ЧӘРЧИВӘ 10В
Јеһова бизи ајаға галдырыр
Һизгијал 37:1—14 ајәләриндә тәсвир олунан тәсирли ҝөрүнтүдән шәхси һәјатымыз үчүн дә руһландырыҹы фикир тапырыг.
Бәзән һәјатда үзләшдијимиз чәтинликләр, сыхынтылар бизи елә тагәтдән салыр ки, мүбаризә апармаға ҝүҹүмүз галмыр. Белә мәгамларда Һизгијалын дирчәлишлә бағлы алдығы ҝөрүнтүдән ҝүҹ тапа биләрик. Бу пејғәмбәрликдән өјрәнирик ки, өлүнүн сүмүјүнү ҹанландырмаға гадир олан Аллаһ бизә һәтта ашылмаз ҝөрүнән манеәләри белә ашмаға ҝүҹ верә биләр. (Зәбур 18:29 ајәсини охујун; Филип. 4:13.)
Һизгијалдан әсрләр әввәл јашамыш Муса пејғәмбәрин сөзләриндән мәлум олур ки, Јеһова, садәҹә, гүдрәт саһиби дејил, О, бу гүдрәти илә севә-севә Өз бәндәләринә дајаг олур. Пејғәмбәр јазмышды: «Та бинеји-гәдимдән Аллаһ пәнаһ јеридир, сәни әбәди голлары үстүндә ҝәздирир» (Ган. 33:27). Бәли, әмин ола биләрик ки, чәтин анларымызда Јеһоваја үз тутсаг, О, бизи голларына алаҹаг, еһмалҹа галдырыб ајаг үстә гојаҹаг (Һизг. 37:10).