«Мәсиһи һәјаты вә ибадәти. Иш дәфтәри» үчүн мәнбәләр
2—8 МАЈ
АЛЛАҺЫН КӘЛАМЫНДАКЫ ХӘЗИНӘ | 1 ИШМУИЛ 27—29
«Давуд тәдбирли инсан иди»
it-1-E с. 41
Ахыш
Давуд Талутун әлиндән гачаг дүшәндә ики дәфә Ахыш падшаһын мәмләкәтинә сығынмышды. Биринҹи дәфә ону дүшмән һесаб етдикләринә ҝөрә Давуд өзүнү дәлилијә вурмушду, Ахыш да ону дәли зәнн едиб бурахмышды (1Иш 21:10—15; Зб 34:Ҝириш; 56:Ҝириш). Икинҹи дәфә исә Давуд 600 дөјүшчүсү илә вә онларын аиләләри илә бирликдә иди. Одур ки, Ахыш она Сығлағы верди. Онлар бир ил дөрд ај Сығлагда галдылар. Бу мүддәт әрзиндә Ахыш дүшүнүрдү ки, Давудун дәстәси Јәһуда шәһәрләринә басгын едир, әслиндә исә Давуд гәшуриләрә, ҝизриләрә вә әмалигәләрә басгын едирди (1Иш 27:1—12). Давуд Ахышы өз сәдагәтинә о дәрәҹәдә инандырмышды ки, филиштлиләр Талут падшаһа һүҹума һазырлашанда о, Давуду өзүнә мүһафизәчи гојду. Ахырынҹы мәгамда Филишт һакимләринин тәкиди илә Давудла дөјүшчүләри Сығлаға гајытды (1Иш 28:2; 29:1—11). Давуд падшаһ олуб Ҹатла дөјүшәндә, ҝөрүнүр, Ахыш өлдүрүлмәмишди. Сүлејманын һакимијјәти вахты да о һәлә сағ иди (1Пд 2:39—41).
Ҝәнҹ гардашлар, сиз башгаларынын етибарыны газана биләрсиз
8 Ҝәлин ҝөрәк Давудун башга һансы чәтинлији олмушду. О, падшаһ кими мәсһ олунандан сонра Јәһудада тахта чыхана гәдәр узун илләр ҝөзләмәли олмушду (1 Ишм. 16:13; 2 Ишм. 2:3, 4). Бу вахт әрзиндә Давуда сәбирлә ҝөзләмәјә нә көмәк етди? Давуд әл-голуну јанына салмады, диггәтини едә биләҹәји ишләрә ҹәмләди. Мәсәлән, филиштлиләрин әразисиндә гачаг кими јашадығы вахт јаранан фүрсәти фөвтә вермирди, Исраилин дүшмәнләринә гаршы вурушурду. Бунунла о, Јәһуда әразисинин сәрһәдләрини горујурду (1 Ишм. 27:1—12).
it-2-E с. 245, абз. 6
Јалан
Мүгәддәс Китабда мәкрлә јалан сөјләмәк писләнилир. Амма бу о демәк дејил ки, инсан ихтијары чатмајан кәсләрә дә дүзҝүн мәлумат вермәјә борҹлудур. Иса Мәсиһ демишди: «Мүгәддәс шејләри итләрә вермәјин вә мирвариләринизи донузларын габағына атмајын ки, онлар мирвариләри тапдаламасынлар, сонра да чөнүб сизи парчаламасынлар» (Мт 7:6). Буна ҝөрә дә бәзән Иса кимләрәсә мәлуматы там сөјләмирди, јахуд да мүәјјән суаллара бирбаша ҹаваб вермирди. Чүнки бу, тәһлүкәли ола биләрди (Мт 15:1—6; 21:23—27; Јһ 7:3—10). Ибраһимин, Исһагын, Раһабын вә Әлјәсәнин бүтпәрәстләрә јанлыш ҹаваб вермәсинә вә ја мәлуматы там сөјләмәмәсинә дә бу нөгтеји-нәзәрдән јанашмаг лазымдыр (Јр 12:10—19; фәс. 20; 26:1—10; Јш 2:1—6; Јг 2:25; 2Пд 6:11—23).
Һикмәт хәзинәсиндән инҹиләр
Өлүләр дириләрә көмәк едә биләрми?
Бу һагда дүшүнүн. Мүгәддәс Китабда дејилир ки, инсан өләндә ‘торпаға дүшүр’ вә ‘нијјәтләри јох олур’ (Мәзмур 146:4). Һәм Шаул, һәм дә Шамуел билирди ки, Аллаһ ҹиндарлара вә руһ чағыранлара мүраҹиәт етмәји мүһакимә едир. Мәһз бу сәбәбдән Шаул әввәлләр өлкәни бу ҹүр ишләрлә мәшғул олан инсанлардан тәмизләмишди (Левилиләр 19:31).
Бунун үзәриндә дүшүнүн. Әҝәр һәгигәтән дә садиг Шамуел руһ кими јашајырдыса, о, Аллаһын әмрини позар вә Шаулла ҝөрүшмәк үчүн медиумла әлбир олардымы? Јеһова Шаулла данышмырды. Бәс онда демәк олармы ки, ҹиндар гадын маһијјәт етибары илә Күлли-Ихтијар Аллаһы өлмүш Шамуелин васитәсилә Шаулла данышмаға мәҹбур етмишди? Хејр. Ајдындыр ки, бу «Шамуел» һеч бир вәҹһлә Аллаһын һәгиги пејғәмбәри ола билмәзди. Бу руһ, өлмүш Шамуелин ҹилдинә ҝирмиш ҹин иди.
9—15 МАЈ
АЛЛАҺЫН КӘЛАМЫНДАКЫ ХӘЗИНӘ | 1 ИШМУИЛ 30, 31
«Аллаһыныз Јеһовадан гүввәт алын»
Јеһовадан горх — хошбәхт ол!
12 Аллаһ горхусу Давуду садәҹә олараг ҝүнаһ етмәкдән чәкиндирмәди, һәм дә чәтин шәраитләрдә гәтијјәтли вә мүдрик давранмаг үчүн она ҝүҹ верди. Бир ил дөрд ај әрзиндә Давуд адамлары илә бирликдә Шаулун әлиндән филиштлиләрин Зиглаг шәһәриндә сығынаҹаг тапды (1 Шамуел 27:5-7). Бир дәфә кишиләр шәһәрдә олмајанда амалегли сојғунчулар шәһәри јандырараг бүтүн гадынлары, ушаглары вә мал-гараны апардылар. Гајыданда баш верәнләри ҝөрән Давуд вә онун адамлары һөнкүр-һөнкүр ағладылар. Гүссә тезликлә һиддәтә чеврилди вә Давудун адамлары ону дашламаг истәјирдиләр. Фәлакәтә дүшдүјүнә бахмајараг, Давуд үмидсизлијә гапылмады (Сүлејманын мәсәлләри 24:10). Аллаһ горхусу ону Јеһоваја үз тутмаға тәшвиг етди, «Давуд Аллаһы Рәбдән гүввәт алды». Аллаһын көмәји илә Давуд вә адамлары амалеглиләрә галиб ҝәлдиләр вә һәр шејләрини ҝери гајтардылар (1 Шамуел 30:1-20).
Јеһова бизи хилас етмәк үчүн горујур
14 Давудун һәјатында гәм-кәдәр аз дејилди (1 Шам. 30:3—6). Аллаһдан илһам алараг јаздығы сөзләрдән ҝөрүрүк ки, Јеһова онун һиссләринә бәләд иди. (Мәзмур 34:18; 56:8 ајәләрини оху.) Аллаһ бизим дә һиссләримизә бәләддир. Гәлбимиз јаралы оланда вә ја өзүмүзү руһән әзилмиш һисс едәндә О, бизә даһа да јахын олур. Артыг буну билмәк, Давуд кими, бизә дә мүәјјән тәскинлик верә биләр. О охујурду: «Мән Сәнин мәһәббәтиндә шад олуб севинәҹәјәм, чүнки мәзлум һалымы ҝөрмүсән, чәкдијим әзабы билмисән» (Мәз. 31:7). Лакин Јеһова нәинки бизим гәм-кәдәримизи ҝөрүр, О тәсәлли вермәклә вә руһландырмагла бизә бунлара таб ҝәтирмәјә көмәк едир. Буну етмәјин үсулларындан бири мәсиһчи ҝөрүшләридир.
Һикмәт хәзинәсиндән инҹиләр
«Биринҹи Шамуел» китабындан диггәтәлајиг фикирләр
30:23, 24. Сајлар 31:27 ајәсинә әсасланан бу гәрар ону ҝөстәрир ки, Јеһова ән кичик ишләрдә белә јығынҹағы дәстәкләјәнләри гијмәтләндирир. Ҝәлин етдијимиз һәр бир шеји ‘инсанлар үчүн јох, Рәбб үчүн едир кими, ҹанла-башла едәк’ (Колослулара 3:23).
16—22 МАЈ
АЛЛАҺЫН КӘЛАМЫНДАКЫ ХӘЗИНӘ | 2 ИШМУИЛ 1—3
«“Каман” адлы мәрсијәдән нә өјрәнирик?»
Үзәринизә гојулан шәхсләрә һөрмәт един
9 Давуд бу ҹүр пис мүнасибәтә таб ҝәтирәркән әзаб чәкирдими? Давуд, Јеговаја мүраҹиәтиндә фәрјад едиб дејирди: “Зорлулар ҹанымы ахтарыр” (Мәзмур 54:3). О, үрәјини Јегованын гаршысында бошалдырды: “Мәни дүшмәнләримдән азад ејлә, еј Аллаһым... Гүввәтлиләр мәнә гаршы топланырлар, нә үсјаныма ҝөрә, нә дә сучума ҝөрә, ја Рәб. Ҝүнаһым олмадан силаһланыб һазырлашырлар; мәнә јардым етмәк үчүн ојан вә бах” (Мәзмур 59:1—4). Сәлаһијјәт верилән адам, һеч бир пислик етмәдијиниз һалда сизә чәтинликләр төрәтдикдә, сиз дә белә һиссләр кечирибсинизми? Буна бахмајараг, Давуд Шаула лајигинҹә һөрмәт едирди. Шаул өләндә Давуд севинмәди, әксинә, ағы нәғмәси бәстәләди: “Саул [Шаул] илә Јонатан һәјатларында дадлы вә севимли идиләр... гарталлардан ҹәлд, асланлардан гүввәтли идиләр. Еј Исраил гызлары, Саул үчүн ағлајын” (2 Самуел 1:23, 24). Шаулун һагсыз олараг Давуда изтираб вермәсинә бахмајараг, Јегованын мәсһ етдији шәхсә әсл һөрмәт ҝөстәрмәкдә Давуд олдугҹа ҝөзәл нүмунә вермишди!
Хаинлик — бизим ҝүнләрин дәһшәтли әламәти
8 Мүгәддәс Китабда бир чох садиг инсанларын да нүмунәси вар. Ҝәлин онлардан икисинә нәзәр салаг вә ҝөрәк биз онлардан нә өјрәнә биләрик. Илк өнҹә Давуда садиг олан инсанын нүмунәсинә диггәт јетирәк. Шаул падшаһын бөјүк оғлу Јонатан Исраилин тахт-таҹынын вариси олаҹагды, лакин Јеһова Давуду сечди. Јонатан Јеһованын бу гәрарына һөрмәтлә јанашды. О, Давуда рәгиб ҝөзү илә бахмырды вә она пахыллыг етмирди. Әксинә, «Јонатанын гәлби Давудун гәлбинә бағланды» вә она садиг олаҹағына сөз верди. Ҹүббәсини, ох-каманыны вә кәмәрини Давуда вермәклә Јонатан она падшаһа лајиг иззәти ҝөстәрди (1 Шам. 18:1—4). Јонатан әлиндән ҝәләни едәрәк «ону Аллаһ наминә руһландырды» вә һәтта Давуду Шаулун әлиндән гуртармаг үчүн өз һәјатыны рискә атды. Садиг Јонатан Давуда деди: «Исраилин падшаһы сән олаҹагсан, мән сәндән сонра икинҹи олаҹағам» (1 Шам. 20:30—34; 23:16, 17). Тәәҹҹүблү дејил ки, Јонатанын өлүмүндән сонра Давуд өз кәдәрини вә она олан мәһәббәтини ағы демәклә ифадә етмишди (2 Шам. 1:17, 26).
Һикмәт хәзинәсиндән инҹиләр
it-1-E с. 369, абз. 2
Гардаш
«Гардаш» сөзү һәмчинин ејни гајәјә хидмәт едән, мәгсәд вә нијјәтләри ејни олан адамлара аид дә ишләнир. Мәсәлән, Сур падшаһы Һирам Сүлејман падшаһы гардаш адландырмышды. Бунун сәбәби тәкҹә икисинин дә ејни мөвгејә саһиб олмасы јох, һәмчинин икисинин дә мәбәд үчүн ағаҹ вә диҝәр шејләр тәдарүк ҝөрмәси иди (1Пд 9:13; 5:1—12). Давуд «нә јахшыдыр, нә хошдур, гардашлар бир олуб, бир јашајанда!» сөзләрини јазанда ону нәзәрдә тутурду ки, тәкҹә ган гоһумлуғу доғма гардашлар арасында сүлһ вә бирлик јаратмыр (Зб 133:1). Давуд Јонатаны араларындакы үлфәтә ҝөрә, мараг даирәләринин ејни олдуғуна ҝөрә гардашы адландырмышды, ејни атадан-анадан дүнјаја ҝәлдикләринә ҝөрә јох (2Иш 1:26). Һәтта пис дә олса, охшар хасијјәтдә, тәбиәтдә олан достлар јериндә олараг гардаш адланыр (Мс 18:9).
23—29 МАЈ
АЛЛАҺЫН КӘЛАМЫНДАКЫ ХӘЗИНӘ | 2 ИШМУИЛ 4—6
«Аллаһ горхусу илә давранын»
«Икинҹи Шамуел» китабындан диггәтәлајиг фикирләр
6:1-7. Давудун нијјәтләри јахшы олса да, Әһд сандығыны арабада көчүрмәк гәрары Аллаһын ҝөстәришләринә зидд олдуғу үчүн баш тутмады (Чыхыш 25:13, 14; Сајлар 4:15, 19; 7:7-9). Уззанын Әһд сандығындан јапышмасы да ҝөстәрди ки, инсанларын јахшы нијјәтләри Аллаһын тәләбләрини дәјишә билмәз.
Јеһова һәмишә әдаләтлә давраныр
20 О ҹүмләдән гејд етмәк лазымдыр ки, Узза бир аз еһтијатлы олмалы иди. Сандыг Јеһованын иштиракыны тәмсил едирди. Ганунда ајдынҹа дејилирди ки, сәлаһијјәти олмајан адамлар өлүм горхусу алтында сандыға тохунмалы дејилләр (Сајлар 4:18-20; 7:89). Буна ҝөрә дә, мүгәддәс сандығын дашынылмасына дүшүнҹәсиз јанашмаг олмазды. Ҝөрүнүр, Узза левили иди (каһин дејилди), буна ҝөрә дә, о, Гануну билмәли иди. Бундан башга, бу һадисәдән чох илләр әввәл сандыг онун атасынын евинә ҝәтирилмишдир (1 Шамуел 6:20–7:1). Давуд бу сандығы башга јерә көчүрмәк истәјәнә гәдәр орада тәхминән 70 ил галмышдыр. Бу сәбәбдән, еһтимал ки, Узза ушаглыгдан бәри сандыгла бағлы ганунларла таныш иди.
Јеһова һәмишә әдаләтлә давраныр
21 Артыг јухарыда гејд олундуғу кими, Јеһова үрәкләри ҝөрән Аллаһдыр. Мүгәддәс Китабда Уззанын һәрәкәти «һөрмәтсизлик» адландығы үчүн, еһтимал ки, Јеһова бу инсанын үрәјиндәки — Мүгәддәс Јазыларда бирбаша гејд олунмајан — худбин нијјәтләри ҝөрмүшдүр. Узза һәддини ашмаға мејилли олан тәкәббүрлү инсан дејилдими? (Сүлејманын мәсәлләри 11:2). Онун аиләсиндә сахланылан сандығы инди һамынын ҝөзү габағында апармасы ловғаланмаг үчүн она әсас верирдими? (Сүлејманын мәсәлләри 8:13). Јә’ни Уззанын иманы о гәдәр зәиф иди ки, Јеһованын Онун иштиракыны тәмсил едән мүгәддәс сандығы горумасы үчүн әли чатмадығыны фикирләширди? Һәр неҹә олурса-олсун, биз әмин ола биләрик ки, Јеһова әдаләтлә давранмышды. Еһтимал ки, Аллаһ Уззанын үрәјиндә елә бир шеј ҝөрмүшдү ки, Ону дәрһал һәрәкәт етмәјә тәшвиг етмишди (Сүлејманын мәсәлләри 21:2).
Һикмәт хәзинәсиндән инҹиләр
«Икинҹи Шамуел» китабындан диггәтәлајиг фикирләр
6:8, 9. Дүшдүјү ағыр вәзијјәтдә Давуд әввәлҹә «мә’јус олду [«гәзәбләнди», КМ]», сонра исә горхду вә еһтимал ки, баш верәнләрдә Јеһованы ҝүнаһландырды. Онун ҝөстәришләринә е’тинасыз јанашмағымызын сајәсиндә баш верән фәлакәтләрә ҝөрә Јеһованы ҝүнаһландырмагдан гачынмалыјыг.
30 МАЈ — 5 ИЈУН
АЛЛАҺЫН КӘЛАМЫНДАКЫ ХӘЗИНӘ | 2 ИШМУИЛ 7, 8
«Јеһова Давудла әһд бағлајыр»
‘Тахтын әбәди мөһкәм галаҹаг’
Давудун бу сәмими арзусу Јеһованын үрәјинҹә олур. Сәдагәтинә ҹаваб олараг вә пејғәмбәрлијә әсасән, Аллаһ Давудла онун нәслиндән әбәдилик һөкм сүрәҹәк бир шәхс чыхараҹағына даир әһд бағлајыр. Натан Давуда Аллаһын мүгәддәс вәдини чатдырыр: «Сәнин нәслин вә падшаһлығын Мәним гаршымда әбәди әмин-аманлыгда олаҹаг, тахтын исә әбәди мөһкәм галаҹаг» (16-ҹы ајә). Бу әһдин даими Вариси — әбәдијјән һөкм сүрәҹәк кәс кимдир? (Јарадылыш 49:10; Мәзмур 89:20, 29, 34—36).
‘Тахтын әбәди мөһкәм галаҹаг’
Назаретли Иса Давудун нәслиндән иди. Исанын доғулмасыны хәбәр верәркән мәләк демишди: «Рәбб Аллаһ Она атасы Давудун тахтыны верәҹәкдир. Әбәди олараг Јагубун соју үзәриндә һөкмранлыг едәҹәк вә Онун Сәлтәнәтинин сону олмајаҹагдыр» (Лука 1:32, 33). Беләликлә, Давудла бағланан әһд Иса Мәсиһин үзәриндә јеринә јетди. О, сәсвермә јолу илә һакимијјәт башына ҝәлмәјиб, әксинә, она әбәдијјән һөкм сүрмәк һүгугуну Аллаһын мүгәддәс вәди верир. Ҝәлин унутмајаг ки, Аллаһ вәдләрини һәмишә јеринә јетирир (Јешаја 55:10, 11).
Падшаһлыға иманыны сарсылмаз ет
14 Ҝәлин ҝөрәк Јеһова Давудла бағланан әһд васитәсилә гәдим Исраилин падшаһы Давуда һансы вәди вермишди. (2 Шамуел 7:12, 16 ајәләрини оху.) Јеһова бу әһди Давуд Јерусәлимдә падшаһлыг етдији заман бағламышды вә она вәд етмишди ки, Мәсиһ онун нәслиндән ҝәләҹәк (Лука 1:30—33). Бунунла Јеһова өвладын нәсил шәҹәрәсини конкретләшдирди вә ҝөстәрди ки, Давудун вариси Аллаһын Падшаһлығында тахта әјләшмәјә «һагг саһиби» олаҹаг (Јез. 21:25—27). Исанын васитәсилә Давудун тахты «сабит галаҹаг». Һәгигәтән дә, Давудун нәсли «тахтда әбәди галаҹаг, тахты... ҝүнәш кими дураҹаг» (Мәз. 89:34—37). Бәли, Мәсиһин һакимијјәти һеч вахт дағылмајаҹаг, онун ишләри әбәди галаҹаг!
Һикмәт хәзинәсиндән инҹиләр
it-2-E с. 206, абз. 2
Ахырзаман
Бәләмин пејғәмбәрлији. Исраиллиләр Вәд едилмиш дијара ҝирмәздән әввәл Бәләм Муаб падшаһы Балага деди: «Гој сәнә дејим бу халг [Исраил халгы] ҝәләҹәкдә [орижинал мәтндә «ахырзаманда»] сәнин халгынын башына нәләр ҝәтирәҹәк... Јагубдан бир улдуз чыхаҹаг, Исраилдән бир һөкмдар әсасы уҹалаҹаг. О, Муабын алныны икијә бөләҹәк, ган-ган дејән оғулларын кәлләсини јараҹаг» (Сј 24:14—17). Пејғәмбәрлијин илк иҹрасында Јагубдан чыхан улдуз муабиләри мәғлуб едән Давуд падшаһ олду (2Иш 8:2). Ҝөрүнүр, елә буна ҝөрә пејғәмбәрлијин бу иҹрасында ахырзаман Давудун падшаһ олмасы илә башлады. Анҹаг Давуд сәмави Падшаһлығын Падшаһы олан Иса Мәсиһи тәмсил едирди. Буна ҝөрә дә пејғәмбәрлик һәмчинин дүшмәнләрини мәғлуб едән Исаја да аиддир (Әш 9:7; Зб 2:8, 9).
6—12 ИЈУН
АЛЛАҺЫН КӘЛАМЫНДАКЫ ХӘЗИНӘ | 2 ИШМУИЛ 9, 10
«Давуд мәһәббәтлә давранды»
Бир-биримизә хүсуси мәһәббәт ҝөстәрәк
7 Инди исә ҝәлин Давудла Јонатанын нүмунәси әсасында ҝөрәк диндашларымыза гаршы неҹә мәһәббәт ҝөстәрмәлијик. Јонатанын атасы Давуду өлдүрмәк истәсә дә, Давуд Јонатана мәһәббәт ҝөстәрмишди. Јонатанын өлүмүндән илләр сонра да Давуд Јонатанын оғлу Мефибошетә мәһәббәт ҝөстәрмишди. Сөзсүз ки, Давуд һәр адамла белә давранмазды. Онун Јонатанла мөһкәм достлуг мүнасибәти вар иди, буна ҝөрә она хүсуси мәһәббәт ҝөстәрмишди (1 Ишм. 20:9, 14, 15; 2 Ишм. 4:4; 8:15; 9:1, 6, 7).
«Икинҹи Шамуел» китабындан диггәтәлајиг фикирләр
9:1, 6, 7. Давуд вә’дини јеринә јетирди. Биз дә өз сөзүмүзүн үстүндә дурмаг үчүн сә’ј ҝөстәрмәлијик.
Онлар бәдәнләриндәки нештәрләрә таб ҝәтирдиләр
10 Бир нечә илдән сонра Давуд падшаһ, Јонатана бәсләдији дәрин мәһәббәт сајәсиндә Мефибошетә лүтф ҝөстәрди. Давуд, Саула мәхсус олан бүтүн торпаг вә мүлкү Мефибошетә гајтарды вә Саулун гулу Тсибаны торпаға бахмаға тә’јин етди. Давуд, һәмчинин Мефибошетә деди: “Сән даима мәним сүфрәмдә чөрәк јејәҹәксән” (2 Самуел 9:6-10). Шүбһәсиз ки, Давудун ҝөстәрдији мәрһәмәт вә хејирхаһлыг Мефибошетә тәсәлли верир, онун физики чатышмазлығы уҹбатындан чәкдији изтирабы бир гәдәр јүнҝүлләшдирирди. Бизим үчүн неҹә дә ҝөзәл дәрсдир! Бәдәндәки нештәрдән изтираб чәкәнләрә биз дә мәрһәмәт ҝөстәрмәлијик.
Һикмәт хәзинәсиндән инҹиләр
it-1-E с. 266
Саггал
Гәдим Шәргдә бир чох халгларда, о ҹүмләдән исраиллиләрдә саггал кишилик рәмзи һесаб олунурду. Аллаһын исраиллиләрә вердији ганунда ҝиҹҝаһдакы, јәни ҝөзлә гулаг арасындакы түкләри вә саггалын гырагларыны гырхмаг гадаған олунурду (Лв 19:27; 21:5). Буна сәбәб о иди ки, бәзи бүтпәрәст халглар дини мәгсәдләрдән ирәли ҝәләрәк белә едирдиләр.
13—19 ИЈУН
АЛЛАҺЫН КӘЛАМЫНДАКЫ ХӘЗИНӘ | 2 ИШМУИЛ 11, 12
«Нәфсин гулу олмајын»
Шејтанын торларындан азад ола биләрсиниз!
10 Јеһова Давудун башындан бол-бол немәтләр төкмүшдү. Она вар-дөвләт, падшаһлыг нәсиб етмиш, мүһарибәләрдә гәләбә газандырмышды. Давуд бүтүн бунлара ҝөрә чох миннәтдар иди. О демишди ки, Јеһованын вердији немәтләри сајыб гуртара билмир (Зәб. 40:5). Амма сонрадан Давуд тамаһкарлыг етди вә Јеһованын она вердикләриндән даһа артығыны истәди. Бахмајараг ки, онун чохлу арвады вар иди, башгасынын арвадына тамаһ салды. Бу гадын Бадсәба иди. Онун јолдашы һет Урјај иди. Давуд худбин давраныб Бадсәба илә јахынлыг етди вә гадын һамилә галды. Һәлә бу азмыш кими, Урјајы да өлдүртдү (2 Ишм. 11:2—15). Ҝөрәсән, Давуд нә дүшүнүрдү? Фикирләширди ки, Јеһова ону ҝөрмүр? О, узун мүддәт Јеһоваја сәдагәтлә хидмәт етсә дә, тамаһкарлығын гурбаны олду вә бу она баһа баша ҝәлди. Јахшы ки, Давуд ҝүнаһыны етираф едиб төвбә етди. Ҝөрүн о, јенидән Јеһованын рәғбәтини газандығы үчүн неҹә миннәтдар иди! (2 Ишм. 12:7—13).
Јеһоваја көнүл хошлуғу илә итаәт един!
15 Јеһова Давуду тәкҹә аиләси үзәриндә јох, бүтүн Исраил халгы үзәриндә башчы гојмушду. Падшаһ кими Давуд бөјүк сәлаһијјәт саһиби иди. Һәрдән о, бу сәлаһијјәтиндән дүзҝүн истифадә етмир вә ҹидди ҝүнаһлара јол верирди (2 Ишм. 11:14, 15). Бунунла белә, Давуд тәрбијәни гәбул етмәклә Јеһоваја итаәтини ҝөстәрмишди. О, Јеһоваја дуада үрәјини бошалдырды. Вә вар ҝүҹү илә чалышырды ки, Јеһованын мәсләһәтинә әмәл етсин (Зәб. 51:1—4). Үстәлик, Давуд тәкҹә кишиләрин јох, һәтта гадынларын да мәсләһәтинә гулаг асаҹаг гәдәр тәвазөкар иди (1 Ишм. 19:11, 12; 25:32, 33). О, сәһвләриндән дәрс ҝөтүрмүш вә Јеһоваја хидмәти һәјатында биринҹи јерә гојмушду.
Гој илаһи ганун вә принсипләр виҹданымыза һаким олсун
7 Һәјатда нәјисә өјрәнмәк үчүн башымызын дашдан даша дәјмәсинә еһтијаҹ јохдур. Биз Мүгәддәс Китабда ады чәкилән шәхсләрин сәһвиндән өзүмүзә ибрәт ҝөтүрә биләрик. Мәсәлләр 1:5 ајәсиндә јазылыб: «Һикмәтли гулаг асар, елмини артырар». Биз ән үстүн елми Аллаһдан ала биләрик. Бунун үчүн Мүгәддәс Китабда јазылан реал һадисәләри охујуб дәринлијинә вармаг ҝәрәкдир. Мәсәлән, Давуд падшаһын Аллаһын ганунуну позуб Бадсәба илә зина едәндән сонра неҹә изтираб чәкдијини хатырлајаг (2 Ишм. 12:7—14). Мүгәддәс Китабдан бу һиссәни охујандан сонра өзүмүзә нөвбәти суаллары верә биләрик: «Давуд падшаһ бу изтираблара дүчар олмамаг үчүн нә едә биләрди? Мән буна бәнзәр сынагла үзләшсәм, неҹә давранарам? Давуд кими ҝүнаһа јол верәрәм, јохса Јусиф кими гачарам?» (Јар. 39:11—15). Ҝүнаһын һансы аҹы нәтиҹәләр ҝәтирдији үзәриндә дүшүнсәк, үрәјимиздә «пислијә нифрәт» һисси даһа ҝүҹлү олаҹаг.
Һикмәт хәзинәсиндән инҹиләр
‘Атаныз мәрһәмәтлидир’
11 Давуд вә Бат-Шеванын һадисәсиндә өлүм ҹәзасыны јүнҝүлләшдирмәздән өнҹә, онларын ҝүнаһларыны бағышламаг тәләб олунурду. Исраилин һакимләринә белә сәлаһијјәт һәвалә олунмамышды. Әҝәр Давудла Бат-Шеванын ишинә онлар бахмалы олсајдылар, өлүм һөкмү чыхармагдан башга бир шеј едә билмәздиләр. Ганун белә тәләб едирди. Јеһова Давудла әһд бағладығы үчүн, онун ҝүнаһыны бағышламаға әсас олуб-олмадығыны мүәјјән етмәк истәди (2 Шамуел 7:12-16). Беләликлә, ‘үрәји сынајан’ «бүтүн дүнјанын Һакими» Јеһова Аллаһ бу мәсәләјә Өзү бахмаг гәрарына ҝәлди (Јарадылыш 18:25; 1 Салнамәләр 29:17). Јеһова Давудун үрәјиндә олан һәр шеји ҝөрмәјә, төвбәсинин нә дәрәҹәдә сәмими олдуғуну мүәјјән етмәјә вә ону бағышламаға гадир иди.
w12 15/11 с. 22—23, абз. 9, 10
Јеһованын әфви сәнин үчүн һансы мәнаны кәсб едир?
9 Јеһова Давудун ҝүнаһынын аҹы нәтиҹәләрини арадан галдырмады. О, өмрүнүн сонуна кими етдији ҝүнаһлара ҝөрә әзијјәт чәкди. Лакин Давуд «сынан вә пешман олан үрәјә» саһиб олдуғу үчүн Јеһова ону бағышлады. (Мәзмур 32:5 ајәсини оху; Мәз. 51:17.) Күлли-Ихтијар Аллаһ инсанын әсил һиссләрини вә ону ҝүнаһа сүрүкләјән сәбәбләрин нә олдуғуну баша дүшүр. Јеһова јол вермәди ки, Давудла Бат-Шева, Мусанын ганунуна әсасән, һакимләр тәрәфиндән өлүмә мәһкум едилсин (Лев. 20:10). Аллаһ һәтта онларын оғлу Сүлејманы Исраилин нөвбәти падшаһы тәјин етди (1 Салн. 22:9, 10).
10 Еһтимал ки, Јеһованын Давуду бағышламасынын диҝәр сәбәби онун Шаула мәрһәмәт ҝөстәрмәси иди (1 Шам. 24:4—7). Исанын гејд етдији кими, биз башгалары илә неҹә рәфтар едириксә, Јеһова да бизимлә елә рәфтар едир. О демишди: «Бәсдирин инсанлары мүһакимә етдиниз, јохса өзүнүз дә мүһакимә олунаҹагсыныз. Чүнки һансы һөкмлә мүһакимә едирсинизсә, о һөкмлә дә мүһакимә олунаҹагсыныз. Һансы өлчү илә өлчүрсүнүзсә, һәмин өлчү илә дә сизә өлчәҹәкләр» (Мат. 7:1, 2). Јеһованын ән ҹидди ҝүнаһларымызы, һәтта зина вә гатиллији белә бағышладығыны билмәк неҹә дә тәсәлливериҹидир! О, јалныз башгаларыны бағышламаға һазыр олдуғумуз, ҝүнаһларымызы етираф етдијимиз вә пис әмәлләримизә гаршы дүшүнҹә тәрзимизи дәјишдијимиз тәгдирдә бизи бағышлајаҹаг. Биз ҝүнаһларымыздан сәмими гәлбдән төвбә едәндә Јеһовадан «тәравәт мөвсүмү» ҝәлир. (Һәвариләрин ишләри 3:19 ајәсини оху.)
20—26 ИЈУН
АЛЛАҺЫН КӘЛАМЫНДАКЫ ХӘЗИНӘ | 2 ИШМУИЛ 13, 14
«Әмнунун худбинлији фаҹиәјә сәбәб олду»
it-1-E с. 32
Абсалам
Әмнунун гәтли. Абсаламын баҹысы Тамарын ҝөзәллији өҝеј гардашы Әмнунун ағлыны башыны алмышды. Буна ҝөрә дә о өзүнү нахошлуға вурду, һијлә илә Тамары јанына ҝәтиздирди ки, она јемәк биширсин, сонра исә ону зорлады. Анҹаг Әмнунун еһтирасы нифрәтә чеврилди. О, Тамары евиндән говду. Тамар бакирә шаһ гызларынын ҝејиндији нахышлы хәләтини ҹырды, башына күл әләди. Онун гаршысына чыхан Абсалам дәрһал мәсәләни анлады вә Әмнундан олан шүбһәсини дилә ҝәтирди. Беләҹә мәлум олду ки, Абсаламын өҝеј гардашынын Тамара мүнасибәтиндән хәбәри вар иди. Анҹаг Абсалам баҹысына тапшырды ки, сәсини чыхармасын вә ону апарыб өз евиндә сахлады (2Иш 13:1—20).
Өзүмүзә һаким олаг
11 Мүгәддәс Китабда ҹинси әхлагсызлыг мәсәләсиндә өзүнә һаким олмајан инсанларын нүмунәләри вар. Нәфсләрини ҹиловламадыгларына ҝөрә онларын һансы фәсадларла үзләшдикләрини ајдын ҝөрмәк олар. Әҝәр сиз дә Кимберлинин үзләшдији вәзијјәтә охшар вәзијјәтлә гаршылашырсынызса, Мәсәлләр китабынын 7-ҹи фәслиндә јазылан нашы ҝәнҹин һадисәсини јадыныза салын. Һәмчинин Әмнунун һәрәкәтинин аҹы нәтиҹәләрини хатырлајын (2 Ишм. 13:1, 2, 10—15, 28—32). Валидејнләр аиләви ибадәт заманы Мүгәддәс Китабдакы бу һадисәләри ушаглары илә мүзакирә едәрәк онлара әкс ҹинслә мүнасибәтдә һикмәтли давранмағы вә өзләринә һаким олмағы өјрәдә биләрләр.
it-1-E с. 33, абз. 1
Абсалам
Ики ил кечди. Шәнлик мөвсүмү олан гојун гырхымы јетишди. Абсалам Јерусәлимдән 22 км шимал-шәргдә јерләшән Баал-Һәзурда зијафәт тәшкил етди вә шаһзадәләри, еләҹә дә Давуду зијафәтә дәвәт етди. Давуд ҝетмәк истәмәди, онда Абсалам атасыны дилә тутду ки, изин версин, һеч олмаса, илки Әмнун зијафәтә ҝәлсин (Мс 10:18). Әмнун шәрабдан мејхош оланда Абсалам нөкәрләринә әмр етди ки, ону өлдүрсүнләр. О бири шаһзадәләр Јерусәлимә гачдылар, Абсалам исә Арама, Ҹәлилә дәнизиндән шәргдә јерләшән Гәшур сәлтәнәтинә, бабасынын јанына гачды (2Иш 13:23—38). Беләҹә, Натан пејғәмбәрин дедији гылынҹ Давудун евинә дахил олду вә өмрүнүн сонуна кими орадан әскик олмады (2Иш 12:10).
Һикмәт хәзинәсиндән инҹиләр
Нәјә ҝөрә хариҹи ҝөркәмим мәни нараһат едир?
Әслиндә, инсаны ҝөзәлләшдирән онун дахили аләмидир. Буна әмин олмаг үчүн Давуд падшаһын оғлу Абсаламын нүмунәсинә баха биләрик. Мүгәддәс Китабда јазылыб:
«Абсаламын јарашығы дилләр әзбәри иди... Онда бирҹә дәнә дә ејиб јох иди» (2 Ишмуил 14:25).
Амма Абсалам һәддән артыг гүрурлу, шөһрәтпәрәст вә хәјанәткар инсан иди. Мүгәддәс Китабда о, јахшы инсан кими јох, хаин вә гәддар инсан кими тәсвир олунур.
Мүгәддәс Китабда ҝөзәл мәсләһәт вар:
«Јени шәхсијјәти ҝејинин» (Колослулара 3:10).
«Гој бәзәјиниз заһири шејләр... јох,.. дахили варлығыныз олсун» (1 Бутрус 3:3, 4).
Ҝөзәл ҝөрүнмәкдә пис бир шеј јохдур, анҹаг даһа ваҹиби сәнин дахилән неҹә инсан олмағындыр. Сәнинлә таныш оландан бир мүддәт сонра инсанлары сәнин ҝөзәл бәдән гурулушун јох, ҝөзәл хүсусијјәтләрин ҹәлб едәҹәк. Фәридә дејир: «Ола билсин, сәнин ҝөзәллијин инсанлары дәрһал ҹәлб етсин, анҹаг онларын јадында галан сәнин ҝөзәл хүсусијјәтләрин олаҹаг».
27 ИЈУН — 3 ИЈУЛ
АЛЛАҺЫН КӘЛАМЫНДАКЫ ХӘЗИНӘ | 2 ИШМУИЛ 15—17
«Абсалам гүрурланыб үсјан етди»
Јеһованын садиг хидмәтчиләриндән өрнәк алын
10 Давудун оғлу Абсалам тәвазөкар олмадығы үчүн Аллаһа да садиг дејилди. О, өзү үчүн ҹәнҝ арабасы вә атлар һазырламышды, һәмчинин габағында гачмаға әлли адам гојмушду (2 Ишм. 15:1). Үстәлик, о, халгын үрәјини овламышды. Абнур кими, Абсалам да билирди ки, Јеһова Давуду Исраилин падшаһы тәјин едиб, буна бахмајараг, ону өлдүрмәк истәјирди (2 Ишм. 15:13, 14; 17:1—4).
Азадлыг бәхш едән Аллаһа хидмәт ет
5 Мүгәддәс Китабда башгаларына пис тәсир ҝөстәрән бир чох инсанлардан бәһс олунур. Онлардан бири Давуд падшаһын оғлу Авшалом иди. Авшалом чох јарашыглы иди. Лакин бир мүддәтдән сонра о, Шејтан кими, шөһрәтпәрәстлијә гапылды вә ихтијары олмадығы бир шејә — атасынын тахт-таҹына ҝөз дикди. Һакимијјәти әлә кечирмәк мәгсәдилә о, һијләјә әл атды. Авшалом өзүнү елә ҝөстәрирди ки, ҝуја сојдашларына ҝөрә чох нараһатдыр вә падшаһын онларын вәзијјәти илә гәтијјән марагланмадығына мәһарәтлә ејһам вурурду. Еден бағындакы Иблис кими, Авшалом да өзүнү хејријјәчи кими ҝөстәрди вә ејни заманда атасына бөһтан атды (2 Шам. 15:1—5).
it-1-E с. 1083—1084
Һәбрун
Бир нечә ил сонра Давудун оғлу Абсалам Һәбруна гајытды вә орадан атасыны девириб тахта чыхмаға ҹәһд ҝөстәрди, амма ҹәһди баш тутмады (2Иш 15:7—10). Абсаламын бу мәгсәд үчүн Һәбруну сечмәсинин сәбәби еһтимал ки, бу шәһәрин бир вахтлар Јәһуданын пајтахты олмасы, тарихи әһәмијјәтә малик олмасы иди, һәмчинин онун өзүнүн дә бу шәһәрдән олмасы иди. Сонралар Давудун нәвәси Рәһабам падшаһ Һәбруну јенидән инша етди (2См 11:5—10). Бабиллиләрин дармадағын етдији Јәһудаја гајыдан јәһуди әсирләрин бәзиләри Һәбрунда (Кирјат-Арбада) мәскән салды (Нә 11:25).
Һикмәт хәзинәсиндән инҹиләр
Бүтүн фактлары билирсиниз?
11 Һәр биримиз һаггымызда ҝәзән натамам, јахуд јары ҝерчәк мәлуматларын уҹбатындан һагсызлыгла үзләшә биләрик. Давуд пејғәмбәрлә Мефибошет арасында баш вермиш бир әһвалата нәзәр салаг. Пејғәмбәр Мефибошетә бөјүк хејирхаһлыг вә сәхавәт ҝөстәрмиш, бабасы Талутун бүтүн торпагларыны она гајтармышды (2 Ишм. 9:6, 7). Бир мүддәтдән сонра она Мефибошет һаггында хошаҝәлмәз хәбәр чатдырылыр. Пејғәмбәр бу мәлуматы дәгигләшдирмәмиш онун әлиндән бүтүн мүлкүн алынмасы илә бағлы гәрар верир (2 Ишм. 16:1—4). Лакин Мефибошетлә данышанда сәһвә јол вердијини баша дүшүр вә мүлкүн јарысыны јенидән она гајтарыр (2 Ишм. 19:24—29). Тәбии ки, Давуд пејғәмбәр натамам мәлумат әсасында тез-тәләсик гәрар вермәздән өнҹә мәсәләни әтрафлы арашдырсајды, белә бир һагсызлыға јол вермәзди.
МӘСИҺИ ҺӘЈАТЫ
«Ҹәмијјәтдәки иғтишашлара һазырсыныз?»
jr-E с. 125—126, абз. 23, 24
Һәр ҝүн сорушурсунуз «Јеһова һаны?»
23 Јеһоваја сидги-үрәкдән дуа едиб, Ондан мәсләһәт истәмәк ваҹибдир. Анҹаг бунунла јанашы фәрди мүталиә илә мәшғул олмаг да мүтләгдир. Ахы Јеһованын ирадәсинин нә олдуғуну өјрәнмәк үчүн фәрди мүталиәни һеч нә әвәз едә билмәз. Бу саһәдә бизә даһа асандыр, нәинки Әрәмјаја. Бизим әлимиздә там Мүгәддәс Китаб вар. Әрәмја тарихи әһвалатлары јазмаг үчүн дәрин арашдырма апармышды. Сиз дә, онун кими, Аллаһын Кәламынын дәринлијинә варын, Аллаһдан мәсләһәт алын, сорушун: «Һаны Јеһова?» Инсан Јеһованын ирадәсини өјрәнмәјә чалышырса, демәли, Она етибар едир. Белә адам «сулар кәнарында әкилмиш ағаҹтәк олар, көкү ахар сулара чатар». (Әрәмја 17:5—8 ајәләрини охујун.)
24 Мүгәддәс Китабы охујанда, охудугларыныз барәдә дүшүнәндә чалышын анлајасыныз ки, мүхтәлиф вәзијјәтләрдә Јеһова сизин неҹә давранмағынызы истәјир. Принсипләри тапмаға чалышын, онлары јадынызда сахлајын вә һәјатынызда тәтбиг един. Мүгәддәс Јазылардан тарихи китаблары, ганунлары, принсипләри, һикмәтли кәламлары охујаркән дүшүнүн, ҝөрүн бу парчалар ҝүндәлик гәрарларыныза неҹә тәсир етмәлидир. Сизин «һаны Јеһова?» суалыныза ҹаваб олараг, ән чәтин вәзијјәтләрдә белә, Јеһова Кәламы васитәсилә сизә јол ҝөстәрә биләр. Сиз Мүгәддәс Китабда билмәдијиниз, јахуд баша дүшмәдијиниз дәркедилмәз шејләри ҝөрә биләрсиниз (Әрм. 33:3).