ДӘРС 6

Ајәләри дүзҝүн изаһ ет

Јәһја 10:33—36

ИҸМАЛ: Садәҹә ајәни охујуб нөвбәти фикрә кечмә. Динләјиҹиләрә охудуғун ајә илә изаһ етдијин фикир арасындакы әлагәни ајдын ҝөстәр.

НЕҸӘ НАИЛ ОЛМАГ ОЛАР?

Әсас сөзләри гејд ет. Ајәни охујандан сонра әсас фикирлә билаваситә әлагәли олан сөзләри вурғула. Бунун үчүн һәмин сөзләри тәкрарла, ја да суал вериб динләјиҹиләрин диггәтини һәмин сөзләрә јөнәлт.

Ајәдәки әсас фикри башга сөзләрлә ифадә едәндә әмин ол ки, динләјиҹиләр ајәнин сөзләри илә изаһ етдијин әсас фикир арасындакы әлагәни ајдын ҝөрүрләр.
Әсас фикри вурғула. Әҝәр конкрет мәгсәдлә ајәни охумаг үчүн ҝириш етмисәнсә, ајәдәки әсас сөзләрин һәмин мәгсәдлә әлагәсини изаһ ет.

Ајәни изаһ едәндә Мүгәддәс Китабы ачыг сахла. Онда динләјиҹиләр дә өз китабларыны ачыг сахлајаҹаглар. Бу, динләјиҹиләрә дедијин сөзләри охудуғун ајә илә әлагәләндирмәјә көмәк едәҹәк.
Садә шәкилдә изаһ ет. Әсас фикирлә әлагәси олмајан тәфәррүатлара варма, динләјиҹиләрин мөвзу илә бағлы билдикләрини нәзәрә алараг, фикрин ајдын баша дүшүлмәси үчүн нә гәдәр дәлил ҝәтирмәк лазым олдуғуну мүәјјән ет.