Үрәјә јол тапмаға чалыш

Мәсәлләр 3:1

ИҸМАЛ: Динләјиҹиләрә мәлуматын дәјәрини баша дүшмәјә вә ешитдикләринә ујғун давранмаға көмәк ет.

НЕҸӘ НАИЛ ОЛМАГ ОЛАР?

• Динләјиҹиләрә өзләрини јохламаға көмәк ет. Динләјиҹиләрин өз һиссләрини јохламасы үчүн риторик суаллар вер.

• Диггәтини динләјиҹиләрин јахшы нијјәтләринә ҹәмлә. Онлары тәшвиг ет ки, хејирхаһ ишләри нәјә ҝөрә етдикләрини тәһлил етсинләр. Гој онларын үрәјиндә ән ҝөзәл нијјәтдән — Јеһова севҝисиндән, инсан севҝисиндән вә Мүгәддәс Китаб тәлимләринә севҝидән ирәли ҝәләрәк хејирхаһ ишләр ҝөрмәк истәји ојансын. Моизә охума, дүшүндүр. Динләјиҹиләри утандырма. Гој чыхыш гуртаранда онлар руһлансын, әлләриндән ҝәлән ән јахшы шеји етмәјә һәвәсли олсунлар.

• Диггәти Јеһоваја јөнәлт. Мүгәддәс Китабдакы тәлимләрин, принсип вә әмрләрин Аллаһын кејфијјәтләрини вә бизә олан мәһәббәтини неҹә әкс етдирдијини вурғула. Динләјиҹиләрдә Јеһованын һиссләрини нәзәрә алмаг вә Ону разы салмаг истәји ојат.