«Мәсиһи һәјаты вә ибадәти. Иш дәфтәри» үчүн мәнбәләр
*** jr-E с. 88, абз. 14, 15 ***
Јорғун адама тәравәт верәҹәјәм
14 Ҝәлин ҝөрәк Әрәмјаны нә руһландырмышды вә онун өзү «јорғун адам»лара неҹә тәравәт верирди (Әрм. 31:25). Әрәмја пејғәмбәрә Јеһова дајаг олурду. Тәсәввүр един, Јеһовадан белә сөзләр ешитмәк онун үчүн неҹә хош иди: «Бу ҝүндән сәни гала-шәһәр... едирәм... Онлар сәнинлә вурушаҹаглар, амма үстүн ҝәлә билмәјәҹәкләр. Чүнки Мән сәнинләјәм, сәни хилас едәҹәјәм» (Әрм. 1:18, 19). Инди ајдындыр, нәјә ҝөрә пејғәмбәр Јеһованы гүдрәтим, галам, дар ҝүндә сығындығым пәнаһҝаһым адландырмышды (Әрм. 16:19).
15 Јеһованын Әрәмјаја «сәнинләјәм» демәси диггәтәлајигдир. Бурадан өзүмүзә нә нүмунә ҝөтүрә биләрик? Диндашымызын вә ја гоһумумузун көмәјә еһтијаҹы олдуғуну ҝөрмәклә јанашы, јардым әлимизи узатмаг олдугҹа ваҹибдир. Чох вахт буну етмәјин ән јахшы јолу кәдәрли инсанын јанында олмагдыр. Јеһова да Әрәмја пејғәмбәрә бу үсулла дајаг олмушду. Һансыса мәгамда, ола билсин, тәсәлли үчүн нәсә демәк лазым ҝәләҹәк, амма чох сөз дејәрәк һәмин инсаны јүкләмәјин. Бир неҹә хош сөз она мәлһәм ола биләр. Тәсәлли вермәк үчүн хүсуси натиглик габилијјәтинә еһтијаҹ јохдур. Садә сөзләрдән истифадә едәрәк мәһәббәтинизи вә гајғынызы ҝөстәрә биләрсиниз. Белә сөзләр чох тәсирли ола биләр. (Мәсәлләр 25:11 ајәсини охујун.)
*** w88-E 1/4 с. 11, 12, абз. 7, 8 ***
Әрәмја — халгын гәбул етмәдији пејғәмбәр
7 Јеһова Әрәмја пејғәмбәрә дејир: «Онлар сәнинлә вурушаҹаглар, амма үстүн ҝәлә билмәјәҹәкләр» (Әрәмја 1:19). Нәјә ҝөрә јәһудиләр вә онларын башчылары Әрәмјаја гаршы чыхмаг истәсинләр? Чүнки пејғәмбәр онлары тәкәббүрлү, һәм дә диндарлыглары заһири олдуғуна ҝөрә ифша етмишди. Әрәмја чәкинмәдән белә сөзләр дејир: «Јеһованын сөзүнү сајмырлар, Ону бәјәнмирләр... Рәијјәтдән әсилзадәјә кими һәр кәс һарам газанҹ далынҹа дүшүр, пејғәмбәрдән каһинә [һалбуки мәһз онлар әхлаги вә руһани дәјәрләри горумалы идиләр] кими һәр кәс фырылдагчылыг едир» (Әрәмја 6:10, 13).
8 Јәһуди дин хадимләри халгын гурбан тәгдим етмәсинә рәһбәрлик етсәләр дә, һәгиги ибадәтин рәсми мәгамларына әмәл етсәләр дә, буну үрәкдән етмирдиләр. Онлар үчүн ајинләрин иҹра олунмасы Јеһованын истәдији кими һәјат сүрмәкдән даһа ваҹиб иди. Бундан әлавә, онлар сүлһ олмаја-олмаја «Сүлһ! Сүлһ!» дејәрәк лај-лај чалыб халгы јухуја верирдиләр (Әрәмја 6:14; 8:11). Бәли, јәһуди дин хадимләри халгы архајын едирдиләр ки, Аллаһла мүнасибәтләри јахшы вәзијјәтдәдир. Онлар әмин идиләр ки, нараһат олмаг үчүн һеч бир сәбәб јохдур, чүнки онлар Аллаһын сечилмиш халгыдыр, мүгәддәс шәһәрә вә мәбәдә саһибдирләр. Ҝөрәсән, Јеһова да белә дүшүнүрдү?
*** w88-E 1/4 с. 12, абз. 9, 10 ***
Әрәмја — халгын гәбул етмәдији пејғәмбәр
9 Јеһова Әрәмја пејғәмбәрә бујурур ки, мәбәдин дарвазасында, һәр кәсин ҝөрә биләҹәји бир јердә дуруб Онун хәбәрини орадан кечәнләрә чатдырсын. Әрәмја белә демәли иди: «Јалан сөзләрә алданмајын. “Бу, Јеһованын мәбәдидир, Јеһованын мәбәдидир, Јеһованын мәбәдидир!” демәјин... Бу сизә зијандан башга һеч нә ҝәтирмәјәҹәк». Мәбәдләри илә өјүнән јәһудиләр имана әсасән јох, ҝөрүнән шејләрә әсасән јашајырдылар. Јеһованын бу хәбәрдарлығыны унутмушдулар: «Ҝөјләр Мәним тахтымдыр, јер ајағым алтындакы кәтилдир. Белә исә, Мәним үчүн нә ҹүр ев тикәрдиниз?» Онларын мәбәди нә гәдәр мөһтәшәм олса да, уҹсуз-буҹагсыз Каинатын саһиби Јеһова Аллаһ ора сығмазд! (Әрәмја 7:1—8; Әшија 66:1).
10 Әрәмја онлары тәнбеһ етмәјә давам едир: «Сиз оғурлуг едир, гәтл төрәдир, зина едирсиниз, јаландан анд ичирсиниз, Баала гурбан ҝәтирирсиниз, танымадығыныз аллаһларын ардынҹа ҝедирсиниз. Бүтүн бу мәнфур әмәлләрдән сонра да ҝәлиб адымы дашыјан бу евдә, өнүмдә дуруб дејирсиниз: “Биз хилас олаҹағыг!”» Јәһудиләр елә фикирләширдиләр ки, Аллаһын мәхсуси халгы олдуглары үчүн мәбәдә ҝедиб гурбанлар ҝәтирирләрсә, Јеһова онларын бүтүн һәрәкәтләринә ҝөз јумаҹаг. Әҝәр онлар Јеһованы евин тәк ушағыны әркөјүн бөјүдән бир ата кими һесаб едирдиләрсә дә, тезликлә нә гәдәр јанылдыгларынын шаһиди олаҹагдылар (Әрәмја 7:9, 10; Чыхыш 19:5, 6).
*** jr-E с. 21, абз. 12 ***
«Заманын сонунда» хидмәт етмәк
12 Јәһјаким падшаһын һакимијјәтинин башланғыҹында Јеһова Әрәмја пејғәмбәрә бујурду ки, мәбәдә ҝедиб јәһудиләри пис әмәлләринә ҝөрә ачыгҹа мәзәммәт етсин. Јәһудиләр елә фикирләширдиләр ки, һәлә ки мәбәд вар, онлара һеч нә олан дејил. Анҹаг әҝәр онлар пис әмәлләриндән әл чәкмәсәјдиләр, јәни оғурлуг, гәтл, зина етмәјә, јаландан анд ичмәјә, Баала гурбан ҝәтириб танымадыглары аллаһларын ардынҹа ҝетмәјә давам етсәјдиләр, Јеһова мәбәди тәрк едәҹәкди. Баш каһин Әлинин дөврүндә белә бир шеј баш вермишди — Јеһова Шилодакы чадыры тәрк еләмишди. Һәмчинин Јеһова мәбәдә ҝәлән, анҹаг икиүзлүлүк едән јәһудиләри дә тәрк едәҹәкди. Јәһуда өлкәси хараба галаҹагды (Әрм. 7:1—15, 34; 26:1—6). Тәсәввүр един, бу хәбәри чатдырмаг үчүн Әрәмјаја нә гәдәр ҹәсарәт лазым иди. Еһтимал ки, о, бу хәбәри ҝөркәмли вә нүфузлу шәхсләрин гаршысында бәјан етмәли иди. Бу ҝүн дә бәзи баҹы-гардашлара күчәдә шаһидлик етмәк, јахуд да варлы-һаллы инсанларла данышмаг үчүн ҹәсарәт тәләб олуна биләр. Анҹаг биз әмин ола биләрик ки, Јеһова Әрәмјаја дајаг олдуғу кими, бизә дә дајаг олаҹаг (Ибр. 10:39; 13:6).
*** w88-E 1/4 с. 13, абз. 15 ***
Әрәмја — халгын гәбул етмәдији пејғәмбәр
15 Б. е. ә. тәхминән 632-ҹи илдә Ашшур кәлданиләр вә мәдјәниләр тәрәфиндән мәғлуб олур, Мисир исә өз гүдрәтини итирәрәк Јәһуданын ҹәнубунда зәиф бир дөвләтә чеврилир. Јәһуда үчүн әсл тәһлүкә шималдан ҝәлә биләрди. Буна ҝөрә дә Әрәмја сојдашларына кәдәрли хәбәри вермәк мәҹбуријјәтиндә иди. Јеһова белә дејир: «Будур, шимал торпағындан бир халг ҝәлир... Гәддардырлар, рәһмсиздирләр... Еј Сион гызы, бир нәфәр кими гаршында сәф гурублар». Һәмин дөврдә өз гүдрәти илә Бабил дөвләти сечилирди. Јеһова Аллаһ Јәһуданы ҹәзаландырмаг үчүн ондан аләт кими истифадә едәҹәкди (Әрәмја 6:22, 23; 25:8, 9).
*** it-1-E с. 555 ***
Хијар
Һејванлары горхутмаг мәгсәдилә бостана дирәк, шалбан вә буна бәнзәр шејләр гојурдулар. Беләҹә, Әрәмја пејғәмбәр бүтпәрәст халгларын дүзәлтдији бүтләри хијар бостанындакы бу ҹүр сәссиз вә ҹансыз мүгәввалара бәнзәдир (Әр 10:5).
*** w15-E 1/9 с. 15, абз. 1 ***
Аллаһа иманыныз сарсылыбмы?
Дүнјанын аҹынаҹаглы вәзијјәти ајдын шәкилдә ҝөстәрир ки, инсан һакимијјәтләри тамамилә уғурсузлуға дүчар олуб. Инсан һакимијјәтләри сүлһү, тәһлүкәсизлији вә фираван һәјаты нәинки јарада билмәјиб, һәтта дүнјанын тәләф олмасына сәбәб олуб. Бу вәзијјәт Мүгәддәс Китабдакы бу сөзләрин доғрулуғуну исбат едир: «Аддымларыны јөнәлтмәк инсанын ихтијарында дејил» (Әрәмја 10:23). Јалныз Аллаһын рәһбәрлији бәшәријјәтә сүлһ, хошбәхтлик вә фираванлыг ҝәтирә биләр, чүнки Аллаһын нијјәти будур (Әшија 45:18).
*** jr-E с. 51, абз. 17 ***
Хаин үрәјинә алданма
17 Әрәмјанын алдығы тапшырыг Јеһованын ҝөстәришләринә табе олмағы тәләб едирди. Бәс сиз Әрәмјанын јериндә олсајдыныз, верилән ҝөстәришләри јеринә јетирәрдинизми? Бир ҝүн Јеһова Әрәмјаја дејир ки, кәтан гуршаг алсын вә белинә доласын. Даһа сонра пејғәмбәрдән Фәрат чајына ҝетмәк тәләб олунурду. Хәритәјә бахсаныз, онун тәхминән 500 километрлик јол ҝетмәли олдуғуну ҝөрәҹәксиниз. Орада Әрәмја гуршағы гаја ојуғунда ҝизләдиб Јерусәлимә ҝери гајытмалы иди. Даһа сонра Јеһова дејир ки, гуршағы ҝедиб ҝөтүрсүн. (Әрәмја 13:1—9 ајәләрини охујун.) Үмумиликдә о, тәхминән 2000 километр јол гәт едир. Мүгәддәс Китаб тәнгидчиләри пејғәмбәрин ајларла бу гәдәр узун јол гәт етмәсинә шүбһә едирләр (Үзр. 7:9). Амма бу Јеһованын бујруғу иди вә пејғәмбәр бу бујруға әмәл етди.
*** jr-E с. 52, абз. 18 ***
Хаин үрәјинә алданма
18 Тәсәввүр един, пејғәмбәр Фәрата чатмаг үчүн Јәһуда дағларыны ашмалы вә сечдији јолдан асылы олараг, сәһралыгдан кечмәли иди. Бу гәдәр зәһмәт јалныз кәтан гуршағы ҝизләтмәк үчүн иди. Онун узун мүддәт ҝөзә ҝөрүнмәмәси гоншуларын марағына сәбәб олмушду. Әрәмја гајыдаркән өзү илә гуршағы ҝәтирмәмишди. Аллаһ јенидән она узун мәсафәни гәт едиб гуршағы ҝәтирмәсини бујурур. О вахта гуршаг чүрүмүш, јарарсыз һала дүшмүшдү. Белә вәзијјәтдә о: «Бу гәдәр дә јох! Бүтүн бунларын нә мәнасы вар иди?» — дејә дүшүнә биләрди. Лакин Әрәмја белә дүшүнмәди, чүнки о, Јеһованын ону формалашдырмасына изин вермишди. О шикајәтләнмәди, әксинә, Јеһованын дедији һәр шејә дәгигликлә әмәл етди.
*** jr-E с. 52, абз. 19, 20 ***
Хаин үрәјинә алданма
19 Јеһова бу тапшырығын мәнасыны Әрәмја икинҹи дәфә ҝедиб ҝәләндән сонра изаһ едир. Әрәмјанын еләдикләри ваҹиб хәбәри чатдырмаг үчүн зәмин јаратды. О, бу хәбәри чатдырмалы иди: «Сөзләримә гулаг асмајан, инад едиб үрәкләри истәјәни едән, башга аллаһлара ибадәт едән, сәҹдә гылыб гуллуг едән бу мәнфур халг да тамамилә јарарсыз олан бу гуршаг кими олаҹаг» (Әрм. 13:10). Јеһованын халгыны өјрәтмәк үчүн истифадә етдији үсул чох тәсирли иди. Әрәмјанын әһәмијјәтсиз бир шеј кими ҝөрүнән бу тапшырыға үрәкдән әмәл етмәси сајәсиндә Јеһова халгына ваҹиб дәрс верди (Әрм. 13:11).
20 Бу ҝүн Аллаһын хидмәтчисинә һәр һансыса бир ваҹиб дәрси вермәк үчүн јүзләрлә километр јол гәт етмәк тәләб олунмур. Амма ола билсин, мәсиһи олдуғунуз үчүн јахынларыныз вә ја гоншуларыныз сизин етигадынызы баша дүшмүр вә сизи тәнгид атәшинә тутур. Буна сәбәб ҝејиминиз, хариҹи ҝөркәминиз, тәһсилә вә ја һәр һансыса бир сәнәтә јијәләнмәјә олан бахышыныз, јахуд да спиртли ичкиләрә олан мүнасибәтиниз ола биләр. Белә вәзијјәтдә Әрәмја кими, Јеһованын рәһбәрлијинә бојун әјмәјә гәти гәрарлы олаҹагсынызмы? Гој Јеһова сизи формалашдырсын, онда вердијиниз гәрарлар башгалары үчүн ҝөзәл шаһидлик олаҹаг. Истәнилән вәзијјәтдә Јеһованын Кәламында јерләшән ҝөстәришләринә бојун әјсәниз, садиг ағыллы нөкәрин вердији рәһбәрлијә табе олсаныз, бол-бол немәтләр әлдә едәҹәксиниз. Хаин үрәјинизин сизә ағалыг етмәсинә имкан вермәјин, Әрәмја пејғәмбәрдән нүмунә ҝөтүрүн. Јеһованын әлиндә јумшаг ҝил олун ки, сизи формалашдырсын, онда О, сизи даима шәрәфли мәгсәдләр үчүн истифадә олунан бир габ едәҹәк.
*** it-1-E с. 1121, абз. 2 ***
Бел
Јеһова Исраил вә Јәһуда әһлини санки белинә бағладығы гуршаға бәнзәтмишди. Јәни Јеһова онлары өзүнә елә јахын етмишди ки, Онун шәрәфи-шаны, ифтихары олсунлар. (Әр 13:11). Пејғәмбәрликдә тахта чыхан Иса Мәсиһ һагда дејилир ки, о, белини салеһликлә гуршајаҹаг, сәдагәт онун кәмәри олаҹаг. Бу, Иса Мәсиһин салеһликлә вә сәдагәтлә рәһбәрлик едәҹәјини ҝөстәрир. Гуршаг инсанын белини горудуғу кими, Иса да Јеһова тәрәфиндән тәјин олунмуш һаким кими фәалијјәт ҝөстәрәндә салеһлији она көмәк едир (Әш 11:1, 5).
*** jr-E с. 118, абз. 11 ***
Һәр ҝүн «һаны Јеһова» дејә сорушурсан?
11 Әрәмја писләрин нәјә ҝөрә уғур газандығыны һеч ҹүр анлаја билмирди. (Әрәмја 12:1, 3 ајәләрини охујун.) Пејғәмбәр Јеһованын јолларынын адил олдуғуна әмин олса да, јенә дә истәјирди ки, Јеһова онун шикајәтинә бахсын. Әрәмјанын Јеһоваја чәкинмәдән фикрини демәси ҝөстәрирди ки, о, Јеһованы өзүнә ата кими јахын билирди. Әрәмја бир чох јәһудиләрин пислик етмәләринә рәғмән чиҹәкләнмәсини баша дүшмүрдү. Әрәмја Аллаһдан ганеедиҹи ҹаваб алды? Јеһова Әрәмјаны әмин етди ки, писләри көкүндән гопараҹаг (Әрм. 12:14). Јеһованын Өз вәдләрини һәјата кечирдијини ҝөрдүкҹә Әрәмја Онун әдаләтли олдуғуна даһа да әмин олурду. Нәтиҹәдә, бу, она үрәјини һәмишә сәмави Атасына ачмаға тәшвиг етди.