«Мәсиһи һәјаты вә ибадәти. Иш дәфтәри» үчүн мәнбәләр
6—12 СЕНТЈАБР
АЛЛАҺЫН КӘЛАМЫНДАКЫ ХӘЗИНӘ | ГАНУНУН ТӘКРАРЫ 33, 34
«Јеһованын “әбәди голлары”нда пәнаһ тапын»
it-2-E с. 51
Јешурун
Исраилә верилән шәрәфли ад. Јунанҹа «Септуаҝинта»да «Јешурун» әзизләјиҹи сөз кими ишләнмиш вә «севимли» кими тәрҹүмә олунмушду. «Јешурун» ады Исраилә хатырлатмалы иди ки, о, Јеһованын әһд бағладығы халгдыр, буна ҝөрә дә һәмишә дүрүст давранмалыдыр (Гн 33:5, 26; Әш 44:2). Ганунун тәкрары 32:15 ајәсиндә Јешурун ады кинајә илә ишләдилир. Белә ки, Исраил Јешурун адына мүвафиг јашамаг әвәзинә дикбаш олду, Јараданыны атды, Хиласкарына хор бахды.
rr с. 120, чәр.
Јеһова бизи ајаға галдырыр
Һизгијалдан әсрләр әввәл јашамыш Муса пејғәмбәрин сөзләриндән мәлум олур ки, Јеһова, садәҹә, гүдрәт саһиби дејил, О, бу гүдрәти илә севә-севә Өз бәндәләринә дајаг олур. Пејғәмбәр јазмышды: «Та бинеји-гәдимдән Аллаһ пәнаһ јеридир, сәни әбәди голлары үстүндә ҝәздирир» (Ган. 33:27). Бәли, әмин ола биләрик ки, чәтин анларымызда Јеһоваја үз тутсаг, О, бизи голларына алаҹаг, еһмалҹа галдырыб ајаг үстә гојаҹаг (Һизг. 37:10).
Јарышда дөзүмлә гач
16 Ибраһим кими, Мусаја да Аллаһын вәдләринин јеринә јетмәсини өз ҝөзләри илә ҝөрмәк нәсиб олмады. Исраиллиләрин Вәд едилмиш дијара дахил олмаларындан бир гәдәр өнҹә Аллаһ Мусаја билдирди: «Өлкәни узагдан ҝөрәҹәксән, лакин Исраил өвладларына верәҹәјим торпаға ҝирмәјәҹәксән». Нәјә ҝөрә Аллаһ она Вәд едилмиш дијара дахил олмаға иҹазә вермәди? Чүнки бир гәдәр өнҹә халгын үсјанкарлығы уҹбатындан өзләриндән чыхан Муса вә Һарун «Мерива-Гадеш суларында, Исраил өвладларынын өнүндә» Аллаһы иззәтләндирмәдиләр (Ганун. т. 32:51, 52). Буна ҝөрә Муса мәјус олдуму, үрәјиндә кин сахладымы? Јох. Муса халга хејир-дуа верәрәк сөзләрини белә јекунлашдырды: «Еј Исраил! Нә бәхтијарсан, сәнин кимиси вармы? Рәббин гуртардығы халгсан! Рәбб сипәрдир, көмәјинә чатандыр, әзәмәтли гылынҹындыр» (Ганун. т. 33:29).
Һикмәт хәзинәсиндән инҹиләр
Иса Мәсиһ кими тәвазөкар вә шәфгәтли олун
6 Әһвал-руһијјәси илә. Мүгәддәс Китабы јазанлардан бири олан Јәһуда Иса Мәсиһ ҝөјдә јашајаркән баш вермиш бир һадисәни гәләмә алмышды. (Јәһуда 9 ајәсини охујун.) Иса баш мәләк Микајыл оланда шәр варлыг Иблислә мүбаһисә етмишди. Мүбаһисә «Мусанын ҹәсәди» үстүндә дүшмүшдү. Билдијимиз кими, Муса өләндә Јеһова ону намәлум јердә дәфн етмишди (Ган. 34:5, 6). Јәгин Иблис инсанлары јалан ибадәтә чәкмәк үчүн Мусанын ҹәсәдиндән истифадә етмәк истәјирди. Иблисин нијјәти һәр нә олса да, Микајыл ҹәсарәтлә она гаршы чыхды. Бир елми әсәрдә дејилир ки, «мүбаһисә етмәк» кими тәрҹүмә едилән јунан сөзү «һүгуги зәминдә јаранан мүбаһисәләрә аид дә ишләнилир» вә ҝөстәрир ки, «Микајыл Иблисин Мусанын бәдәнини ҝөтүрмәк һүгугуну тәкзиб едирди». Бунунла белә, баш мәләк баша дүшүрдү ки, һөкм чыхармаға онун сәлаһијјәти чатмыр. О, бу иши Али Һаким Јеһованын өһдәсинә бурахмышды. Беләликлә, Микајыл тәһрикедиҹи вәзијјәт гаршысында да өз сәлаһијјәтләрини ашмады. Бу, әсил тәвазөкарлыгдыр!
13—19 СЕНТЈАБР
АЛЛАҺЫН КӘЛАМЫНДАКЫ ХӘЗИНӘ | ЈУШӘ 1, 2
«Һәр ишимизин аванд олмасы үчүн нә едә биләрик?»
Ҹәсарәтли ол, Аллаһын Јеһова сәнинләдир!
7 Аллаһын ирадәсини ҹәсарәтлә јеринә јетирмәк үчүн биз Онун Кәламыны охумалы вә өјрәндикләримизә әмәл етмәлијик. Мусанын хәләфи олдугдан сонра Јеһова Јешуаја нә етмәли олдуғуну деди: «Гулум Мусанын сәнә тапшырдығы гануна там вә дәгиг әмәл етмәк үчүн ҹәсарәтли вә чох мөһкәм ол... Бу Ганун китабынын сөзләри дилиндән дүшмәсин, орада јазылан һәр шејә дәгиг әмәл етмәк үчүн ҝеҹә-ҝүндүз онун үзәриндә дүшүн. Онда јолун уғурлу олаҹаг вә мүвәффәгијјәт газанаҹагсан» (Јешуа 1:7, 8). Јешуа бу мәсләһәтә әмәл етди вә онун јолу уғурлу олду. Әҝәр биз дә белә даврансаг, Аллаһа хидмәтдә ҹәсарәтли олаҹағыг вә уғур әлдә едәҹәјик.
Ҹәсарәтли ол, Аллаһын Јеһова сәнинләдир!
20 Шејтанын дүнјасында јашаја-јашаја Аллаһын ирадәсини јеринә јетирмәк елә дә асан дејил. Лакин биз тәк дејилик. Јеһова вә јығынҹағын башы олан Иса Мәсиһ бизимләдир. Үстәлик, бүтүн дүнјада 7 000 000-дан чох һәмиманлымыз вар. Ҝәлин һамымыз иманымызы горујаг вә хош хәбәри бәјан едәркән 2013-ҹү илин иллик ајәсини јадымызда сахлајаг: «Ҹәсарәтли вә мөһкәм ол... Аллаһын Јеһова... сәнинләдир» (Јешуа 1:9, Јени Дүнја тәрҹүмәси).
Һикмәт хәзинәсиндән инҹиләр
«Јешуа» китабындан диггәтәлајиг фикирләр
2:4, 5 — Рахав ҹасуслары ахтаран падшаһын адамларыны нә үчүн алдатды? Јеһоваја иман етдији үчүн, Рахав өз һәјатыны тәһлүкә алтына гојараг ҹасуслары ҝизләдир. Һәм дә о, Аллаһын халгынын дүшмәнләринә ҹасусларын һарада олдугларыны демәк мәҹбуријјәтиндә дејилди (Матта 7:6; 21:23-27; Јәһја 7:3-10). Бундан әлавә, Рахав «өз әмәлләринә ҝөрә салеһ» сајылмышды вә белә әмәлләрдән бири падшаһын гулларыны сәһв истигамәтдә ҝөндәрмәси иди (Јагуб 2:24-26).
20—26 СЕНТЈАБР
АЛЛАҺЫН КӘЛАМЫНДАКЫ ХӘЗИНӘ | ЈУШӘ 3—5
«Јеһова иманла ҝөрүлән ишләри уғурлу едир»
Smy һекајә 45, абз. 1—3
Халг Иордан чајындан кечир
БАХ! Исраиллиләр Иордан чајындан кечирләр! Бәс чајын сују һаны? Адәтән илин бу вахты чохлу јағыш јағыр, буна ҝөрә дә, ҹәми бир нечә дәгигә әввәл чај ашыб-дашырды. Амма инди судан әсәр-әламәт јохдур. Будур, исраиллиләр Гырмызы дәниздән кечдикләри кими, инди дә чајын гуру һиссәси илә кечирләр! Бәс чајын сују һара чәкилиб? Ҝәл бахаг.
Иордан чајыны кечмәк вахты ҝәләндә Јеһова Јешуаја бујурур ки, халга белә десин: ‘Каһинләр әһд сандығыны ҝөтүрмәли вә гаршынызда ҝетмәлидирләр. Онларын ајаглары Иордан чајына дәјән кими чајын сулары дајанаҹаг’.
Беләликлә, каһинләр әһд сандығыны ҝөтүрүб халгын гаршысында ҝедирләр. Онлар Иордан чајына јахынлашырлар. Чај чох ити ахыр вә дәриндир. Амма каһинләрин ајаглары суја дәјән кими сулар дајаныр! Бу бир мөҹүзәдир. Јеһова сулары јухары ахарындан дајандырыб, она ҝөрә дә чајын сују кәсилиб.
Гој Јеһованын өјүдләри гәлбинә севинҹ ҝәтирсин
17 Иманла давранмағымыз Јеһоваја етибарымызы мөһкәмләндирмәјә неҹә көмәк едир? Ҝәлин Мүгәддәс Јазылардан исраиллиләрин Вәд едилмиш дијара неҹә дахил олдугларыны нәзәрдән кечирәк. Јеһова каһинләрә әһд сандығыны бирбаша Иордан чајындан кечирмәји тапшырмышды. Лакин халг јахынлашанда јаз јағышлары уҹбатындан чајын суларынын дашдығыны ҝөрдү. Исраиллиләр нә едәҹәкдиләр? Онлар чајын кәнарында дүшәрҝә салаҹаг вә һәфтәләрлә, јахуд даһа чох отуруб суларын чәкилмәсини ҝөзләјәҹәкдиләр? Хејр, онлар Јеһоваја там етибар едиб Онун ҝөстәришләринә риајәт етдиләр. Бәс бунун нәтиҹәси неҹә олду? Биз охујуруг: «Сандығы дашыјан каһинләр Иордана ҝирәндә вә онларын ајаглары чајын суларына дәјәндә јухарыдан ахан сулар... тамамилә кәсилди. Халг чајы Јерихонун гаршысындан кечди. Рәббин Әһд сандығыны дашыјан каһинләр Иордан чајынын ортасында гуру јердә мөһкәм дурмушдулар. Бүтүн Исраиллиләр Иордан чајыны тамамилә кечәнә гәдәр гуру јердә ҝедирдиләр» (Јешуа 3:12—17). Тәсәввүр едирсиниз, һәмин ҝүҹлү ахан суларын дајандығыны ҝөрмәк неҹә дә севиндириҹи иди! Бәли, Јеһованын ҝөстәришләринә етибар етмәләри сајәсиндә исраиллиләрин Она олан иманы мөһкәмләнди.
Гој Јеһованын өјүдләри гәлбинә севинҹ ҝәтирсин
18 Дүздүр, бу ҝүн Јеһова халгы үчүн белә мөҹүзәләр ҝөстәрмир, анҹаг иманларына ҝөрә онлары да хејир-дуаландырыр. Аллаһын фәал гүввәси онлара Падшаһлыг һаггында хош хәбәри бүтүн дүнјада тәблиғ етмәк ишиндә дәстәк олур. Вә Јеһованын ән өндә ҝедән Шаһиди олан дирилмиш Иса Мәсиһ өз шаҝирдләрини әмин етмишди ки, бу ваҹиб иши һәјата кечирмәкдә онлара көмәк едәҹәк: «Буна ҝөрә дә ҝедин вә бүтүн милләтләрин ичиндә шаҝирд һазырлајын... Мән бу дөврүн јекунуна кими һәмишә сизинләјәм» (Мат. 28:19, 20). Утанҹаг олан Шаһидләрин бир чоху өз нүмунәләриндән әмин ола биләрләр ки, Аллаһын мүгәддәс руһу онлара тәблиғдә ҹәсарәтлә данышмаға көмәк едир. (Мәзмур 119:46; 2 Коринфлиләрә 4:7 ајәләрини оху.)
Һикмәт хәзинәсиндән инҹиләр
«Јешуа» китабындан диггәтәлајиг фикирләр
5:14, 15 — «Рәббин ордусунун башчысы» кимдир? Вә’д едилмиш дијарын зәбти башланан заман Јешуанын көмәјинә ҝәлән башчы, һәр еһтимала ҝөрә, «Кәлам» иди, јә’ни бу, јер үзүнә ҝәлмәздән әввәл мөвҹуд олан Иса Мәсиһ иди (Јәһја 1:1; Даниел 10:13). Иззәтләнмиш Иса Мәсиһин бу ҝүн Аллаһын халгына руһани мүһарибәдә көмәк етмәси бизи неҹә дә мөһкәмләндирир!
27 СЕНТЈАБР — 3 ОКТЈАБР
АЛЛАҺЫН КӘЛАМЫНДАКЫ ХӘЗИНӘ | ЈУШӘ 6, 7
«Пуч шејләри рәдд един»
Ҝөзләринизи фани шејләрдән чәкин!
5 Бу һадисәләрдән әсрләр сонра јашајан исраилли Аканын ҝөзләри ону зәбт едилмиш Јерихо шәһәриндән бир нечә әшја оғурламаға ширникдирди. Аллаһ исә әмр етмишди ки, Онун хәзинәсинә гојулмалы олан мүәјјән әшјалардан башга, һәр шеј мәһв едилсин. О, исраиллиләрә хәбәрдарлыг етмишди: «Мәһв едилмәјә һәср олунмуш шејләрдән чәкинин ки, һеч нә ҝөтүрмәјәсиниз». Акан итаәтсизлик ҝөстәрәндә исраиллиләр Ај шәһәри јахынлығында мәғлубијјәтә уғрадылар, бәзиләри исә һәјатларыны итирдиләр. Акан ифша едиләнә гәдәр оғурлуг етдијини бојнуна алмады. Сонра о деди: «[Һәмин әшјалары] ҝөрәндә онлара тамаһ салыб ҝөтүрдүм». Ҝөзләринин истәји уҹбатындан о, ‘бүтүн малы’ илә бирликдә мәһв едилди (Јешуа 6:18, 19; 7:1—26). Акан гадаға едилмиш шејләрә үрәјиндә тамаһ салды.
w97-E 15/8 с. 28, абз. 2
Ҝүнаһ барәдә хәбәр вермәк лазымдыр
Ҝүнаһ барәдә хәбәр вермәк ваҹибдир. Бунун бир сәбәби јығынҹағын тәмизлијини горумагдыр. Јеһова пак, мүгәддәс Аллаһдыр. О, хидмәтчиләриндән дә руһани вә әхлаги ҹәһәтдән тәмиз галмағы тәләб едир. Аллаһын Кәламында дејилир: «Итаәткар ушаглар кими олун, вахтилә ҹаһиллик ичиндә јашајаркән дахилиниздә һөкм сүрмүш истәкләрә ујмајын. Сизи чағырмыш Мүгәддәс Аллаһ кими һәр бир ишиниздә мүгәддәс олун, ахы јазылыб: “Мүгәддәс олун, чүнки Мән мүгәддәсәм”» (1 Бутрус 1:14—16). Натәмизлик едән, јахуд ҝүнаһ ишләјән инсанлары дүз јола ҝәтирмәк үчүн тәдбир ҝөрүлмәсә, јахуд онлар јығынҹагдан кәнар едилмәсәләр, бүтүн јығынҹаг ләкәләнәр вә Јеһованын лүтфүндән мәһрум олар. (Әлагәләндир: Јушә фәсил 7.)
Ҝөзләринизи фани шејләрдән чәкин!
8 Һәгиги мәсиһчиләр ҝөзләрин еһтирасына вә ҹисмани арзулара гаршы сығорталанмајыб. Буна ҝөрә дә Аллаһын Кәламы бизи ҝөзләримизә, еләҹә дә арзу вә истәкләримизә нәзарәт етмәјә тәшвиг едир. (1 Кор. 9:25, 27; 1 Јәһја 2:15—17 ајәләрини оху.) Салеһ Әјјуб да баша дүшүрдү ки, ҝөзләрин ҝөрдүјү илә арзулар арасында бирбаша әлагә вар. О демишди: «Ҝөзләрим үчүн әһд етмишәм, ҝөзүм бир гыза бахармы?» (Әјј. 31:1). Әјјуб нәинки гадына тохунмагдан имтина едирди, һәтта бејниндә шәһвани фикирләрин јаранмасына белә јол вермирди. Иса бејинин әхлагсыз фикирләрдән тәмиз олмасынын ваҹиблијини «бир гадына шәһвәтлә бахан һәр адам, артыг үрәјиндә онунла зина етмиш олур» демәклә вурғулады (Мат. 5:28).
Һикмәт хәзинәсиндән инҹиләр
Охуҹуларын суаллары
Гәдим заманларда, адәтән, һүҹум едән гошун гала шәһәри мүһасирәдә сахлајырды. Мүһасирәнин нә гәдәр сүрмәсиндән асылы олмајараг, галибләр шәһәрин вар-дөвләтини, олан-галан азугәсини талан едирдиләр. Лакин археологлар Әриһанын харабалыгларында бөјүк әрзаг еһтијатлары тапмышдылар. «Мүгәддәс Китабын археоложи иҹмалы»нда бунунла бағлы дејилир: «Харабалыгда ҝил габлардан башга ән чох тапылан шеј тахыл иди... Бу, Фәләстин археолоҝија тарихиндә надир бир һалдыр. Бир-ики күпүн тапылмасы мүмкүн иди, амма бу гәдәр чохлу тахылын тапылмасы истисна һалдыр».
Мүгәддәс Јазылара әсасән, исраиллиләрин Әриһа шәһәриндә олан тахылы талан етмәмәсинин сәбәби вар иди. Буну Јеһова онлара бујурмушду (Јуш. 6:17, 18). Исраиллиләр баһар фәслиндә, бичиндән дәрһал сонра һүҹум етмишдиләр. Буна ҝөрә дә шәһәрдә тахыл еһтијаты бол иди (Јуш. 3:15—17; 5:10). Әриһада чохлу тахылын галмасы ҝөстәрир ки, мүһасирә Мүгәддәс Китабда дејилдији кими, гыса мүддәт давам етмишди.
4—10 ОКТЈАБР
АЛЛАҺЫН КӘЛАМЫНДАКЫ ХӘЗИНӘ | ЈУШӘ 8, 9
«Ҝибјонлулардан нә өјрәнирик?»
Ајры-сечкилик етмәјән Аллаһымыз Јеһованы тәглид един
5 Сонрадан Исраил халгы Иордан чајы вадисиндән кечәрәк мәркәзи јүксәклијә тәрәф ҝетди. Орада Јешу Јеһованын ҝөстәришинә ҝөрә пусгу гуруб, Ај шәһәрини дармадағын етди (Јешу 8-ҹи фәсил). Бу барәдә ешидән бир чох Кән’ан падшаһлары исраиллиләрә гаршы мүһарибә етмәк үчүн бир јерә топлашдылар (Јешу 9:1, 2). Гоншулугдакы Һиви шәһәри олан Ҝибеонун сакинләри исә башга ҹүр даврандылар. Онлар, Јешу 9:4 ајәсиндә дејилдији кими, “һијлә илә даврандылар”. Раһаб кими онлар да Јеһованын Өз халгыны Мисирдән неҹә чыхардығыны, Сиһону вә Огу неҹә мәһв етдијини ешитмишдиләр (Јешу 9:6-10). Ҝибеон сакинләри баша дүшдүләр ки, мүгавимәт ҝөстәрмәк фајдасыздыр. Буна ҝөрә дә, һәм өз шәһәрләри, һәм дә үч гоншу — Кефира, Беерот вә Кирјат-јеарим шәһәрләри уғрунда Гилгала, Јешунун јанына, санки узагдан ҝәлирмишләр кими көһнә палтар ҝејмиш сәфирләр ҝөндәрдиләр. Онларын һијләси баш тутду. Јешу ҝибеонлуларла, онларын сағ галаҹагларына зәманәт верән әһд бағлады. Јешу вә исраиллиләр үч ҝүндән сонра билдиләр ки, онлары алдатмышлар. Лакин Јеһованын адына анд ичдикләри үчүн вә’дләрини позмадылар (Јешу 9:16-19). Јеһова буну бәјәндими?
«Өз идракына етибар етмә»
14 Гејри-камил олдуғумуз үчүн һамымыз (һәтта тәҹрүбәли ағсаггаллар белә) еһтијатлы олмалыјыг ки, гәрар гәбул едәркән Јеһовадан рәһбәрлик диләмәји унутмајаг. Ҝәлин ҝөрәк палтарларыны дәјишиб өзләрини узаг бир өлкәдән ҝәлән адамлар кими гәләмә верән фәрасәтли ҝивеонлулар Мусанын хәләфи Јешуанын вә Исраил ағсаггалларынын јанына ҝәләндә нә баш верди. Јешуа вә башгалары Јеһова илә мәсләһәтләшмәдән онларла сүлһ мүгавиләси бағладылар. Јеһова онларын мүгавиләсини ләғв етмәсә дә, бу һадисәнин Мүгәддәс Китабда гејд олунмасынын гајғысына галды ки, биз онларын һәрәкәтинин сәһв олдуғуну биләк (Јешуа 9:3—6, 14, 15).
«Бу торпағы» долаш
14 Елчиләр дедиләр: «Сәнин Аллаһын Рәббин шөһрәтли адына ҝөрә биз гулларын чох узаг өлкәдән ҝәлмишик» (Јешуа 9:3-9). Санки палтарлары вә чөрәкләри онларын сөзләрини тәсдиг едирди, әслиндә исә онларын доғма шәһәрләри олан Ҝивеон Гилгалдан тәхминән 30 километр аралыда јерләширди. Онлара инанараг, Јешуа вә ҹәмијјәтин рәисләри Ҝивеонла вә она битишик олан шәһәрләрлә әһд кәсдиләр. Ҝивеонлулар нә үчүн һијләјә әл атдылар? Онлар буну садәҹә мәһвдән јаха гуртармаг үчүнмү етдиләр? Хејр, онлар исраиллиләрин Аллаһынын илтифатыны газанмаг истәјирдиләр. Јеһованын разылығы ил ҝивеонлулар «бүтүн иҹма үчүн одун кәсән вә су дашыјан» олдулар (Јешуа 9:11-27). Ҝивеонлулар бундан сонра да Јеһоваја хидмәтдә һәр бир иши тәвазөкарлыгла јеринә јетирмәјә һазыр идиләр. Онлардан бә’зиләри, ола билсин, Бабилдән гајыдыб, мә’бәди бәрпа етмәјә көмәк едән нетинимләрин сырасында идиләр (Езра 2:1, 2, 43-54; 8:20). Биз Аллаһла сүлһү горујараг вә Она хидмәтдә һәр бир иши һазырлыгла ҝөрәрәк, онлардан нүмунә ҝөтүрә биләрик.
Һикмәт хәзинәсиндән инҹиләр
Охуҹуларын суаллары
Ганунун тәкрары 21:23 ајәсиндә гејд олунур ки, «асылан адам Аллаһын ләнәтинә дүчар [олур]». Аллаһын ләнәтинә дүчар олмуш ҝүнаһкарын ҹәсәдинин һамынын ҝөзү гаршысында нүмајиш етдирилмәси, сөзсүз ки, исраиллиләрә тәсир едирди. Әслиндә, инсанын ҹәсәдинин дирәкдән вә ја ағаҹдан бу ҹүр асылмасы башгалары үчүн ибрәт иди.
11—17 ОКТЈАБР
АЛЛАҺЫН КӘЛАМЫНДАКЫ ХӘЗИНӘ | ЈУШӘ 10, 11
«Јеһова Исраил үчүн дөјүшүр»
«Јешуа» китабындан диггәтәлајиг фикирләр
Ҝивеон «бөјүк бир шәһәр иди... Ај шәһәриндән дә бөјүк иди вә оранын адамлары иҝид иди» (Јешуа 10:2). Исраиллиләрин Јерихо вә Ај шәһәрләрини зәбт етдикләрини ешидән Ҝивеон әһалиси һијләјә әл атараг онларла сүлһ бағлајырлар. Гоншу халглар Ҝивеон әһалисинин дүшмән тәрәфә кечмәсини өзләри үчүн тәһлүкә кими гәбул едирләр. Беш падшаһ Ҝивеона гаршы һүҹум етмәк үчүн бирләшир. Лакин исраиллиләр дүшмәнләри дармадағын етмәклә Ҝивеон әһалисини хилас едирләр. Јешуанын рәһбәрлији алтында Исраил халгы ҹәнубда вә гәрбдә јерләшән шәһәрләри зәбт едир, һәмчинин шимал падшаһларынын әһдини позур. Исраиллиләр Иордан чајындан гәрбдә јерләшән шәһәрләри идарә едән падшаһларын үзәриндә 31 гәләбә чалырлар.
Smy һекајә 49, абз. 3
Ҝүнәш дајаныр
Јешуа вә онун бүтүн дөјүшчүләри дәрһал јола дүшүрләр. Бүтүн ҝеҹәни јол ҝедиб Ҝивеона чатырлар. Падшаһларын әсҝәрләри онлары ҝөрәндә горхуја дүшүб гачырлар. Јеһова ҝөјдән ири долу дәнәләри јағдырыр. Долунун зәрбәсиндән өләнләр исраилли дөјүшчүләрин өлдүрдүјүндән даһа чох олур.
«Јешуа» китабындан диггәтәлајиг фикирләр
10:13 — Белә бир мө’ҹүзә неҹә баш верә биләрди? Ҝөјләрин вә јерин Јараданы «Рәбб үчүн чәтин бир шеј вармы?» (Јарадылыш 18:14). Әҝәр Јеһова лазым биләрсә, јерин һәрәкәтини елә идарә едәр ки, јердән мүшаһидә едәнә елә ҝәләр ки, ҝуја ҝүнәш вә ај јериндә дурур. О, һәмчинин јерин вә ајын һәрәкәтини дәјишмәдән, ҝүнәш вә ај ишығынын истигамәтини дәјишәрәк елә бир оптик еффект јарада биләр ки, јердәки адамлара бу ики сәмави ҹисмин ҝөј гүббәсиндә галдығы ҝөрүнә биләр. Һәр неҹә олса да, Мүгәддәс Китабда дејилир ки, «о ҝүн кими бир ҝүн нә ондан әввәл, нә дә ондан сонра олду» (Јешуа 10:14).
Һикмәт хәзинәсиндән инҹиләр
Охуҹуларын суаллары
Бәзи китабларын Мүгәддәс Јазыларда хатырландығы вә онлардан мәнбә кими истифадә едилдији үчүн онларын Аллаһдан илһам алдығы гәнаәтинә ҝәлмәмәлијик. Лакин Јеһова Аллаһымыз Өз ‘сөзүндән’ ибарәт олан бүтүн јазылары горујуб сахламышдыр вә онлар ‘әбәди галаҹагдыр’ (Јешаја 40:8). Бәли, Јеһова бизим ‘камил олуб, һәр ҹүр хејирли иш үчүн тәҹһиз едилмәмиз’ үчүн лазым олан һәр шеји Мүгәддәс Јазыларын 66 китабына дахил едиб (2 Тим. 3:16, 17).
18—24 ОКТЈАБР
АЛЛАҺЫН КӘЛАМЫНДАКЫ ХӘЗИНӘ | ЈУШӘ 12—14
«Јеһоваја бүтүн гәлбинизлә итаәт един»
«Јешуа» китабындан диггәтәлајиг фикирләр
14:10—13. Калевин 85 јашында олмасына бахмајараг, Хеврон бөлҝәсини бүтпәрәст халглардан тәмизләмәк кими чәтин бир тапшырығы она е’тибар едилмәсини хаһиш едир. О әразидә нәһәнҝ адамлар олан «Анаглылар» јашајырды. Јеһованын көмәји илә бу тәҹрүбәли дөјүшчү гәләбә чалды, Хеврон исә сығынаҹаг шәһәрләриндән бири олду (Јешуа 15:13-19; 21:11-13). Калевин нүмунәси бизә чәтин теократик тапшырыглардан горхмамағы өјрәдир.
Иман вә Аллаһ горхусу бизи ҹәсарәтләндирир
11 Белә иман даима инкишаф едир. Өјрәндијимиз һәгигәтләри һәјатымызда тәтбиг едәндә, фајдасыны ‘даданда’, дуаларымызын ҹавабларыны ‘ҝөрәндә’ вә ја Јеһованын рәһбәрлијини һәјатымызда һисс едәндә иманымыз даһа чох мөһкәмләнир (Мәзмур 34:8; 1 Јәһја 5:14, 15). Биз әмин ола биләрик ки, Јешуа вә Калев Аллаһын хејирхаһлығыны даддыгҹа онларын иманы даһа дәрин көк салырды (Јешуа 23:14). Мәсәлән, Аллаһын вә’д етдији кими, онлар сәһрада 40 ил долашандан сонра сағ галдылар (Сајлар 14:27-30; 32:11, 12). Онлар Кән’анын алтыиллик истиласында фәал иштирак етмиш, Аллаһ онлара узун өмүр вә ҹан сағлығы вермиш, онлар һәтта шәхси торпаг саһәси алмышдылар. Јеһова Она садиг галанлары вә ҹәсарәтлә хидмәт едәнләри сәхавәтлә мүкафатландырыр (Јешуа 14:6, 9-14; 19:49, 50; 24:29).
Һикмәт хәзинәсиндән инҹиләр
Исраиллиләрин сәһвләриндән ибрәт алаг
Исраиллиләрин Вәд едилмиш дијары әлә кечирмәләри оранын сакинләри үзәриндә илк гәләбә иди. Амма Исраил оғуллары Аллаһын әмрләринә там әмәл етмәдиләр. Онлар дүшмәнләри говмадылар (Һак. 1:1–2:10). Әксинә, бу дијардакы ‘једди милләтин’ арасында јашајан исраиллиләрин онларла мүнтәзәм үнсијјәтдә олмалары һәмин милләтләрлә достлуг мүнасибәтинин јаранмасына сәбәб олду (Ганун. т. 7:1). Бу, исраиллиләрә неҹә тәсир етди? Мүгәддәс Китабда дејилир: «Исраил өвладлары онларын гызларындан өзләринә арвад алды, өз гызларыны да онларын оғулларына верди вә онларын аллаһларына ситајиш етди. Беләликлә, Исраил өвладлары Рәббин ҝөзүндә пис олан ишләр ҝөрдүләр. Онлар өз Аллаһы Рәбби унудараг Баал вә Ашера бүтләринә ситајиш етдиләр» (Һак. 3:5-7). Бир гәдәр вахтдан сонра исраиллиләр бу дијарын сакинләри илә аилә гурмаға вә бүтләринә ситајиш етмәјә башладылар. Гарышыг никаһларын сајынын артмасы бүтпәрәст халгларын бу дијардан говулмаг еһтималыны азалдырды. Һәгиги ибадәт мурдарланмышды вә исраиллиләрин өзләри јаланчы аллаһлара ибадәт етмәјә башладылар.
25—31 ОКТЈАБР
АЛЛАҺЫН КӘЛАМЫНДАКЫ ХӘЗИНӘ | ЈУШӘ 15—17
«Гијмәтли ирсинизи горујун»
Јашлылар мәсиһчи гардашлығымызын гијмәтли үзвләридир
Гоҹалыгла әлагәдар мәһдудијјәтләринин олмасына бахмајараг, Падшаһлыг һаггындакы тәблиғ ишиндә гәтијјәт вә ҹәсарәтлә иштирак етмәклә јашлы мәсиһчиләр, 40 ил мүддәтиндә сәһрада Мусаны мүшајиәт едән садиг Калебин изләри илә ҝедирләр. Иордан чајыны кечиб, Вә’д едилмиш дијара дахил оланда Калебин 79 јашы варды. Исраилин јенилмәз ордусунда алты ил вурушдугдан сонра, Калеб раһат јашаја биләрди. Лакин јох, о, Јәһудејанын дағлыг әразисиндә олан “бөјүк вә диварлы шәһәрләрин” алынмасы кими чәтин тапшырығы јеринә јетирмәји ҹәсарәтлә өз үзәринә ҝөтүрдү. Һәмин әрази, уҹабојлу Анакларын мәскәни иди. Јеһованын көмәји илә Калеб һәгигәтән дә ‘Рәббин сөјләдији кими онлары говду’ (Јешу 14:9-14; 15:13, 14). Әмин олун ки, сиз јашлы вахтынызда Падшаһлығын бәһрәсини тәгдим етмәјә давам едәндә, Калеблә олдуғу кими, Јеһова сизинләдир. Вә әҝәр сиз садиг галарсынызса, О, вә’д едилмиш јени дүнјада сизә јер верәҹәкдир (Ишаја 40:29-31; 2 Петер 3:13).
it-1-E с. 848
Көләлик етмәк
Гәдим дөврдә көлә әмәјиндән ҝениш истифадә олунурду. Көләләр, әсасән, мәғлуб едилмиш халгларын нүмајәндәләри олурду (Гн 20:11; Јш 16:10; 17:13; Әс 10:1; Әш 31:8; Мрс 1:1). Исраиллиләр дә Мисирдә көлә оланда зүлмкар мисирли нәзарәтчиләрин нәзарәти алтында Фисум вә Раамсеси, анбарлар јерләшән шәһәрләри тикирдиләр (Чх 1:11—14). Вәд едилмиш дијара ҝәләндә исә онлар Јеһованын әмр етдији кими, Кәнанын бүтүн сакинләрини говмаг, мәһв етмәк әвәзинә онлары көлә едиб ишләтдиләр. Бунун нәтиҹәси пис олду. Һәмин халглар исраиллиләри јолдан чыхардылар вә исраиллиләр бүтләрә ибадәт етмәјә башлады (Јш 16:10; Һк 1:28; 2:3, 11, 12). Сүлејман падшаһ да бу кәнаниләрдән, јәни амориләрдән, һетләрдән, фәризиләрдән, һивиләрдән, јәбусиләрдән сағ галанлары көлә кими ишләдирди (1Пд 9:20, 21).
it-1-E с. 402, абз. 3
Кәнан
Өлкә истила олунаркән чохлу кәнани сағ галса да, табе олмајыб мүбаризә апарса да, јенә дә Мүгәддәс Китабда һаглы олараг дејилир ки, «Јеһова ата-бабаларына анд ичдији кими, бүтүн бу өлкәни исраиллиләрә верди», «онлара һәр тәрәфдән динҹлик верди», «Јеһованын Исраил евинә вердији бүтүн ҝөзәл вәдләрдән һеч бири боша чыхмады, һамысы јеринә јетди» (Јш 21:43—45). Исраилин әтрафындакы халгларын һамысы горхуја дүшмүшдү, онлар исраиллиләр үчүн тәһлүкәли дејилдиләр. Аллаһ габагҹадан демишди ки, кәнаниләри јаваш-јаваш говаҹаг, јохса бирдән-бирә бош галмыш өлкәдә вәһши һејванлар чохалар (Чх 23:29, 30; Гн 7:22). Дүздүр, һәрби сурсат бахымындан үстүнлүк кәнаниләрдә иди, онларын һәмчинин дәрјазлы ҹәнҝ арабалары вар иди. Бунунла белә, исраиллиләрин мүәјјән әразиләри истила едә билмәмәсинин сәбәби Јеһованын Өз вәдини јеринә јетирмәмәси дејилди (Јш 17:16—18; Һк 4:13). Әксинә, Мүгәддәс Китабда дејилир ки, исраиллиләрин бәзи һалларда мәғлуб олмасына сәбәб Јеһоваја хәјанәт етмәләри иди (Сј 14:44, 45; Јш 7:1—12).
Һикмәт хәзинәсиндән инҹиләр
Билирсиниз?
Гәдимдә Исраил әразиси Мүгәддәс Китабда тәсвир олундуғу кими мешәлик иди?
МҮГӘДДӘС КИТАБДА дејилир ки, Вәд едилмиш дијар мешәлик иди, өлкәдә ағаҹлар чох иди (1 Пад. 10:27; Јуш. 17:15, 18). Амма бу ҝүн һәмин өлкәдә бөјүк-бөјүк әразиләрдә бир дәнә дә олсун ағаҹын олмадығыны ҝөрәндә бәзиләриндә шүбһә јарана биләр ки, буралар нә вахтса мешәлик олуб.
«Гәдим Исраилдә һәјат» китабында дејилир ки, «гәдим Исраилдә мешәләр буҝүнкүндән бөјүк иди» («Life in Biblical Israel»). Дағлыг әразиләр әсасән, Һәләб шамы, һәмишәјашыл палыд вә пүстә ағаҹлары илә өртүлмүшдү. Өлкәнин мәркәзиндәки дағ силсиләси илә Аралыг дәнизи арасында јерләшән тәпәлији өзүнә дахил едән Шәфлада чохлу әнҹир ағаҹы да вар иди.
«Мүгәддәс Китабда адлары чәкилән биткиләр» адлы китабда дејилир ки, һазырда Исраилин бәзи јерләри тамамилә ағаҹсыздыр («Plants of the Bible»). Буна нә сәбәб олуб? Һәмин китабда бунун тәдриҹән баш вердији изаһ олунур вә дејилир: «Инсан әсас етибарилә, өзүнүн әкин вә отлаг саһәсини ҝенишләндирмәк үчүн, һәмчинин тикинти материалы вә јанаҹаг әлдә етмәк үчүн дурмадан битки аләминә мүдахилә едир».