Ҝөзәтчи гүлләсинин ОНЛАЈН КИТАБХАНАСЫ
Ҝөзәтчи гүлләсинин
ОНЛАЈН КИТАБХАНАСЫ
Aзәрбајҹан (кирил әлифбасы)
Ә
  • Ғ
  • ғ
  • Ә
  • ә
  • Ј
  • ј
  • Ҝ
  • ҝ
  • Ө
  • ө
  • Ү
  • ү
  • Һ
  • һ
  • Ҹ
  • ҹ
  • МҮГӘДДӘС КИТАБ
  • НӘШРЛӘР
  • ИБАДӘТ ҜӨРҮШЛӘРИ
  • yp1 фәс. 16 с. 111—118
  • Өзүмү бу гәдәр үзмәјим нормалдырмы?

Бу сечим үчүн видео мөвҹуд дејил.

Тәәссүф едирик, видеону јүкләмәк мүмкүн олмады.

  • Өзүмү бу гәдәр үзмәјим нормалдырмы?
  • Ҝәнҹләрин суаллары. Практики мәсләһәтләр. Ҹилд 1
  • Охшар материал
  • Ушаг кәдәрли оланда
    Ојанын!—2017
  • Бу дәрдә неҹә дөзмәк олар?
    Сизә әзиз адам өләндә...
  • Атамла анам нијә ајрылды?
    Ҝәнҹләрин суаллары. Практики мәсләһәтләр. Ҹилд 1
  • Валидејн иткиси
    Ојанын!—2017
Әлавә
Ҝәнҹләрин суаллары. Практики мәсләһәтләр. Ҹилд 1
yp1 фәс. 16 с. 111—118

ФӘСИЛ 16

Өзүмү бу гәдәр үзмәјим нормалдырмы?

Һәрчәнд бу фәсилдә валидејнләрдән биринин өлүмүндән данышылыр, бурада ҝәтирилән принсипләр аиләсинин башга бир үзвүнү вә јахын достуну итирәнләрә дә көмәк едә биләр.

«Анам өләндә һәјатым алт-үст олмушду. Нә едәҹәјими билмирдим, мәним үчүн һәјатын һеч бир мәнасы галмамышды. Ахы о, аиләмизин дөјүнән үрәји, ҹаны иди» Карина

ЧӘТИН КИ, һәјатда инсаны валидејнләринин өлүмү гәдәр сарсыдан нәсә олсун! Сәни әввәлләр һеч вахт кечирмәдијин гарма-гарышыг һиссләр бүрүјә биләр. Атасы үрәк тутмасындан өләндә Брајанын 13 јашы варды. О, баш верәнләри јада салараг дејир: «Һәмин ҝеҹә садәҹә бир-биримизи гуҹаглајыб ағламагдан башга әлимиздән һеч нә ҝәлмирди». Наталинин атасы хәрчәнҝ хәстәлијиндән өләндә онун 10 јашы вар иди. О, баш верәнләри хатырлајараг дејир: «Донуб галмышдым. Нә һисс етдијими билмирдим, дәрин бир бошлуг ичиндә идим».

Өлүм һәр инсана бир ҹүр тәсир едир. Мүгәддәс Китабда дејилир ки, «һәр кәс өз бәласыны вә дәрдини» билир (2 Салнамәләр 6:29). Валидејнин өлүмүнүн сәнә неҹә тәсир етдији барәдә дүшүн. Ашағыда: 1) бу хәбәри ешидән ан вә 2) һал-һазырда һансы һиссләри кечирдијини јазa.

1 ․․․․․

2 ․․․․․

Бәлкә дә, ҹавабларын јаваш-јаваш ағрыларынын јүнҝүлләшдијини ҝөстәрир. Өзүнү белә һисс етмәјин тәбиидир. Анҹаг бу о демәк дејил ки, сән валидејнләрини унудурсан. Бәс әҝәр һиссләрин дәјишмәјибсә, јахуд даһа да писләшибсә, онда неҹә? Ола билсин, дахилиндәки кәдәр һисси дәниз далғалары кими гәфилдән ҝаһ ҹошур, ҝаһ да сакитләшир. Бу да тәбиидир, һәтта атанын вә ја ананын өлүмүндән илләр кечсә белә. Бунун өһдәсиндән ҝәлмәкдә сәнә нә көмәк едә биләр?

Ҝөз јашларыны сахлама! Ағламаг инсаны сакитләшдирир. Амма Алисија кими сәни дә бир шеј нараһат едә биләр. Анасыны итирәндә онун 19 јашы вар иди. Алисија һиссләрини бөлүшүр: «Мәнә елә ҝәлирди ки, чох ағласам, иманымын аз олдуғуну дүшүнәҹәкләр». Анҹаг ҝәл камил инсан олан Иса Мәсиһи јада салаг: онун Аллаһа ҝүҹлү иманы вар иди. Бунунла белә, досту Лазар өләндә о, ҝөз јашларыны сахлаја билмәди (Јәһја 11:35). Буна ҝөрә дә, гәһәр сәни боғанда ағламаға чәкинмә. Ағламаг иманын азлығыны ҝөстәрмир. Алисија дејир: «Нәһајәт, һөнкүр-һөнкүр ағламаға башладым, елә ҝүн олмурду ки, ағламајым»b.

Өзүнү ҝүнаһландырма. Анасы өләндә Каринанын 13 јашы вар иди. О дејир: «Мән һәр ахшам анамын јанына галхар, өпүб ширин јуху арзулајардым. Анҹаг бир дәфә буну етмәдим. Сәһәр галханда анам артыг өлмүшдү. Билирәм, чох мәнасыздыр, амма һәмин ахшам јанына ҝетмәдијимә вә ертәси ҝүн баш верәнләрә ҝөрә өзүмү ҝүнаһкар һисс едирәм. Атам мәзунијјәтә ҝедәндә баҹымла мәнә анамыза бахмағы тапшырмышды. Амма сәһәр биз һәмишәкиндән ҝеҹ дурмушдуг. Мән анамын јанына ҝедәндә артыг о, нәфәс алмырды. Өзүмү чох пис һисс едирдим, ахы атам ҝедәндә онун вәзијјәти јахшы иди!»

Еһтимал ки, Карина кими, сән дә нә исә етмәдијинә ҝөрә өзүнү ҝүнаһкар һесаб едирсән. Јахуд «каш ки, ону белә етсәјдим, буну белә етсәјдим» кими ифадәләрлә өзүнә әзијјәт верирсән. «Каш ки, атамы һәкимә ҝетмәјә мәҹбур едәјдим», «Каш ки, анама бир аз тез ҝедиб бахајдым». Әҝәр бу кими фикирләр сәнә әзијјәт верирсә, јадында сахла ки, етмәдијин шејләрә ҝөрә пешманчылыг чәкмәјин нормалдыр. Сөзсүз ки, әҝәр билсәјдин, һәр шеји тамамилә башга ҹүр едәрдин. Анҹаг сән белә олаҹағыны билмирдин. Буна ҝөрә дә, өзүнү ҝүнаһландырмаға дәјмәз. Ахы онун өлүмү сәнин ҝүнаһын дејил!c

Һиссләрини дилә ҝәтир. Сүлејманын мәсәлләри 12:25 ајәсиндә дејилир: «Хош сөз көнлү шад едәр». Кәдәрини өзүндә сахласан, өһдәсиндән ҝәлмәк чәтин олаҹаг. Амма һиссләрини етибар етдијин бири илә бөлүшсән, еһтијаҹ дујдуғун тәсәлливериҹи «хош сөз» ешидәҹәксән.

Гәлбини Аллаһа ач. Үрәјиндәкиләри ачыб Јеһова Аллаһла бөлүшсән, чох ҝүман ки, өзүнү олдугҹа јахшы һисс едәҹәксән (Мәзмур 62:8). Анҹаг унутмаг лазым дејил ки, бу, садәҹә раһатлыг тапмаг вә әһвал-руһијјәни галдырмаг үчүн әл атылан бир васитә дејил. Биз дуада «һәр ҹүр тәсәлли Аллаһы олуб һәр дәрдимиздә бизә тәсәлли» верән Јарадана мүраҹиәт едирик (2 Коринфлиләрә 1:3, 4). О, бизә Өз Кәламы олан Мүгәддәс Китаб васитәсилә тәсәлли верә биләр (Ромалылара 15:4). Буна ҝөрә дә, мәһз сәнә тәсәлли верән Мүгәддәс Китаб ајәләринин сијаһысыны әлинин алтында сахлаd.

Кәдәр һисси бир ҝеҹәнин ичиндә кечиб-ҝетмир. Буна бахмајараг, сән Мүгәддәс Китабдан һәмишә тәсәлли тапа биләрсән, чүнки орада дејилир ки, Аллаһын вәд етдији јени дүнјада «артыг нә өлүм, нә дәрд, нә фәрјад, нә дә ағры олаҹаг» (Вәһј 21:3, 4). Бу кими вәдләрин үзәриндә дүшүнмәк сәнә ағыр иткинин өһдәсиндән ҝәлмәјә көмәк едәҹәк.

[Һашијәләр]

a Әҝәр бу суаллара инди ҹаваб вермәк чәтиндирсә, сонраја да сахлаја биләрсән.

b Дүшүнмә ки, кәдәрини бүрузә вермәк үчүн ағламаг шәртдир. Һәр инсан дәрди, гәми бир ҹүр кечирир. Әҝәр ҝөздән јаш ҝәлирсә, демәли, ағламаг вахтыдыр (Ваиз 3:4).

c Әҝәр бу ҹүр фикирләр сәни нараһат етмәјә давам едирсә, бөјүкләрдән киминләсә һиссләрини бөлүш. Вахт кечдикҹә өзүнү даһа јахшы һисс едәҹәксән.

d Чохлары Мүгәддәс Китабын нөвбәти ајәләриндән тәсәлли тапырлар: Мәзмур 34:18; 102:17; 147:3; Јешаја 25:8; Јәһја 5:28, 29.

АЧАР АЈӘ

“Аллаһ инсанларын ҝөзләриндән бүтүн јашлары силәҹәк. Артыг нә өлүм, нә дәрд, нә фәрјад, нә дә ағры олаҹаг, чүнки әввәлки шејләр кечиб ҝетди” Вәһј 21:4

МӘСЛӘҺӘТ

Ҝүндәлик тут. Вәфат етмиш валидејнин һаггында хатирәләрини јаз. Бу, сәнә гәм-гүссәјә таб ҝәтирмәјә көмәк едәҹәк.

БИЛИРСӘН... ?

Ағламаг зәифлијин әламәти дејил. Һәтта Ибраһим, Јусиф, Давуд вә Иса Мәсиһ кими ҝүҹлү инсанлар белә кәдәрли анларында ағламышлар (Јарадылыш 23:2; 50:1; 2 Шамуел 1:11, 12; 18:33; Јәһја 11:35).

ҺӘРӘКӘТ ПЛАНЫ!

Гәм-гүссә мәни бүрүјәндә мән... ․․․․․

Һәјатда олан валидејнимә бу мөвзу илә бағлы вермәк истәдијим суаллар: ․․․․․

НЕҸӘ ДҮШҮНҮРСӘН?

● Өлән валидејнинлә бағлы хош хатирәләри јада салмаг нәјә ҝөрә јахшыдыр?

● Ҝүндәлик тутмаг дәрдини неҹә јүнҝүлләшдирә биләр?

[112–ҹи сәһифәдәки јазы]

“Үрәјимдәкиләри һеч кимә ачмадығым үчүн пешманам. Дәрдими данышсајдым, инди өзүмү даһа јахшы һисс едәрдим. Бу, мәнә кәдәримин өһдәсиндән ҝәлмәјә көмәк едәрди” Давуд

[113–ҹү сәһифәдәки чәрчивә/шәкил]

ШАНТЕЛ

“Атам сон беш ил иди ки, хәстә јатырды вә ҝет-ҝедә вәзијјәти писләширди. О, өзүнә гәсд едәндә мәним 16 јашым варды. Анам гардашымла мәндән һеч нәји ҝизләтмирди. О һәтта бизим дәфнлә бағлы гәрарларда иштирак етмәјимизә имкан верди. Бу, дәрдимизи јүнҝүлләшдирирди. Ушаглардан нәји исә ҝизләдәндә онларын һеч хошуна ҝәлмир, хүсусилә дә бу кими ҹидди мәсәләләрдә. Вахт кечдикҹә атамын өлүмү һаггында ачыг даныша билирдим. Ағламаг истәјәндә ја рәфигәмҝилә, ја да һараса башга бир јерә ҝедиб ағлајырдым. Һамыја мәсләһәтим: кәдәри өзүнүздә сахламајын, доғмаларынызла вә достларынызла бөлүшүн. Гәм-гүссәнин өһдәсиндән ҝәлә билмәк үчүн әлиниздән ҝәләни един!”

[113 вә 114–ҹү сәһифәләрдәки чәрчивә/шәкил]

ЛИЈА

“Мәним 19 јашым оланда анам ағыр инсулт кечирди вә үч илдән сонра өлдү. Онун өлүмүндән сонра баша дүшүрдүм ки, ҝүҹлү олмалыјам. Әҝәр өзүмү әлә ала билмәсәјдим, атам үчүн бу ағыр иткијә дөзмәк даһа чәтин оларды. Хәстә оланда вә ја өзүмү јахшы һисс етмәјәндә анам һәмишә јанымда оларды. Јадымдадыр, неҹә әлини алныма гојуб һәрарәтими јохлајарды. Онун јохлуғу мәним үчүн чох ағырдыр, ондан өтрү бурнумун уҹу ҝөјнәјир. Мән һиссләрими боғмаға алышмышам, анҹаг билирәм ки, бу, сағламлығым үчүн јахшы дејил. Буна ҝөрә дә һәрдән онун шәкилләринә бахыб ағлајырам. Достларымла сөһбәт етмәјин дә бөјүк көмәји олур. Мүгәддәс Китаб вәд едир ки, өләнләр јерүзү ҹәннәтдә дириләҹәкләр (Јәһја 5:28, 29). Анамы јенидән ҝөрәҹәјим вә ону ҝөрмәк үчүн нә етмәли олдуғум барәдә дүшүнәндә ағрыларым јүнҝүлләшир”.

[114–ҹү сәһифәдәки чәрчивә/шәкил]

БЕТАНИ

“Атама: “Сәни севирәм” дедијими хатырламағы чох истәрдим! Әминәм ки, мән буну она демишәм, амма јадымда галмајыб. О, өләндә мәним ҹәми беш јашым варды. Атам јатдығы јердә инсулт кечириб вә дәрһал ону хәстәханаја апарыблар. Сәһәр дуранда мәнә онун өлдүјүнү дедиләр. Әввәл-әввәл атам һаггында данышмаг мәним үчүн чәтин иди, анҹаг сонра өзүм онун һаггында сорушмаға башладым, чүнки ону даһа јахшы танымаг истәјирдим. Атасыны вә ја анасыны итирәнләрә демәк истәјирәм: онларла кечирдијиниз һәр аны гијмәтләндирин вә хош хатирәләринизи јазын ки, јаддашыныздан силинмәсин. Аллаһа садиг галмаг үчүн әлиниздән ҝәләни един ки, сизә әзиз олан адамы јени дүнјада ҝөрә биләсиниз”.

[116–ҹы сәһифәдәки чәрчивә]

Чәрчивә

Сәнин дүшүнҹәләрин

Атан (анан) һаггында бәзи хош хатирәләрини јаз. ․․․․․

Сағ олсајды, атана (анана) нә демәк истәјәрдин? ․․․․․

Тәсәввүр ет ки, балаҹа баҹын вә ја гардашын вар вә онлар ата вә ја ананызын өлүмүнә ҝөрә өзләрини ҝүнаһкар һисс едирләр. Сән онлара неҹә тәсәлли верәрдин? (Бу, сәнә өзүнү гынамамаға көмәк едәҹәк.) ․․․․․

Һәјатда олмајан валидејнин һаггында нәји билмәк истәјәрдин? Ики-үч суалы гејд ет, сонра һәмин суаллары бөјүкләрдән кимәсә вер. ․․․․․

Һәвариләрин ишләри 24:15 ајәсини оху. Бу ајәдә һаггында данышылан үмид баш вермиш иткинин өһдәсиндән ҝәлмәјә неҹә көмәк едир? ․․․․․

[115–ҹи сәһифәдәки шәкил]

Кәдәр гәфилдән ҝаһ ҹошан, ҝаһ да сакитләшән дәниз далғалары кимидир

    Азәрбајҹан (кирил) нәшрләри (2000—2025)
    Чыхыш
    Дахил ол
    • Aзәрбајҹан (кирил әлифбасы)
    • Пајлаш
    • Параметрләр
    • Copyright © 2025 Watch Tower Bible and Tract Society of Pennsylvania
    • Истифадә шәртләри
    • Мәхфилик гајдалары
    • Настройки конфиденциальности
    • JW.ORG
    • Дахил ол
    Пајлаш