн мәнбәләр
*** ип-2 фәс. 9 с. 131 ***
«Јеһова хејримизә бизи өјрәдир»
18 Пејғәмбәр Јеһова Аллаһдан илһам алараг бәјан едир: «Мәни Күлли-Ихтијар Јеһова вә Онун руһу ҝөндәрди. Сәнин Гуртарыҹын, Исраилин Мүгәддәси Јеһова белә дејир: “Мән сәнин Аллаһын Јеһовајам, Мән сәнин хејринә сәни өјрәдирәм, сәни ҝетмәли олдуғун јолла апарырам”» (Әшија 48:16б, 17). Јеһованын мәһәббәти вә гајғысы илә ифадә олунан бу сөзләр Исраил халгыны бир даһа әмин едир ки, Аллаһ онлары Бабил әсарәтиндән гуртармаг нијјәтиндәдир. Бәли, Јеһова онларын Гуртарыҹысыдыр (Әшија 54:5). Јеһова ҹани-дилдән истәјир ки, исраиллиләр Она сары дөнсүнләр вә әмрләринә гулаг версинләр. Һагг ибадәт өзүнә Аллаһын гојдуғу гајда-ганунлара әмәл етмәји дахил едир. Исраиллиләр «ҝетмәли олдуглары јол»у өјрәнмәјәнә гәдәр дүз јолда јеријә билмәзләр.
*** ip-2-E с. 131, абз. 19 ***
Јеһова хејримизә бизи өјрәдир
19 Јеһова Аллаһ истәјир ки, халгы гаршыда ҝәлән мүсибәтдән ҹаныны гуртарыб һәјатдан зөвг алсын. Бу нијјәтини Јеһова ҝөзәл сөзләрлә ифадә едир: «Каш әмрләримә диггәт јетирәјдин! Онда әмин-аманлығын чај кими, салеһлијин дәниз далғалары кими оларды». Күлли-Ихтијар Јараданын бу меһрибан мүраҹиәти инсана неҹә дә гол-ганад верир (Ганунун тәкрары 5:29; Зәбур 81:13). Демәли, исраиллиләр әсир ҝетмәк әвәзинә, ахан чај кими түкәнмәз әмин-аманлыг ичиндә јашаја биләрдиләр (Зәбур 119:165). Онларын салеһ әмәлләри дәниздә саја ҝәлмәз далғалар гәдәр чох ола биләрди (Амус 5:24). Јеһова онларын гајғысыны чәкдији үчүн онлара меһрибанлыгла ҝетмәли олдуглары јолу ҝөстәрди. Каш онлар динләјәрдиләр!
*** ip-2-E с. 132, абз. 20, 21 ***
Јеһова хејримизә бизи өјрәдир
20 Исраил халгы төвбә етсәјди, һансы немәтләри алаҹагды? Јеһова дејир: «Нәслин гум гәдәр, өвладларын гум дәнәләри гәдәр оларды. Адлары һеч вахт өнүмдән силиниб јох олмазды» (Әшија 48:19). Бу сөзләрлә Јеһова Аллаһ халгына хатырладыр ки, Ибраһимин өвладларыны «ҝөјдәки улдузлар, дәниз саһилиндәки гум дәнәләри гәдәр» чохалдаҹағына сөз вериб (Јарадылыш 22:17; 32:12). Амма Ибраһимин бу өвладлары үсјанкардыр, буна ҝөрә дә бу вәдин ҝерчәкләшмәсини ҝөзләмәјә һаглары јохдур. Онлар о дәрәҹәдә пис ад газаныблар ки, һәтта Јеһованын Өзүнүн тәсис етдији Гануна ҝөрә, бир халг кими адлары јер үзүндән силинмәлидир (Ганунун тәкрары 28:45). Анҹаг бунунла белә, Јеһова Өз халгынын мәһв олмасыны истәмир вә онлары бирдәфәлик тәрк етмәји дүшүнмүр.
21 Кәсәрли сөзләрлә ифадә олунан бу ајәдәки принсипләри Јеһованын мүасир халгына да шамил етмәк олар. Јеһова һәјат мәнбәјидир вә бизим неҹә јашамалы олдуғумузу Ондан јахшы һеч ким билә билмәз (Зәбур 36:9). Онун вердији гајда-ганунлар бизи севинҹдән мәһрум етмәк үчүн дејил, бизим хејримизәдир. Мәсиһиләр Јеһовадан өјрәндикләрини һәјатларында тәтбиг етмәклә Ондан тәлим алмаг истәдикләрини ҝөстәрирләр (Микә 4:2). Аллаһын бујруглары руһанилијимизи вә Онунла олан мүнасибәтимизи горујур, бизи Шејтанын пис тәсириндән һифз едир. Аллаһын вердији ганунларын әсасында дуран принсипләри баша дүшмәјин сајәсиндә ҝөрәҹәјик ки, Аллаһ нә дејирсә, бизим хејримизәдир. Биз әмин олаҹағыг ки, Аллаһын әмрләри ағыр дејил вә онлара әмәл етсәк, мәһвә уғрамајаҹағыг (1 Јәһја 2:17; 5:3).
Һикмәт хәзинәсиндән инҹиләр
*** it-1-E с. 643, абз. 4, 5 ***
Бошанма
Символик бошанма. Мүгәддәс Китабда никаһ символик мәнада да ишләнир (Әш 54:1, 5, 6; 62:1—6), бошанма да һәмчинин (Әр 3:8).
Ерамыздан әввәл 607-ҹи илдә Бабил гошунлары Јәһуда падшаһлығыны әлә кечирди, Јерусәлими исә дармадағын едиб халгыны әсир апарды. Бундан узун илләр өнҹә Јеһова әсир дүшәҹәк јәһудиләрә пејғәмбәрлик сөзләри илә белә бир суал вермишди: «Һаны бошадығым ананызын талағы?» (Әш 50:1). Јеһова онларын «анасы»ны, јәни бүтөвлүкдә халгы мәҹази мәнада бошамаг гәрарына ҝәлмишди. О, буну һаглы олараг етмишди. Буна сәбәб Јеһованын онларла бағладығы әһди позуб бошанма просесинә башламасы дејилди, халгын өзүнүн Ганун әһдини позмасы иди. Лакин исраиллиләрдән сағ галанлар төвбә етди вә дуа етди ки, вәтәнләринә гајыданда Јеһова јенидән онларла мүнасибәтләрини бәрпа етсин. Ерамыздан әввәл 537-ҹи илдә, јәни онлар 70 ил әсирликдә галандан сонра Јеһова вердији вәди јеринә јетирди, Өз ады наминә онлары вәтәнләринә гајтарды. (Зб 137:1—9; «НИКАҺ» бөлмәсинә бахын.).
13—19 ФЕВРАЛ
Һикмәт хәзинәсиндән инҹиләр
*** w06-E 15/3 с. 11, абз. 2 ***
Мүгәддәс Китаб һекајәсинин символик мәнасы
Бәс «азад гадын» олан Сара вә онун оғлу Исһаг кими тәмсил едир? Һәвари Булус «сонсуз гадын» олан Саранын мәҹази мәнада Аллаһын арвадыны, јәни тәшкилатынын сәмави һиссәсини тәмсил етдијини билдирмишди. Иса Мәсиһ јер үзүнә ҝәләнә гәдәр бу сәмави гадынын јер үзүндә мәсһ олунмуш «өвладлары» олмадығы үчүн о, сонсуз сајылырды (Галатијалылара 4:27; Әшија 54:1—6). Лакин ерамызын 33-ҹү илиндә Әллинҹи ҝүн бајрамында мүгәддәс руһ бир груп киши вә гадынын үзәринә енди вә онлар јенидән доғулдулар, јәни сәмави гадынын өвладлары олдулар. Бу јолла Аллаһ онлары оғуллуға ҝөтүрдү вә онларла бағланылан јени әһд әсасында Иса Мәсиһин һәмвариси олдулар (Ромалылара 8:15—17). Бу өвладлардан бири олан һәвари Булус јазмышды: «Сәмави Јерусәлим исә азаддыр вә о, бизим анамыздыр» (Галатијалылара 4:26).
20—26 ФЕВРАЛ
*** ip-2-E с. 322, абз. 4 ***
Сионда салеһлик дирчәлир
4 Әшија пејғәмбәр јазыр: «Күлли-Ихтијар Јеһованын руһу үзәримдәдир, чүнки Јеһова мәни һәлимләрә мүждә вермәк үчүн мәсһ етди. О, мәни гәлбисыныгларын јарасыны сарымаға, әсирләрә азадлығы, дустаглара ҝөзләринин ачылаҹағыны хәбәр вермәјә ҝөндәрди» (Әшија 61:1). Хош хәбәри ким мүждәләмәлидир? Еһтимал ки, бу сөзләр илк өнҹә Әшијаја аиддир. О, Аллаһын бир елчиси кими, Бабилдә әсир оланлар үчүн мүждә гәләмә алмышды. Анҹаг Иса Мәсиһ Әшија пејғәмбәрин сөзләрини өзүнә аид едиб бу пејғәмбәрлијин даһа ваҹиб анламда ҝерчәкләшәҹәјини вурғуламышды (Лука 4:16—21). Бәли, Мәсиһ һәлимләрә мүждә вермәк үчүн ҝөндәрилмишди. Бу иш үчүн о, вәфтиз оларкән мүгәддәс руһла мәсһ олунмушду (Мәтта 3:16, 17).
*** ip-2-E с. 326, 327, абз. 13—15 ***
Сионда салеһлик јетишәҹәк
13 Ерамызын 33-ҹү илинин Әллинҹи ҝүн бајрамындан башлајараг, Аллаһ јени халгынын руһани мүлкүнә, «Аллаһын Исраилинә» ҹәсарәтли мәсһ олунмуш мәсиһиләри — «бөјүк салеһлик ағаҹлары»ны әкмәјә башлады (Галатијалылара 6:16). Нечә-нечә әсрликләр әрзиндә бу «ағаҹлар»ын сајы 144 000-ә чатмалы иди. Онлар Јеһова Аллаһы уҹалдан салеһлик барлары вермәли идиләр (Вәһј 14:3). Ахырынҹы «бөјүк ағаҹлар» 1919-ҹу илдән бу јана, Јеһова өз руһани халгыны мүвәггәти фәалијјәтсиз вәзијјәтдән чыхартдыгдан сонра бөјүмәјә башлады. Јеһова онлары руһани ҹәһәтдән бол-бол сујла тәмин етмәклә салеһ, бар верән «ағаҹлар»дан ибарәт мешә салды (Әшија 27:6).
14 Әшија пејғәмбәр бу «ағаҹларын» ҝөрдүјү ишин нәдән ибарәт олдуғуну вурғулајараг давам едир: «Гәдим дағынтылары абад едәҹәкләр, кечмишдән галма виранәликләри тикиб галдыраҹаглар, јерлә јексан шәһәрләри бәрпа едәҹәкләр» (Әшија 61:4). Фарс шаһы Курушун әмри илә Бабилдән чыхан мөмин јәһудиләр узун илләр хараба галан Јерусәлими вә мәбәди бәрпа етдиләр. Бәрпаолунма дөврү һәмчинин ерамызын 33-ҹү вә 1919-ҹу илиндән сонракы вахта аиддир.
15 Ерамызын 33-ҹү илиндә Иса Мәсиһин һәбси вә әзаблы өлүмү давамчыларыны кәдәрләндирмишди (Мәтта 26:31). Лакин Мәсиһ дирилиб давамчыларына ҝөрүнәндән сонра онларын овгаты јахшылашды. Мүгәддәс руһ онларын үзәринә енәндә исә онлар Јерусәлимдә, бүтүн Јәһудијјәдә вә Сәмәријјәдә, һәтта јерин уҹгарларынадәк хош хәбәри тәблиғ етмәјә башладылар (Һәвариләрин ишләри 1:8). Беләҹә, онлар пак ибадәти јенидән дирчәлтдиләр. Ејнилә дә, 1919-ҹу илдән сонра Иса Мәсиһ галан мәсһ олунмуш гардашларыны тәшвиг етди ки, «кечмишдән галма виранәликләри» тикиб галдырсынлар. Әсрләрлә христиан дүнјасынын дин хадимләри инсанлары Јеһова һагда билик алмагдан мәһрум етмишдиләр. Бу билијин әвәзинә онлара инсан адәт-әнәнәләри вә Мүгәддәс Китаба әсасланмајан тәлимләр ашыламышдылар. Мәсһ олунмуш мәсиһиләр исә јығынҹагларыны јалан динләрин адәт-әнәнәләриндән тәмизләдиләр. Бунун сајәсиндә пак ибадәт дирчәлмәјә давам етди. Һәмчинин мәсһ олунмушлар ҝәләҹәкдә бөјүк вүсәт алаҹағы вә тајы-бәрабәри олмајаҹаг бир фәалијјәтә гәдәм гојдулар (Марк 13:10).
27 ФЕВРАЛ — 5 МАРТ
*** ip-2-E с. 383, абз. 23 ***
«Јаратдығым шејләрә ҝөрә әбәдијјән севинин»
23 Вәһј китабында Јәһјанын ҝөрдүјү вәһј гәләмә алыныб. Јәһјаја Јеһованын ҝүнүндә бу дүнјанын сонунун ҝәләҹәји, сонра исә Шејтанын дибсиз гујуја атылаҹағы һагда вәһј назил олмушду (Вәһј 19:11—20:3). Буну тәсвир етдикдән сонра Јәһја Әшија пејғәмбәрин сөзләрини тәкрарлајыб дејир: «Мән јени ҝөј вә јени јер ҝөрдүм». Бу мөһтәшәм вәһјдән хәбәр верән нөвбәти ајәләрдә Јеһова Аллаһын јер үзүндәки шәраити јахшылыға доғру дәјишәҹәји вахтдан данышылыр (Вәһј 21:1, 3—5). Демәли, Әшијанын «јени ҝөј вә јени јер»лә бағлы пејғәмбәрлији јер үзүндә јарадылаҹаг Ҹәннәтдә ҝерчәкләшәҹәк! Јени ҝөјүн һакимијјәти алтында јени инсан ҹәмијјәти Ҹәннәтдә јашајаҹаг. Онлар һәм руһани мәнада, һәм дә һәрфи мәнада Ҹәннәтдә јашајаҹаглар. Нә јахшы ки, «көһнә шејләр [хәстәликләр, дәрдләр вә инсанларын үзләшдији диҝәр әзаблар] јада дүшмәјәҹәк, даһа хатырланмајаҹаг». Хатырлајаҹағымыз шејләр исә индики кими, үрәјимизи үзмәјәҹәк, ағры вермәјәҹәк.
*** ip-2-E с. 384, абз. 25 ***
«Јаратдығым шејләрә ҝөрә әбәдијјән севинин»
25 Бу ҝүн дә Јеһова Јерусәлими фәрәһ гајнағы едир. Неҹә? Артыг өјрәндијимиз кими, 1914-ҹү илдә гурулан јени ҝөјә, јәни сәмави Падшаһлыға сонда 144 000 һакимијјәт шәрикләри дахил олаҹаг. Пејғәмбәрлијә әсасән, онлар «Јени Јерусәлим» адланыр (Вәһј 21:2). Мәһз Јени Јерусәлим һагда Јеһова Аллаһ белә дејир: «Мән Јерусәлими фәрәһ гајнағы, әһлини севинҹ мәнбәји олмаг үчүн јарадырам». Јени Јерусәлимин васитәсилә Аллаһ салеһ бәндәләринә тајы-бәрабәри олмајан немәтләр јетирәҹәк. Бир даһа ағлашма, фәған сәси ешидилмәјәҹәк, чүнки Јеһова һамынын «гәлбинин мурадыны чин» едәҹәк (Зәбур 37:3, 4).