ДӘРС 4

Ајәләрә кечид

Мәтта 22:41—45

ИҸМАЛ: Ајәни охумаздан әввәл динләјиҹиләри һазырла.

Ајәни нәјә ҝөрә охудуғун барәдә дүшүн. Һәр ајәни елә тәгдим ет ки, динләјиҹиләр ајәдә вурғуламаг истәдијин фикри тута билсинләр.

Контексти нәзәрә ал. Ситатын мүәллифинин вә Мүгәддәс Китаб бөлмәсини јазан шәхсин адыны чәкәҹәксәнсә, әмин ол ки, дүзҝүн мәлумат верирсән.
Сөзләрини Мүгәддәс Китаба әсасландыр. Аллаһа инанан инсанлара мүраҹиәт едәндә диггәти Аллаһын Кәламы олан Мүгәддәс Китаба јөнәлт. Бунунла китабын ән али һикмәт мәнбәји олдуғуну гејд етмиш олаҹагсан.
Ајәјә мараг ојат. Елә суал вер ки, ајәдә ҹавабы олсун. Елә проблемә тохун ки, ајәдә һәлли ҝөстәрилсин. Јахуд Мүгәддәс Китаб парчасында әкс олунан принсипи вурғула.

Динләјиҹиләрин мөвзу вә ајә һаггында билијини нәзәрә ал. Һәтта таныш ајәјә дә елә кечид ет ки, динләјиҹиләрә мараглы олсун вә ајәдән јени фикир өјрәнсинләр.