Һизгијал китабындакы әсас ифадәләр

«Бәни-адәм»

90 ДӘФӘДӘН ЧОХ

«Һизгијал» китабында Һизгијала 90 дәфәдән чох «бәни-адәм» дејә мүраҹиәт олунур (Һизг. 2:1). Беләликлә, Јеһова она хатырладыр ки, о, бөјүк шәрәфә лајиг ҝөрүлсә дә, фани инсан олараг галыр. Мараглыдыр ки, Инҹилдә Исаја да 80 дәфәдән чох ејни мәналы сөзлә, јәни «инсан Оғлу» дејә мүраҹиәт олунур. Бу, ону ҝөстәрирди ки, о, инсан ҹилди алмыш мәләк јох, сөзүн әсл мәнасында, инсан иди (Мәт. 8:20).

«Биләҹәксиниз ки, Мән Јеһовајам»

50 ДӘФӘДӘН ЧОХ

«Һизгијал» китабында Јеһова Аллаһ инсанлара мүраҹиәт едәрәк 50 дәфәдән чох «биләҹәксиниз ки, Мән Јеһовајам» сөзләрини демишди. Бу, јалныз Јеһованын пак ибадәтә лајиг олдуғуну вурғулајыр (Һизг. 6:7).

«Күлли-Ихтијар Јеһова»

217 ДӘФӘ

«Күлли-Ихтијар Јеһова» ифадәсинә китаб бојунҹа 217 дәфә раст ҝәлинир. Бунунла Аллаһын ады лајигли шәрәфә уҹалдылыр вә бүтүн хилгәтин Јеһовадан асылы олдуғу вурғуланыр (Һизг. 2:4).