«Мәсиһи һәјаты вә ибадәти. Иш дәфтәри» үчүн мәнбәләр
7—13 НОЈАБР
АЛЛАҺЫН КӘЛАМЫНДАКЫ ХӘЗИНӘ | 2 ПАДШАҺЛАР 5, 6
«Бизимлә оланлар онларла оланлардан чохдур»
Јеһованын аловдан олан ордусу
Арамиләр Дуфана ахшам чатырлар. Әлјәсәнин нөкәри сәһәр тездән галхыб чөлә чыхыр вә бөјүк бир гошунун шәһәри мүһасирәјә алдығыны ҝөрүр. О, тәшвишә дүшүб гышгырыр: «Әлјәсә, биз нә едәҹәјик?» Әлјәсә она дејир: «Бизимлә оланлар онларла оланлардан чохдур». Һәмин ан Јеһова елә едир ки, Әлјәсәнин нөкәри шәһәрин әтрафындакы дағларын атларла вә аловдан олан дөјүш арабалары илә долу олдуғуну ҝөрсүн.
Елиша одлу арабалары ҝөрдү. Бәс сән?
Дотан шәһәринин дүшмәнләрлә әһатә олунмасына бахмајараг, Елиша тәшвишә дүшмәмишди. Чүнки онун Јеһоваја иманы мөһкәм иди. Бизә дә бу ҹүр иман лазымдыр. Буна ҝөрә дә, ҝәлин дуада Аллаһдан мүгәддәс руһ диләјәк ки, иманы вә руһун бәһрәсинин диҝәр јөнләрини тәзаһүр етдирмәјә көмәк етсин (Лука 11:13; Галат. 5:22, 23).
Јеһованын аловдан олан ордусу
Арами дөјүшчүләр Әлјәсәни тутмаг истәјәндә о дуа едиб дејир: «Јеһова, нә олар, онларын ҝөзләрини кор ет». Јеһова дәрһал онлары кор едир. Онларын ҝөзләри ҝөрсә дә, һарада олдугларыны билмирләр. Әлјәсә дөјүшчүләрә дејир: «Башга шәһәрә ҝәлмисиниз. Ардымҹа ҝәлин, сизи ахтардығыныз адамын јанына апараҹағам». Әлјәсә онлары Сәмәријјәјә, Исраил падшаһынын јанына апарыр.
Арамиләр һарада олдугларыны биләндә артыг иш-ишдән кечмишди. Исраил падшаһы Әлјәсәдән сорушур: «Онлары өлдүрүм?» Бәс Әлјәсә буну фүрсәт билиб пислијә писликлә ҹаваб верир? Хејр. О дејир: «Онлары өлдүрмә, онлара јемәк вер. Сонра да јола сал ҝетсинләр». Падшаһ да онлар үчүн зијафәт гурур. Сонра исә онлары өз өлкәләринә јола салыр.
Һикмәт хәзинәсиндән инҹиләр
«Икинҹи Падшаһлар» китабындан диггәтәлајиг фикирләр
5:15, 16 — Нәјә ҝөрә Елиша Нааманын һәдијјәсини гәбул етмәди? Елиша Нааманын мөҹүзә илә сағалмасынын өзүнүн дејил, Јеһованын гүввәси сајәсиндә олдуғуну анладығы үчүн һәдијјәни гәбул етмәди. Аллаһа хидмәтиндән ҝәлир әлдә етмәк онун һеч ағлына белә ҝәлмирди. Јеһованын хидмәтчиләри Она хидмәт етмәкдән мадди ҝәлир ҝүдмүрләр. Онлар Исанын «мүфтә алдыныз, мүфтә верин» нәсиһәтинә үрәкдән риајәт едирләр (Матта 10:8).
14—20 НОЈАБР
АЛЛАҺЫН КӘЛАМЫНДАКЫ ХӘЗИНӘ | 2 ПАДШАҺЛАР 7, 8
«Јеһова һеч кимин ҝөзләмәдији бир шеји етди»
it-1-E с. 716—717
Әлјәсә
Бундан сонра II Бәнһәдад басгынчы дәстәләри илә јох, бөјүк орду илә јүрүш едиб, Сәмәријјәни мүһасирәјә алды. Мүһасирә чох узун чәкди. Бир гадын падшаһа оғлуну једијини деди. «Гатил оғлу», јәни Әһәбин оғлу олан Јәһурам анд ичди ки, Әлјәсәни өлдүрәҹәк. Тәләсик верилән бу анд јеринә јетирилмәди. Јавәри илә пејғәмбәрин евинә ҝәлән падшаһ билдирди ки, Јеһовадан үмиди үзүлүб. Әлјәсә падшаһы архајын етди ки, сәһәри ҝүн шәһәрдә боллуг олаҹаг. Падшаһын јавәри бу сөзләрә ришхәнд етди. Онда Әлјәсә она деди: «Буну ҝөзләринлә ҝөрәҹәксән, амма јемәјәҹәксән». Јеһова елә етди ки, арамиләрин гулағына ҝурулту сәси ҝәлди. Онлар фикирләшдиләр ки, бир нечә халг бирләшиб онларын үстүнә гошун чәкиб. Буна ҝөрә дә бүтүн азугәләрини дүшәрҝәдә гојуб гачдылар. Падшаһ арамиләрин гачдығыны ешидәндә јавәрини Сәмәријјәнин дарвазасынын ағзында гојмушду. Аҹлыг чәкән исраиллиләр дүшәрҝәни гарәт етмәјә ҝедәндә јавәр ҹамаатын тапдағы алтында галыб өлдү. Беләликлә, әрзағы ҝөзләри илә ҝөрсә дә, јемәди (2Пд 6:24—7:20).
Һикмәт хәзинәсиндән инҹиләр
it-2-E с. 195, абз. 7, 8
Чыраг
Давудун сүлаләсиндән олан падшаһлар. Јеһова Аллаһ Давуду Исраилин падшаһы етмишди. Давуд Аллаһын рәһбәрлији алтында халга һикмәтлә башчылыг едирди. Буна ҝөрә дә «Исраилин чырағы» адланырды. Јеһова Давудла падшаһлыг барәдә әһд бағлајаркән она вәд етмишди: «Тахтын әбәди дураҹаг» (2Иш 7:11—16). Буна ујғун олараг, Давудун Сүлејман васитәсилә давам едән сүлаләсиндәки падшаһлар да Исраилин чырағы иди (1Пд 11:36; 15:4; 2Пд 8:19; 2См 21:7).
Сидгијјә падшаһ тахтдан салыныб Бабилә әсир апарыланда вә орада өләндә елә ҝөрүнүрдү ки, санки бу чыраг сөндү. Амма Јеһова әһдиндән дөнмәмишди. О, садәҹә олараг, «гануни саһиби ҝәләнәдәк» бу сүлаләнин һакимијјәтинә ара верди (Һз 21:27). «Давуд оғлу» олан Иса Мәсиһ о тахтын әбәдилик варисидир. Буна ҝөрә дә Давудун чырағы һеч вахт сөнмәјәҹәк. Иса әбәди Падшаһ олдуғу үчүн, демәли, әбәди чырагдыр (Мт 1:1; Лк 1:32).
21—27 НОЈАБР
АЛЛАҺЫН КӘЛАМЫНДАКЫ ХӘЗИНӘ | 2 ПАДШАҺЛАР 9, 10
«О, ҹәсарәтлә вә гәтијјәтлә давранды»
Јеһу һәгиги ибадәтин мүдафиәчиси
Јеһу Аллаһдан тапшырыг аланда Исраил халгы чох аҹынаҹаглы вәзијјәтдә иди. Өлкә вәфат етмиш Ахавын арвады вә һәмин дөврдә падшаһлыг едән Јеһорамын анасы Изебелин әлиндә иди. Бу залым гадын инсанлары Јеһова Аллаһа јох, Баал бүтләринә ибадәт етмәјә сөвг едирди. О, Аллаһын пејғәмбәрләрини өлдүрүрдү, «хаинликләри вә ҹадуҝәрликләри» илә халгы позурду (2 Пад. 9:22; 1 Пад. 18:4, 13). Јеһорам вә Изебел дә дахил олмагла, Јеһова Ахавын бүтүн нәслинин мәһв едилмәсинә гәрар верди. Бу иши Јеһу иҹра едәҹәкди.
Јеһу һәгиги ибадәтин мүдафиәчиси
Јеһу јанына ҝөндәрилән ики гасидә һеч бир сөз демәди. Сонра онун гаршысына Јеһорам падшаһ вә онун мүттәфиги олан Јәһуда падшаһы Ахазја чыхды. Јеһорамын: «Хејир ола, Јеһу?» — суалына о, белә ҹаваб верди: «Анан Изевелин [Изебелин] хаинликләри вә ҹадуҝәрликләри бу гәдәр чох олдуғу һалда неҹә хејир ола биләр?» Бу ҹавабдан тәшвишә дүшән Јеһорам гачмаға ҹәһд ҝөстәрди, лакин ҹаныны онун әлиндән гуртара билмәди. Јеһу ох-каманыны чәкди вә Јеһорамы үрәјиндән вурду. Падшаһ арабасына јыхылыб өлдү. Ахазја гачмаға мүвәффәг олса да, Јеһу она чатыб ону да өлдүрдү (2 Пад. 9:22—24, 27).
Ахавын аиләсиндән олан нөвбәти гурбан исә пис мәләкә Изебел иди. Јеһу һаглы олараг ону «ләнәтә ҝәлмиш» гадын адландырды. Јеһу Изреел шәһәринә дахил оланда Изебели сарајын пәнҹәрәсиндән бојланыб бахан ҝөрдү. Јеһу сарај хидмәтчиләринә дәрһал әмр етди ки, ону пәнҹәрәдән ашағы атсынлар. Сонра Јеһу атлары илә бүтүн Исраил халгыны позғунлуг ҝирдабына гәрг едән бу гадынын үстүндән кечәрәк ҹәсәдини тапдалады. Бундан сонра Јеһу залым Ахавын нәслиндән хејли адам гырды (2 Пад. 9:30—34; 10:1—14).
Јеһу һәгиги ибадәтин мүдафиәчиси
Дүздүр, Јеһу чохлу ган төкмүшдү. Лакин Мүгәддәс Јазыларда о, Исраил халгыны залым Изебел вә онун аиләсинин һөкмранлығындан азад едән бир инсан кими тәсвир олунур. Исраилин башчыларындан ким исә бу иши иҹра едәҹәкдисә, уғур газанмаг үчүн о, ҹәсарәтли, гәтијјәтли вә гејрәтли адам олмалы иди. Бир Мүгәддәс Китаб лүғәтиндә дејилир: «Бу чәтин иш иди вә о, там дәгиглији илә јеринә јетирилмишди. Бундан јумшаг тәдбир ҝөрүлсәјди, чәтин ки, Исраилдә Баала ибадәтин көкү кәсиләрди».
Шүбһәсиз, сән өзүн дә баша дүшүрсән ки, мәсиһчиләрин бу ҝүн үзләшдији вәзијјәтләр онлардан Јеһунун малик олдуғу бәзи хүсусијјәтләри тәзаһүр етдирмәји тәләб едир. Мәсәлән, үрәјимиз бизи Јеһованын мүһакимә етдији ишлә мәшғул олмаға тәһрик едәрсә, биз нә едәҹәјик? Биз бу арзуну дәрһал, ҹәсарәтлә вә гәтијјәтлә үрәјимиздән силиб атаҹағыг. Јеһоваја ибадәт мәсәләсиндә биз һәмишә гејрәт ҝөстәрмәлијик, јәни һеч вахт ҝүзәштә ҝетмәмәлијик.
Һикмәт хәзинәсиндән инҹиләр
Јеһу һәгиги ибадәтин мүдафиәчиси
Ҝөрүнүр, Јеһу дүшүнүрдү ки, Исраил падшаһлығынын Јәһудадан мүстәгил олараг галмасы үчүн ҝәрәк онун дини дә фәргли олсун. Буна ҝөрә дә Исраилин сабиг падшаһлары кими, данаја ибадәти әбәдиләшдирмәк ҹәһди ҝөстәрди. Бунунла о, ону падшаһ тәјин едән Јеһоваја иманынын олмадығыны ҝөстәрди.
Јеһу Јеһованын ҝөзүндә доғру олан иши ҝөрдүјү үчүн Јеһова ону тәрифләди. «Анҹаг Јеһу бүтүн гәлби илә Исраилин Аллаһы Рәббин гануну илә ҝетмәк истәмәди» (2 Пад. 10:30, 31). Онун бундан габаг етдикләрини ҝөзүнүн өнүнә ҝәтирәндә, јәгин, сәндә тәәҹҹүб вә тәәссүф һисси јараныр. Биз онун нүмунәсиндән ибрәт дәрси ҝөтүрмәлијик вә һеч вахт Јеһова илә мүнасибәтимизә бармагарасы бахмамалыјыг. Һәр ҝүн Онун Кәламыны арашдырыб үзәриндә дүшүнмәклә вә сәмими-гәлбдән сәмави Атамыза дуа етмәклә садиглијимизи горумалыјыг. Ҝәлин бундан сонра да сон дәрәҹәдә еһтијатлы олараг Аллаһын ганунларына үрәкдән риајәт едәк (1 Кор. 10:12).
28 НОЈАБР — 4 ДЕКАБР
АЛЛАҺЫН КӘЛАМЫНДАКЫ ХӘЗИНӘ | 2 ПАДШАҺЛАР 11, 12
«Һагг-әдаләт өз јерини тутду»
Јәһјадајын ҹәсарәти
Изәбилин гызы Әтәлја анасы кими залымдыр. Әтәлја Јәһуда падшаһы илә евләнир. Әринин өлүмүндән сонра тахта оғлу чыхыр. Анҹаг бир мүддәт сонра оғлу да өлүр. Бундан сонра Әтәлја өзү Јәһуданы идарә етмәјә башлајыр вә падшаһ нәслиндән онун јеринә тахта чыха биләҹәк һәр кәси, һәтта өз нәвәләрини дә өлдүртдүрүр. Һамы ондан горхур.
Баш каһин Јәһјадај вә арвады Јәһусәба Әтәлјанын нә әмәлләр төрәдәҹәјини билир. Буна ҝөрә дә онлар һәјатларыны тәһлүкәјә атыб Әтәлјанын нәвәләриндән бирини, Јуәси ҝизләдирләр. Онлар Јуәси мәбәддә бөјүдүрләр.
Јәһјадајын ҹәсарәти
Јуәс једди јашына чатанда Јәһјадај әјанлары вә лавилиләри бир јерә јығыб дејир: «Мәбәдин гапыларыны мүһафизә един, һеч кими ичәри бурахмајын». Сонра Јәһјадај Јуәси Јәһуданын падшаһы елан едиб таҹы онун башына гојур. Јәһуда халгы: «Јашасын падшаһ!» — дејә гышгырыр.
Мәликә Әтәлја халгын сәсини ешидиб мәбәдә тәрәф гачыр. О, јени падшаһы ҝөрәндә гышгырыр: «Хәјанәт! Хәјанәт!» Әјанлар залым мәликәни орадан узаглашдырырлар. Сонра исә ону өлдүрүрләр. Бәс Әтәлјанын халга ашыладығы мәнфи тәсир һагда нә демәк олар?
Һикмәт хәзинәсиндән инҹиләр
it-1-E с. 1265—1266
Јуәс
Бундан сонра нә гәдәр ки баш каһин Јәһјадај сағ иди, Јуәсә аталыг едирди, өјүд-нәсиһәт верирди, ҝәнҹ һөкмдар уғур газанырды. 21 јашы оланда онун артыг ики арвады вар иди. Арвадларындан биринин ады Јәһуәддән иди. Јуәсин бу гадынлардан оғуллары вә гызлары олду. Беләликлә, Давудун Мәсиһә апаран вә јох олмаг үзрә олан сүлаләси јенидән мөһкәмләнди (2Пд 12:1—3; 2См 24:1—3; 25:1).
5—11 ДЕКАБР
АЛЛАҺЫН КӘЛАМЫНДАКЫ ХӘЗИНӘ | 2 ПАДШАҺЛАР 13—15
«Ишә ҹан јандыранын бәрәкәти бол олур»
Сән аддымбааддым Мәсиһин изләри илә ҝедирсәнми?
11 Аллаһа хидмәтдә сәјли олмағын ваҹиблијини ҝөрмәк үчүн ҝәлин Исраил падшаһы Јоашын һәјатында баш верән бир һадисәјә нәзәр салаг. Исраилин суријалылар тәрәфиндән зәбт едиләҹәјиндән нараһат олан Јоаш ағлаја-ағлаја Елишанын јанына ҝәлди. Пејғәмбәр она пәнҹәрәдән Суријаја тәрәф ох атмасыны деди; бу, Јеһованын һәмин халг үзәриндә исраиллиләрә гәләбә газандыраҹағынын рәмзи иди. Бу, падшаһы мүтләг үрәкләндирмәли иди. Сонра Елиша Јоаша әлиндәки охлары јерә вурмағы тапшырды. Јоаш буну ҹәми үч дәфә етди. Бу, Елишанын гәзәбинә сәбәб олду, чүнки охлары беш-алты дәфә јерә вурсајды, ‘Арамлылары [суријалылары] ахыра гәдәр гыраҹагды’. Амма инди Јоаш ҹәми үч дәфә, гисмән гәләбә чалаҹагды. О, сәј ҝөстәрмәдији үчүн там мүвәффәгијјәт газанмајаҹагды (2 Пад. 13:14—19). Биз бу һадисәдән нә өјрәнирик? Јеһова јалныз Она үрәкдән вә сәјлә хидмәт етдијимиз тәгдирдә бизә бол хејир-дуа верир.
w13-E 1/11 с. 11, абз. 5, 6
Бәндәләринә мүкафат верән Аллаһ
Јеһова кимләрә мүкафат верир? «Ону ҹидд-ҹәһдлә ахтаранлара». Мүгәддәс Китаб тәрҹүмәчиләри үчүн олан бир елми әсәрдә дејилир ки, «ҹидд-ҹәһдлә ахтармаг» кими тәрҹүмә олунан јунан сөзү ахтарыша чыхмаг јох, ибадәт едәрәк Аллаһа јахынлашмаг мәнасыны верир. Диҝәр әсәрдә изаһ олунур ки, јунан дилиндә бу феилин ишләндији форма ҝәрҝин вә мәгсәдјөнлү фәалијјәти билдирир. Бәли, бүтүн гәлби илә Јеһованы севән вә Она ҹан-дилдән ибадәт едән инсанлар мүкафатсыз галмыр. Јеһова иманыны бу ҹүр ҝөстәрән инсанлара мүкафат верир (Мәтта 22:37).
Бәс Јеһова садиг хидмәтчиләрини неҹә мүкафатландырыр? Мүгәддәс руһун вә Мүгәддәс Китабдакы һикмәтин сајәсиндә онлар елә индинин өзүндә мәналы, ҝөзәл һәјат сүрүрләр (Зәбур 144:15; Мәтта 5:3). Ҝәләҹәкдә исә Јеһова Ону ҹидд-ҹәһдлә ахтаран инсанлара Ҹәннәтә чеврилмиш Јер күрәсиндә әбәди һәјат вәд едир. Бу мүкафат Онун мәһәббәтинин вә сәхавәтинин сонсуз олдуғуну ҝөстәрир (Вәһј 21:3, 4).
Һикмәт хәзинәсиндән инҹиләр
w05 1/8 с 31, абз. 3
«Икинҹи Падшаһлар» китабындан диггәтәлајиг фикирләр
13:20, 21 — Бу мөҹүзә мүгәддәсләрин гуру ҹәсәдинә ситајиши дәстәкләјирми? Хејр, дәстәкләмир. Мүгәддәс Китабда Елишанын сүмүкләринин нә заманса мүгәддәс сајылдығы дејилмир. Елиша сағ икән етдији мөҹүзәләр Јеһованын гүввәси сајәсиндә олдуғу кими, бу мөҹүзә дә Онун гүввәси сајәсиндә баш верди.
12—18 ДЕКАБР
АЛЛАҺЫН КӘЛАМЫНДАКЫ ХӘЗИНӘ | 2 ПАДШАҺЛАР 16, 17
«Јеһованын сәбринин бир һәдди вар»
бр2 с. 18, абз. 16
16 Самарија Исраилин онгәбиләли падшаһлығынын пајтахты иди. Лакин бурада Самарија ады илә, еһтимал ки, бу падшаһлығын бүтүн әразиси нәзәрдә тутулурду (1 Падшаһлар 21:1). Ашшур падшаһы V Шалманесер ерамыздан әввәл 742-ҹи илдә Самарија шәһәрини мүһасирәјә алды. Б. е. ә. 740-ҹы илдә шәһәр әлә кечириләндә онун нүфузлу нүмајәндәләриндән бир чоху Месопотамија вә Мидијаја апарылды. Самаријаны V Шалманесерин, јахудонун сәләфи II Саргонун зәбт етдији мә’лум дејил (2 Падшаһлар 17:1-6, 22, 23; 18:9-12). Бунунла белә, Саргонун салнамәсиндә дејилир ки, Фәрат чајынын јухары ахарына вә Мидијаја 27 290 исраилли сүрҝүн едилмишдир.
«Изин вер евә гајыдаг»
Пејғәмбәр бу сөзләри јазанда онгәбиләли Исраил падшаһлығынын әһалиси сүрҝүндә иди. Ерамыздан әввәл 740-ҹы илдә, Јеремјанын јашадығы дөврдән нечә-нечә онилликләр габаг, Јеһова Аллаһ бу өлкәни Ашшур падшаһлығына тәслим етди. Бу, Аллаһын ҹәзасы иди, чүнки Исраил халгы пејғәмбәрләрин чохсајлы хәбәрдарлыгларына мәһәл гојмајыб ҝүнаһ јолу илә ҝедирди (2 Падшаһлар 17:5—18). Аллаһын рәғбәтини итирмиш, јурд-јувасындан дидәрҝин дүшмүш халг инадындан дөнәҹәкдими? Јеһова онлары унутмамышды ки? Ҝери гајытмаларына изин верәҹәкдими?
Јеһова сәбирли Аллаһдыр
Лакин тарих ҝөстәрир ки, Јеһованын сәбринин һәдди вар. Ерамыздан әввәл 740-ҹы илдә, О јол верди ки, ашшурлулар Исраилин он нәсилдән ибарәт олан падшаһлығына галиб ҝәлсинләр вә онун әһалисини әсир апарсынлар (2 Краллар 17:5, 6). Нөвбәти әсрин сонунда исә јол верди ки, бабиллиләр Јәһуданын ики нәсилдән ибарәт падшаһлығына сохулуб, Јерусәлими мәбәдлә бирҝә дағытсынлар (2 Тарихләр 36:16-19).
Һикмәт хәзинәсиндән инҹиләр
jy с. 50, чәр.
СӘМӘРИЈЈӘЛИЛӘР КИМЛӘР ИДИ?
Сәмәријјә әразиси ҹәнубда јерләшән Јәһудијјәнин вә шималда јерләшән Ҹәлиләнин арасында јерләшир. Падшаһ Сүлејманын өлүмүндән сонра Исраилин он шимал гәбиләси Јәһуда вә Бинјамин гәбиләсиндән ајрылмышды.
Бу он гәбилә данаја ибадәт етмәјә башламышды. Беләҹә, ерамыздан әввәл 740-ҹы илдә Јеһова јол верди ки, ашшурлулар Сәмәријјәни әлә кечирсинләр. Онлар шәһәр сакинләринин чохуну әсир апардылар, онларын јеринә исә Ашшур империјасынын шәһәрләринин ҹамаатыны јерләшдирдиләр. Јад аллаһлара ибадәт едән бу инсанлар өлкәдә галан исраиллиләрлә аилә гурдулар. Заман кечдикҹә бу әразинин сакинләри Төвратда олан сүннәт кими бәзи ҝөстәриш вә әмрләри мәнимсәјиб ибадәт формасы гурдулар. Бунунла белә, бу дини ајинләри һәгиги ибадәт адландырмаг олмазды (2 Падшаһлар 17:9—33; Әшија 9:9).
Иса пејғәмбәрин ҝүнләриндә јашајан сәмәријјәлиләр Муса пејғәмбәрин јаздығы китаблары гәбул едирдиләр, амма ибадәтә Јерусәлимдәки мәбәдә ҝетмирдиләр. Онлар илләр боју Сихарын јахынлығында, Гәризим дағындакы мәбәддә ибадәт едирдиләр. Һәтта мәбәд дағыландан сонра да ибадәтә ора ҝедирдиләр. Исанын хидмәт етдији илләрдә сәмәријјәлиләрлә јәһудиләр арасында дүшмәнчилик вар иди (Јәһја 8:48).
19—25 ДЕКАБР
АЛЛАҺЫН КӘЛАМЫНДАКЫ ХӘЗИНӘ | 2 ПАДШАҺЛАР 18, 19
«Әлејһдарлар бизи зәифләтмәк истәјир»
«Икинҹи Падшаһлар» китабындан диггәтәлајиг фикирләр
18:19-21, 25 — Хизгија Мисир илә мүгавилә бағламышдымы? Јох. Баш вәзир Јеһованын ирадәсини јеринә јетирдијини јаландан сөјләдији кими, онун бу иттиһамы да јалан иди. Садиг падшаһ Хизгија јалныз вә јалныз Јеһоваја ҝүвәнирди.
«Горхма, сәнә көмәк едәҹәјәм»
Падшаһын елчиси јалан иддиалар ирәли сүрәрәк халгын үрәјиндә шүбһә тохумлары әкмәјә чалышырды. О деди: «Мәҝәр бу һәмин Аллаһ [Јеһова] дејилди ки, Хизгија Онун сәҹдәҝаһларыны вә гурбанҝаһларыны арадан галдырды?.. Рәбб мәнә “бу өлкәјә һүҹум едиб ону виран ет” деди» (2 Пад. 18:22, 25). Бунунла о сүбут етмәк истәјирди ки, Јеһова халгындан наразыдыр вә онларын уғрунда мүһарибә етмәјәҹәк. Анҹаг бу, ағ јалан иди. Әксинә, Јеһова Хизгијадан вә һәгиги ибадәтә гајыдан јәһудиләрдән разы иди (2 Пад. 18:3—7).
Башчылар бизим үчүн һансы әһәмијјәти дашыјыр?
14 Ашшур падшаһы Јерусәлимин ҹәнуб-гәрбиндә, Лакишдә дүшәрҝә салды. Орадан үч елчисини Јерусәлимә ҝөндәрди ки, халгдан тәслим олмағы тәләб етсин. Онун баш елчиси мүхтәлиф фәндләрә әл атды. Ибрани дилиндә данышараг о, халгы падшаһа хәјанәт едиб ашшурлулара табе олмаға сәсләди вә онлары раһат һәјат сүрәҹәкләри бир дијара апараҹагларына даир јаланчы вәдләр верди. (2 Падшаһлар 18:31, 32 ајәләрини оху.) Сонра баш елчи иддиа етди ки, диҝәр халгларын аллаһлары онлара ибадәт едәнләри горуја билмәдији кими, Јеһова да јәһудиләри ашшурлуларын әлиндән гуртара билмәјәҹәк. Халгын бу бөһтанчыларын јаланларына ујмамасы тәрифәлајигдир. Бу ҝүн дә Јеһованын хидмәтчиләри онларын нүмунәсини тәглид едир. (2 Падшаһлар 18:35, 36 ајәләрини оху.)
yb74-E с. 177, абз. 1
ЫЫ Һиссә. Алманија
«СС» мәмурлары диндашларымызы бәјаннамәјә гол чәкдирмәк үчүн ән чиркин үсуллара әл атырдылар. Анҹаг кимсә гол чәкәндән сонра чох вахт онлара гаршы даһа да амансыз олур, онлары әввәлкиндән дә чох сыхышдырырдылар. Карл Киршт бу барәдә дејир: «Һәбс дүшәрҝәләриндә һамыдан чох Јеһованын Шаһидләринә фырылдаг ҝәлирдиләр. Фикирләширдиләр ки, бу үсулла онлара бәјаннамәни имзалатдыра биләрләр. Бизә буну дөнә-дөнә тәклиф едирдиләр. Имзалајан олурду. Амма әксәр һалларда онларын азадлыға бурахылмасы бир илдән чох чәкирди. Азад олана гәдәр исә “СС” мәмурлары тез-тез онлары һамынын ҝөзү гаршысында тәһгир едир, ријакар, горхаг адландырырдылар, дүшәрҝәдән ҝетмәздән әввәл гардашларын әтрафында дырнагарасы “шәрәф јүрүшү” јеримәјә мәҹбур едирдиләр».
Һикмәт хәзинәсиндән инҹиләр
it-1-E с. 155, абз. 4
Археолоҝија
Мәсәлән, Мүгәддәс Китабда јазылыб ки, Ашшур падшаһы Синахериби ики оғлу, Әдрамәлик вә Шарасар өлдүрдү. Тахта исә онун јеринә диҝәр оғлу, Асархаддон чыхды (2Пд 19:36, 37). Анҹаг Бабил салнамәсиндә дејилир ки, тевет ајынын 20-дә бир оғлу үсјан едиб Синахериби өлдүрдү. Ерамыздан әввәл III әсрдә јашајан Бабил каһини Берос вә ерамыздан әввәл VI әсрдә јашајан Бабил падшаһы Набонид дә ејни шеји, Синахериби бир оғлунун гәтлә јетирдијини дејиб. Анҹаг бу јахынларда Асархаддон призмасынын бир парчасы тапылыб. Синахерибин јеринә тахта чыхан Асархаддон орада ајдын шәкилдә дејир ки, гардашлары (ҹәмдә) гијам едиб, атасыны өлдүрдүләр, сонра исә гачыб ҝетдиләр. Филип Биберфелд бир китабда бу барәдә белә сөзләр јазмышды: «Бабил салнамәси, Набонид вә Берос сәһвдир. Јалныз Мүгәддәс Китабда јазылан дүз чыхды. Асархаддонун јаздыглары орада јазылан бүтүн хырдалыглары тәсдиг етди. Бабил-Ашшур тарихиндә баш верән бу һадисә Бабил мәнбәләриндә јох, Мүгәддәс Китабда дүзҝүн тәсвир олунуб. Бу, Мүгәддәс Китаба һәмаһәнҝ олмајан мүасир мәнбәләрин белә дәјәрләндирилмәси үчүн мүһүм әһәмијјәт кәсб едир».
26 ДЕКАБР — 1 ЈАНВАР
АЛЛАҺЫН КӘЛАМЫНДАКЫ ХӘЗИНӘ | 2 ПАДШАҺЛАР 20, 21
«Дуанын ҝүҹү»
ip-1-E с. 394, абз. 23
Падшаһын иманы мүкафатланыр
23 Синахерибин илк дәфә Јәһудаја һүҹум етдији вахтларда Һизгијјә бәрк хәстәләнир. Әшија она дејир ки, о өләҹәк (Әшија 38:1). 39 јашлы падшаһ мәјус олур. Ону тәкҹә өзүнүн јох, һәм дә халгынын агибәти нараһат едир. Дүшмән ашшурлулар Јерусәлими вә Јәһуданы зәбт етмәк истәјир. Бәс Һизгијјә өлсә, дөјүшә ким башчылыг едәҹәк? Һәмин вахт һәлә Һизгијјәнин тахта чыхаҹаг оғлу јох иди. Һизгијјә дуа едиб Јеһоваја јалварды ки, она рәһм етсин (Әшија 38:2, 3).
Јеһоваја сидги-үрәкдән ибадәт един!
16 Сонралар Һизгијјә өлүмҹүл хәстәлијә тутулур. О, Јеһоваја јалварыр ки, онун сәдагәтини јадына салсын. (2 Падшаһлар 20:1—3 ајәләрини охујун.) Мүгәддәс Китабда јазыланлардан билирик ки, бизим дөврдә Јеһова нә мөҹүзә илә шәфа вермир, нә дә өмрү узатмыр, буна ҝөрә дә буну Јеһовадан ҝөзләмирик. Амма һәр биримиз Һизгијјә кими дуада Аллаһа дејә биләрик: «Өнүндә сидги-үрәклә, сәдагәтлә јеримишәм». Бәс сиз инанырсыныз ки, јатаға дүшәндә белә, Јеһова сизә дајаг олаҹаг? (Зәб. 41:3).
g01-E 22/7 с. 13, абз. 4
Дуанын көмәји
Гәдимдә Јеһова бәзән мөмин инсанларын дуасына бирбаша, һәтта мөҹүзәви шәкилдә ҹаваб верирди. Мәсәлән, Һизгијјә падшаһ өлүмҹүл хәстәлијә тутулдуғуну биләндә дуа едиб Аллаһдан көмәк истәди. Аллаһ она деди: «Дуаны ешитдим. Ҝөз јашларыны ҝөрдүм. Сәнә шәфа верәҹәјәм» (2 Падшаһлар 20:1—6). Аллаһдан горхан диҝәр киши вә гадынлар да дуаларына Аллаһдан бирбаша ҹаваб алмышдылар (1 Ишмуил 1:1—20; Дәнјал 10:2—12; Һәвариләрин ишләри 4:24—31; 10:1—7).
Һикмәт хәзинәсиндән инҹиләр
it-2-E с. 240, абз. 1
Тараз
Тараздан бинаны дүзҝүн тикмәк үчүн истифадә олунурду, јахуд да бу аләт васитәсилә јохлајырдылар ки, бинаны сахламаға дәјәр, ја јох. Јеһова демишди ки, Сәмәријјәни өлчдүјү өлчү ипи илә өзбашына Јерусәлими дә өлчәҹәк, Әһәб еви үчүн ишләтдији таразы онун үчүн дә ишләдәҹәк. Аллаһ Сәмәријјәни вә Әһәб падшаһын евини өлчәндә онларын әхлаги ҹәһәтдән әјри олдуғуну ҝөрмүшдү, буна ҝөрә дә онлары мәһв етмишди. Бунун кими, Јерусәлими вә онун рәһбәрләрини дә мүһакимә едәҹәкди, онларын шәр әмәлләрини ифша едиб, шәһәри мәһв едәҹәкди. Бу, ерамыздан әввәл 607-ҹи илдә баш верди (2Пд 21:10—13; 10:11). Јеһова ловға инсанлар, Јерусәлимдәки рәһбәрләр һагда демишди: «Мән әдаләти өлчү ипи, салеһлији тараз едәҹәјәм». Әшија пејғәмбәр онлара Јеһованын бу сөзләрини чатдырмыш, онлара хәбәрдарлыг етмишди ки, башларынын үстүнү бәла кәсдириб. Әсл әдаләт вә салеһлик мејарлары кимин мөмин, кимин аллаһсыз олдуғуну үзә чыхараҹагды. Вә нәтиҹәдән асылы олараг, онлар ја сағ галаҹагдылар, ја да мәһв едиләҹәкдиләр (Әш 28:14—19).