ДӘРС 11

Шөвг

Ромалылара 12:11

ИҸМАЛ: Шөвглә данышараг динләјиҹиләрдә һәвәс ојат, онлары һәрәкәтә тәшвиг ет.

Мәлуматы үрәјинә өтүр. Нитги һазырлајаркән мәлуматын ваҹиблији барәдә дүшүн. Материалы јахшы мәнимсә ки, үрәкдән даныша биләсән.
Динләјиҹиләр барәдә дүшүн. Охујаҹағын, јахуд чатдыраҹағын мәлуматын динләјиҹиләрә фајдасы барәдә дүшүн. Мәлуматы елә тәгдим ет ки, динләјиҹиләр онун фајдасыны ајдын ҝөрсүнләр.
Ҹанлы чыхыш ет. Шөвглә даныш. Һиссләрини ифадә етмәк үчүн жестләрин вә үзүндәки ифадә тәбии олсун.

Ејни жести тез-тез тәкрарлама, јохса динләјиҹиләрин фикри јајынар. Чалыш жестләрин мәналы олсун. Хүсусилә әсас фикирләри изаһ едәркән вә динләјиҹиләри һәрәкәтә тәшвиг едәркән шөвглә даныш. Амма бүтүн нитги јүксәк шөвглә сөјләмә, әкс һалда, динләјиҹиләр јорулаҹаг.