Мүгәддәс Китабын сизә фајдасы

Һәјат. Өлүм. Әзаб-әзијјәт. Ҝәләҹәк. Бу мөвзулар, демәк олар ки, һәр кәси дүшүндүрүр. Үстәлик, ҝүндәлик гајғыларымыз башымыздан ашыр. Һәр биримиз доланышыг дәрди чәкирик, истәјирик аиләмиз хошбәхт олсун. Бир чох инсан Мүгәддәс Китабдан һәм ваҹиб суалларына ҹаваб тапыб, һәм дә ҝүндәлик һәјатла бағлы фајдалы мәсләһәтләр алыб. Бәли, Мүгәддәс Китаб һәр кәсә көмәк едә биләр.

1. Мүгәддәс Китабда һансы суалларын ҹавабы вар?

Мүгәддәс Китабда бу кими ваҹиб суаллара ҹаваб верилир: Дүнја неҹә јараныб? Һәјатын мәнасы нәдир? Нијә дүнја әзаб-әзијјәтлә долудур? Өлүмдән сонра һәјат вармы? Һамы сүлһ арзуладығы һалда, нәјә ҝөрә мүһарибәләрин арды-арасы кәсилмир? Бу дүнјанын ахыры неҹә олаҹаг? Бу кими суаллар вермәк гәбаһәт дејил. Милјонларла инсан Мүгәддәс Китабдан бу суаллара мәнтигли ҹаваб тапыб.

2. Мүгәддәс Китаб һәјатдан севинҹ дујмаға неҹә көмәк едир?

Мүгәддәс Китабда фајдалы мәсләһәтләр јазылыб. Мәсәлән, бу китаб аиләләрә хошбәхт олмағын сирләрини өјрәдир. Һәмчинин стресин өһдәсиндән ҝәлмәјин, ҝөрдүјүмүз ишдән зөвг алмағын јолларыны баша салыр. Әлиниздәки нәшри бизимлә бирҝә мүзакирә етдикҹә бу вә диҝәр мөвзуларла бағлы Мүгәддәс Китабдан мәлумат алаҹагсыныз. Ҝөрәҹәксиниз ки, «Мүгәддәс Јазылардакы һәр кәлмә... фајдалыдыр» (2 Тимутијә 3:16).

Д Ә Р И Н Л И Ј Ә  В А Р Ы Н

Ҝәлин ҝөрәк Мүгәддәс Китаб инсанлара неҹә көмәк едир, ону мүталиә етмәкдән неҹә зөвг дуја биләрсиниз вә бу китабы баша дүшмәк үчүн нәјә ҝөрә инсана көмәк лазымдыр.

3. Мүгәддәс Китаб бизә јол ҝөстәрир

Мүгәддәс Китаб нур мәнбәјидир. Бу китаб бизә һәјатда дүзҝүн гәрарлар вермәјә көмәк едир вә бизи ҝәләҹәкдәки һадисәләрдән хәбәрдар едир.

Зәбур 119:105 ајәсини охујун вә нөвбәти суаллары мүзакирә един:

• Бу сөзләри јазан шәхс Мүгәддәс Китаб һагда нә дүшүнүрдү?

• Сиз нә дүшүнүрсүнүз?

4. Мүгәддәс Китаб суалларымыза ҹаваб верир

ВИДЕО: «Һеч вахт үмидини итирмә!» (1:48)

• Видеодакы гадыны һансы суаллар нараһат едирди?

• Мүгәддәс Китабы өјрәнмәк она неҹә көмәк етди?

Мүгәддәс Китаб бизи суалларымыза ҹаваб ахтармаға сәсләјир. Мәтта 7:7 ајәсини охујун вә нөвбәти суалы мүзакирә един:

• Сиз һансы суалларыныза Мүгәддәс Китабдан ҹаваб тапмаг истәјәрдиниз?

5. Мүгәддәс Китабы охумаг сизә зөвг верәҹәк

ВИДЕО: «Мүгәддәс Китабы охумаг» (2:05)

• Видеодакы ҝәнҹләр китаб охумаға неҹә јанашырлар?

• Бәс Мүгәддәс Китабы охумағы нәјә ҝөрә севирләр?

Мүгәддәс Китабда дејилир ки, орада јазылмыш нәсиһәтләр инсана тәсәлли вә үмид верир. Ромалылара 15:4 ајәсини охујун вә нөвбәти суалы мүзакирә един:

• Бу ајәдә вәд едилән тәсәлли вә үмид барәдә билмәк истәјәрдиниз?

6. Мүгәддәс Китабы баша дүшмәк үчүн көмәк лазымдыр

Чохлары ҝөрмүшләр ки, Мүгәддәс Китабы шәхсән охумагла јанашы, ону башгалары илә арашдыранда даһа чох фајда әлдә едирләр. Һәвариләрин ишләри 8:26—31 ајәләрини охујун вә нөвбәти суалы мүзакирә един:

• Мүгәддәс Китабы неҹә баша дүшә биләрик? (30 вә 31-ҹи ајәләрә бахын.)

ИҸМАЛ

Мүгәддәс Китаб ҝүндәлик һәјатла бағлы мәсләһәтләр верир, ваҹиб суаллары ҹавабландырыр вә инсанлара тәсәлли, үмид бәхш едир.

Тәкрар

• Мүгәддәс Китабда һансы мәсләһәтләр вар?

• Мүгәддәс Китаб һансы суаллара ҹаваб верир?

• Сиз һансы суалларыныза ҹаваб тапмаг истәјәрдиниз?

Ә Л А В Ә  М Ә Л У М А Т

Мүгәддәс Китабдакы мәсләһәтләрин фајдасы барәдә охујун.

«Аллаһын Кәламы һәмишә актуалдыр!» («Ҝөзәтчи гүлләси» № 1, 2018)

Ҝөрүн Мүгәддәс Китаб ушаглыгдан мәнфи һиссләрлә мүбаризә апаран бир адама неҹә көмәк едиб.

«Јени, хошбәхт бир һәјата башладым» (2:53)

Мүгәддәс Китабда аилә һәјаты илә бағлы верилән мәсләһәтләрә нәзәр салын.

«Уғурлу аиләнин 12 сирри» («Ојанын!» № 2, 2018)

Мүгәддәс Китаба әсасән, ҝөрүн дүнја кимин әлиндәдир.

«Мүгәддәс Китабы өјрәнмәк нәјә ҝөрә ваҹибдир? Там версија» (3:14)