Нојабрын 12-дән башланан һәфтәнин ҹәдвәли

НОЈАБРЫН 12-ДӘН БАШЛАНАН ҺӘФТӘ

Маһны 10 вә дуа

□ Јығынҹағын Мүгәддәс Китаб өјрәнмәси

lv фәс. 1, абз. 10—18, с. 13-дәки чәр. (30 дәг.)

□ Теократик Хидмәт Мәктәби

Мүгәддәс Китабын охунмасы: Амос 1—9 (10 дәг.)

№ 1: Амос 3:1—15 (4 дәг. вә ја аз)

№ 2: Аллаһын үрәјини севиндирән ушаглар (lr фәс. 41) (5 дәг.)

№ 3: Мәзмур 51:17 ајәсиндән неҹә фајдалана биләрик? (5 дәг.)

□ Хидмәти ҝөрүш

Маһны 38

10 дәг. «Әҝәр кимсә дејирсә: “Сиз Иса Мәсиһи гәбул етмирсиниз”». «Мүлаһизә» китабынын 192-ҹи сәһифәсинин 3-ҹү абзасындан 193-ҹү сәһифәсинин 2-ҹи абзасына (рус. [rs-ТК с. 232, абз. 3 — с. 233, абз. 2]) гәдәр олан материала әсасланан мүзакирә. Бир-ики тәклифи сәһнәләшдир.

10 дәг. Нә өјрәнирик? Мүзакирә. Марк 1:16—20 ајәләрини оху. Бу ајәләрин хидмәтдә неҹә фајдалы олдуғуну нәзәрдән кечир.

10 дәг. «Ҝөрдүјүн ишдән зөвг ал». Суал-ҹаваб.

Маһны 44 вә дуа

Ҝөрдүјүн ишдән зөвг ал

1. Хидмәт етмәк сәјимизи нә зәифләдә биләр?

¹ Инсан «ҝөрдүјү ишдән зөвг [алмаг]» үчүн јарадылыб (Ваиз 2:24). Лакин хидмәтимизин мүсбәт нәтиҹәләрини ҝөрмәсәк, руһ дүшкүнлүјү бизи севинҹдән мәһрум едә вә сәјимизи азалда биләр. Бәс мүсбәт әһвал-руһијјәмизи горумаға бизә нә көмәк едә биләр?

2. Нәјә ҝөрә хидмәтә реал бахмалыјыг?

² Реалист ол. Исанын тәблиғинә чох аз адамын һај вермәсинә бахмајараг, онун хидмәтинин уғурлу олдуғуна һеч бир шүбһә јохдур (Јәһ. 17:4). Иса әкинчи мәсәлиндә демишди ки, нәтиҹәдә бир чохларынын үрәји Падшаһлыг һаггында хәбәрин тохумларыны гәбул етмәјә мејилли олмајаҹаг (Мат. 13:3—8, 18—22). Буна бахмајараг, сәј ҝөстәрмәјин сајәсиндә хидмәтимиз сәмәрәли олаҹаг.

3. Тәблиғ етдијимиз хош хәбәрә чох аз инсан һај версә дә, биз неҹә бар верә биләрик?

³ Биз неҹә чохлу бар верә биләрик? Исанын мәсәлинә әсасән, хош хәбәри гәбул едәнләр бәһрә вермәли идиләр (Мат. 13:23). Буғданын саплағы бөјүјүб јетишдикдә онлар кичик саплаглар дејил, бәһрә шәклиндә јени тохумлар верир. Ејнилә, мәсиһчинин дә бар вермәси мүтләг јени шаҝирдләр һазырламасы дејил, Падшаһлыг һаггында хош хәбәри тәблиғ едәрәк чохлу тохум сәпмәсидир. Инсанларын хош хәбәрә мүнасибәтиндән асылы олмајараг, Падшаһлыг тохумунун сәпилмәсинин ҝәтирдији фајда бизә мәмнунлуг ҝәтирәҹәк. Бунунла биз Јеһованын адынын мүгәддәс тутулмасында өз төһфәмизи вермиш олаҹағыг (Јешаја 43:10—12; Мат. 6:9). Аллаһын әмәкдашлары олмаг шәрәфи бизә севинҹ бәхш едәҹәк (1 Кор. 3:9). Үстәлик, «дилимизин бәһрәсини» тәгдим етмәјимиз Јеһоваја хошдур (Ибр. 13:15, 16).

4. Хәбәримиз олмадан хидмәтимиз һансы бәһрәләр верә биләр?

⁴ Бундан әлавә, биз өз зәһмәтимизин нәтиҹәсини ҝөрмәјә биләрик. Чох еһтимал ки, Исанын тәблиғинә гулаг асанлардан бәзиләри о, јерүзү хидмәтини баша вуранадәк онун шаҝирди олмады. Ејнилә, бизим дә сәпдијимиз Падшаһлыг тохумлары инсанын үрәјиндә дәрһал көк атыб инкишаф етмәјә биләр вә о, һәгигәтә ҝәләндә бизим бундан хәбәримиз олмаја биләр. Әслиндә исә, бизим хидмәтимизин фајдасы чохдур. Буна ҝөрә дә, ҝәлин чохлу бар верәк вә Исанын шаҝирди олдуғумузу сүбут едәк (Јәһ. 15:8).