Ҝөзәтчи гүлләсинин ОНЛАЈН КИТАБХАНАСЫ
Ҝөзәтчи гүлләсинин
ОНЛАЈН КИТАБХАНАСЫ
Aзәрбајҹан (кирил әлифбасы)
Ә
  • Ғ
  • ғ
  • Ә
  • ә
  • Ј
  • ј
  • Ҝ
  • ҝ
  • Ө
  • ө
  • Ү
  • ү
  • Һ
  • һ
  • Ҹ
  • ҹ
  • МҮГӘДДӘС КИТАБ
  • НӘШРЛӘР
  • ИБАДӘТ ҜӨРҮШЛӘРИ
  • yp1 фәс. 35 с. 252—256
  • Наркотикдән неҹә јаха гуртара биләрәм?

Бу сечим үчүн видео мөвҹуд дејил.

Тәәссүф едирик, видеону јүкләмәк мүмкүн олмады.

  • Наркотикдән неҹә јаха гуртара биләрәм?
  • Ҝәнҹләрин суаллары. Практики мәсләһәтләр. Ҹилд 1
Ҝәнҹләрин суаллары. Практики мәсләһәтләр. Ҹилд 1
yp1 фәс. 35 с. 252—256

ФӘСИЛ 35

Наркотикдән неҹә јаха гуртара биләрәм?

НАРКОТИКӘ гуршанмысан? Јәгин, наркотикин сәнин бејнини вә бәдәнини мәһв етдијини билирсән. Бәлкә дә, сән бу асылылыгдан јаха гуртармаға ҹәһд ҝөстәрмисән, анҹаг бу вәрдишә јенидән гајытмысан. Вәзијјәт белә олса да, руһдан дүшмә. Бунун өһдәсиндән ҝәләнләр олуб, демәли, сән дә ҝәлә биләрсән! Мисал үчүн, ҝәл бу асылылыгдан јаха гуртаран үч инсанын нүмунәсинә бахаг.

АД Марта

КЕЧМИШИМ Мән дүнјаја ҝәләндә анам евли дејилди, бу сәбәбдән баҹымла мән һеч ата үзү ҝөрмәмишик. Рәгс етмәји севән бир халам варды, тәхминән 12 јашым оланда онунла дискотекалара ҝетмәјә башладым. Мән чох үнсијјәтҹил идим вә гыса бир вахтда пис вәрдишләри олан инсанлара гошулдум. 13 јашымда исә наркотикдән вә кокаиндән истифадә етмәјә башладым. Әввәл-әввәл наркотикдән һәзз алырдым. Анҹаг бир мүддәтдән сонра мәндә гарабасмалар јаранды вә мән һәр шејдән горхмаға башладым. Наркотикин тәсири кечәндән сонра исә, өзүмү өлдүрмәк фикринә дүшүрдүм. Наркотикин пәнҹәсиндән јаха гуртармаг истәјирдим, амма ирадәм чатмырды.

НЕҸӘ ӨҺДӘСИНДӘН ҜӘЛДИМ? Мән Аллаһ һаггында дүшүнмәјә башладым, һәтта бир нечә дәфә килсәјә ҝетдим. Анҹаг бу, мәјуслуғуму даһа да артырды. 18 јашым оланда оғлан достумла бирликдә јашамаға башладым вә бир оғлумуз олду. Ана олмаг һәјат тәрзими дәјишмәк истәјими даһа да ҝүҹләндирди. Бу әрәфәдә кечмиш рәфигәм јахынлығымыздакы бир евә көчдү. Ҝүнләрин бир ҝүнү о, бизә гонаг ҝәлди, отуруб сәмими сөһбәт етдик. Бүтүн үрәјими она бошалтдым. О, Јеһованын Шаһиди олдуғуну деди вә мәнә Мүгәддәс Китабы өјрәнмәји тәклиф етди. Мән дә разылашдым.

Һәјат тәрзимин Аллаһа мәгбул олмадығыны, наркотик вә сигарети атмалы олдуғуму өјрәндим. Лакин наркотики атмаг мәним үчүн олдугҹа чәтин иди. Ҝүн әрзиндә Јеһова Аллаһа дәфәләрлә јалварырдым ки, бу пис вәрдишдән әл чәкмәк үчүн мәнә көмәк олсун. Мән Ону разы салмаг истәјирдим (Сүлејманын мәсәлләри 27:11). Мүгәддәс Китабы өјрәндикдән вә Јеһованын Шаһидләри илә сых үнсијјәтдән алты ај сонра наркотикин әсарәтиндән азад ола билдим. Инди һәјат мәним үчүн даһа мәналыдыр. Артыг әввәлки кими һәмишә депрессијада олмурам. Сонра Јеһованын Шаһиди олан ҝөзәл инсанла таныш олдум вә аилә гурдум. Оғлуму Мүгәддәс Китаб принсипләринә ујғун бөјүдүрәм. Јалварышларымы ешидиб мәнә көмәк етдији үчүн Јеһоваја чох миннәтдарам!

АД Марсијо

КЕЧМИШИМ Мән Сан-Паулу штатынын (Бразилија) әһалиси сых мәскунлашмыш Санту-Андре шәһәриндә бөјүјүб боја-баша чатмышам. Артыг еркән јашларымдан түтүн чәкмәјә, наркотик гәбул етмәјә вә оғурлуға башламышдым. Бир нечә достум машын оғурлуғу вә наркотик алвери илә мәшғул олурду. Онлардан бири ушаглара пулсуз наркотик верирди. Асылылыг јарандыгдан сонра исә ушаглар наркотики ондан пулла алмаг мәҹбуријјәтиндә галырдылар.

Полис бизим рајону һәмишә нәзарәт алтында сахлајырды. Бир нечә дәфә хырда ишләрә ҝөрә, бир дәфә дә наркотик алвери үзрә шүбһәли шәхс гисминдә һәбс олунмушдум. Чох вахт дәстәмизин оғурлуг малларыны вә силаһларыны өз евимдә ҝизләдирдим.

Инсанлар мәндән горхурдулар. Ҝөзләрим ган чанағына дөнмүшдү, һеч вахт үзүм ҝүлмүрдү, сифәтимдә даима өлүмсачан ифадә вар иди. Мәнә «Тајфун» ләгәби гојмушдулар, чүнки һара ҝетсәм фәлакәт төрәдирдим. Һәмчинин һәддән артыг чох ичирдим вә әхлагсыз һәјат тәрзи сүрүрдүм. Достларымын чоху өлмүш вә ја һәбсә дүшмүшдү. Елә пис вәзијјәтдә идим ки, һәтта бир дәфә өзүмү ағаҹдан асмаға ҹәһд ҝөстәрмишдим.

НЕҸӘ ӨҺДӘСИНДӘН ҜӘЛДИМ? Аллаһа јалварырдым ки, мәнә көмәк етсин. Ҝүнләрин бир ҝүнү Јеһованын Шаһидләри илә гаршылашдым вә Мүгәддәс Китабы өјрәнмәјә башладым. Аллаһын адынын Јеһова олдуғуну, Онун ганунларына ујғун јашамаға чалышан инсанларын гајғысына галдығыны вә көмәк етдијини өјрәндим (Мәзмур 83:18; 1 Петер 5:6, 7). Һәјатымда чох шеји дәјишмәли идим. Ән чәтини дә ҝүлмәји өјрәнмәк иди.

Усанмадан Јеһовадан јардым диләјир вә Мүгәддәс Китабын мәсләһәтләрини тәтбиг етмәјә чалышырдым. Көһнә “достларымла” әлагәни кәсдим, барлара ҝетмәјә сон гојдум. Үстәлик, гәрар вердим ки, јалныз Мүгәддәс Китаб нормаларына ујғун јашајан инсанларла үнсијјәт едәҹәјәм. Бу, чох ҝәрҝин бир мүбаризә олду, анҹаг мән бунун өһдәсиндән ҝәлдим. Даһа оғурлуг етмир, мүнагишә төрәтмирәм. Ән әсасы исә, артыг он илдән чохдур ки, наркотикдән истифадә етмирәм.

АД Крејг

КЕЧМИШИМ Ушаглығым Ҹәнуби Австралијадакы бир фермада кечиб. Атам ички дүшкүнү иди. Мәним сәккиз јашым оланда анамла атам ајрылдылар. Анам јенидән аилә гурду вә 17 јашыма кими онун јанында јашадым. Һәмин ил гојун гырхмағы өјрәндим вә гојун гырхан көчәри бир бригадаја гошулдум. Мүхтәлиф нөв наркотик маддәләрдән дадмаға вә сәрхошлуг етмәјә башладым. Сачымы узатдым, мум чәкиб назик-назик һөрдүм вә мунҹуг тахдым. Пахыл, сөјүшкән, өзүнү әлә ала билмәјән бир инсан олмушдум. Бир нечә дәфә һәбсә дүшмүшдүм.

Гәрби Австралијанын балаҹа бир шәһәринә көчдүм вә һотелдә офисиант ишләјән гыз достумла бирликдә јашамаға башладым. Һәр икимиз дә чәкир, ичир вә өзүмүз үчүн марихуана јетишдирирдик.

НЕҸӘ ӨҺДӘСИНДӘН ҜӘЛДИМ? Әкдијимиз марихуананы тәзәҹә јығмышдыг ки, Јеһованын Шаһидләри учуг дахмамызын гапысыны дөјдүләр. Онларын дедикләринә кор-коранә инанмадым, әксинә, Мүгәддәс Китабда јазыланлары арашдырыб, онларын һәгигәт олдуғуна вахт кечдикҹә өзүм әмин олдум. Сонра пис вәрдишләримлә бир-бир мүбаризә апармаға башладым.

Тезликлә марихуанадан әл чәкмәли олдуғуму өјрәндим. Бу, зәһмәт чәкиб беҹәрдијим мәһсулу мәһв етмәк демәк иди! Буна ҝөрә дә илк ағлыма ҝәлән шеј бүтүн мәһсулу бир әлдән кимәсә вермәк олду. Анҹаг сонра бунун һеч дә јахшы фикир олмадығыны дүшүнәрәк марихуананы јерли-дибли мәһв етдим. Наркотик вә ички дүшкүнлүјүндән азад олмагда дуанын мәнә бөјүк хејри олду. Аллаһа јалварырдым ки, бу мүбаризәдә галиб ҝәлмәк үчүн Өз мүгәддәс руһу илә мәнә көмәк етсин. Һәмчинин мәнә пис тәсир едән инсанларла үнсијјәтә сон гојдум. Мүгәддәс Китабын тәлимләрини өјрәндикҹә вә тәтбиг етдикҹә зәифликләримин өһдәсиндән ҝәлә билмәк үчүн лазым олан мәнәви ҝүҹ әлдә етдим. Гыз достум да Мүгәддәс Китабы өјрәнмәјә башлады вә һәјат тәрзини дәјишди. Биз аилә гурдуг. Артыг 21 илдир ки, бирликдә сағлам өмүр сүрүрүк вә ики оғлумуз вар. Әҝәр Јеһова мәнә көмәк әлини узатмасајды, инди һарада вә нә вәзијјәтдә олдуғуму дүшүнмәк белә мәни дәһшәтә ҝәтирир.

АЧАР АЈӘ

“[Јеһова] Аллаһ хиласымдыр... гүввәтим[дир]” Јешаја 12:2

МӘСЛӘҺӘТ

Наркотикә һәвәс јарадан инсанлардан, мәканлардан вә башга шејләрдән мүмкүн гәдәр узаг дур. Арашдырмалар ҝөстәрир ки, бунлардан һәр һансыны бирҹә дәфә ҝөрмәк көһнә истәји аловландырмаг үчүн кифајәтдир.

БИЛИРСӘН... ?

Наркотик бејинин структуруну дәјишә биләр.

ҺӘРӘКӘТ ПЛАНЫ!

Әҝәр јенә тәкрарласам, чалышаҹам... ․․․․․

Бу мөвзу илә бағлы валидејнләримә вермәк истәдијим суаллар: ․․․․․

НЕҸӘ ДҮШҮНҮРСӘН?

● Нәјә ҝөрә наркотикдән јаха гуртармаг истәјән инсан һәјатында көклү дәјишикликләр етмәлидир?

● Аллаһ һаггында һәгигәти билмәк она неҹә көмәк едә биләр?

[253–ҹү сәһифәдәки јазы]

“Мүгәддәс Китаб принсипләринә ујғун јашадығым үчүн инди мән хошбәхтәм вә һәјатымын мәнасы вар” Марта

[256–ҹы сәһифәдәки шәкил]

Асылылыгдан азад олмаг јанан евдән ҹаныны ҝөтүрүб гачмаға бәнзәјир — нәләри исә архада гојсан да, һәјатыны хилас едәҹәксән

    Азәрбајҹан (кирил) нәшрләри (2000—2025)
    Чыхыш
    Дахил ол
    • Aзәрбајҹан (кирил әлифбасы)
    • Пајлаш
    • Параметрләр
    • Copyright © 2025 Watch Tower Bible and Tract Society of Pennsylvania
    • Истифадә шәртләри
    • Мәхфилик гајдалары
    • Настройки конфиденциальности
    • JW.ORG
    • Дахил ол
    Пајлаш