ДӘРС 2

Данышыг үслубу

2 Коринфлиләрә 2:17

ИҸМАЛ: Тәбии вә сәмими даныш.

НЕҸӘ НАИЛ ОЛМАГ ОЛАР?

Дуа ет вә ҹидди һазырлаш. Фикрини өзүнә јох, мөвзуја ҹәмләмәк үчүн дуа ет. Динләјиҹиләрә чатдырмаг истәдијин әсас фикирләри мүәјјән ет. Фикирләри өз сөзләринлә ифадә ет, нәшрдә јазылдығы кими сөзбәсөз сөјләмә.

Әҝәр Мүгәддәс Китабдан вә ја башга нәшрдән парча охујаҹагсанса, материалы јахшы мәнимсә ки, сәлис охујасан. Ситатлары ҹанлы оху, амма рола ҝирмә.
Үрәкдән даныш. Мөвзунун динләјиҹиләр үчүн нәјә ҝөрә ваҹиб олдуғу барәдә дүшүн. Диггәтини динләјиҹиләрә ҹәмлә. Онда дурушундан, жестләриндән, үзүндән сәмимијјәт вә меһрибанлыг дујулаҹаг.

Тәбиилик һәддән артыг сәрбәст олмаг демәк дејил. Ајдын вә савадлы даныш ки, сөзләрин дәјәрини итирмәсин.
Динләјиҹиләрә бах. Әҝәр әдәбсизлик сајылмырса, динләјиҹиләрлә ҝөз тәмасы јарат. Чыхыш едәркән аудиторијаја үмуми ҝөз ҝәздирмәкдәнсә, чыхыш боју мүхтәлиф инсанларла ҝөз тәмасы гур.