ДӘРС 12
Мүгәддәс Китабы өјрәнмәјә давам един
Мүгәддәс Китабы өјрәнмәк мараглы сәјаһәтә бәнзәјир. Амма бу сәјаһәт һәмишә асан олмур. Бәзән нараһат ола биләрсиниз: «Ҝөрәсән, Мүгәддәс Китабы өјрәнмәјә давам едә биләҹәјәм?» Бәс нәјә ҝөрә чәтин дә олса, давам етмәјә дәјәр? Көмәји һарадан ала биләрсиниз?
1. Мүгәддәс Китабы өјрәнмәјин һансы фајдалары вар?
«Аллаһын сөзү ҹанлы вә гүдрәтлидир» (Ибраниләрә 4:12). Мүгәддәс Китаб чох гијмәтли китабдыр. Орада Аллаһын фикирләри вә Онун сизә дујдуғу һиссләр гәләмә алыныб. Бу китаб инсана биликлә јанашы, әсл һикмәт вә үмид дә бәхш едир. Ән әсасы, Мүгәддәс Китаб инсана Јеһованын досту олмаға көмәк едир. Мүгәддәс Китабы өјрәндикҹә һәјатыныз јахшылыға доғру дәјишәҹәк.
2. Мүгәддәс Китаб һәгигәтләринин дәјәрини анламаг нәјә ҝөрә ваҹибдир?
Мүгәддәс Китаб һәгигәтләринин һәр бири бир инҹидир. Буна ҝөрә дә Мүгәддәс Китаб бизи тәшвиг едир: «Һәгигәти ал, ону сатма» (Мәсәлләр 23:23). Мүгәддәс Китаб һәгигәтләринин нә гәдәр дәјәрли олдуғуну јадда сахласаг, һеч бир чәтинлик ҝөзүмүзү горхутмајаҹаг. Өјрәнмәјә давам етмәк үчүн әлимиздән ҝәләни едәҹәјик. (Мәсәлләр 2:4, 5 ајәләрини охујун.)
3. Јеһова сизә неҹә көмәк едә биләр?
Јеһова Гадир Аллаһдыр. Ејни заманда, сизин Достунуздур вә сизә Өзү һагда өјрәнмәјә көмәк етмәк истәјир. О сиздә «һәм арзу» ојада биләр, «һәм дә фәалијјәт ҝөстәрмәјиниз үчүн сизә ҝүҹ» верә биләр. (Филиппилиләрә 2:13 ајәсини охујун.) Демәли, бәзән һәвәсиниз олмаса да, Јеһова өјрәнмәјә, јахуд өјрәндикләринизә әмәл етмәјә сиздә һәвәс ојада биләр. Әҝәр манеәләри ашмаг, јахуд тәгибләрә таб ҝәтирмәк үчүн ҝүҹ лазым олса, О сизи ҝүҹләндирәр. Һәмишә дуада Јеһовадан диләјин ки, Мүгәддәс Китабы бундан сонра да өјрәнмәјинизә көмәк етсин (1 Салоникилиләрә 5:17).
Д Ә Р И Н Л И Ј Ә В А Р Ы Н
Ишиниз чох олса да, јахуд манеәләрлә үзләшсәниз дә, ҝөрүн Мүгәддәс Китабы өјрәнмәјә неҹә давам едә биләрсиниз вә бу саһәдә Јеһова сизә неҹә көмәк едәҹәк.
4. Мүгәддәс Китаб дәрсинә өнәм верин
Бәзән ҝүндәлик ишләр о гәдәр чох олур ки, Мүгәддәс Китабы өјрәнмәјә вахт галмыр. Бәс нә етмәк олар? Филиппилиләрә 1:10 ајәсини охујун вә нөвбәти суаллары мүзакирә един:
Сизҹә, һәјатда «даһа ваҹиб шејләр» нәләрдир?
Мүгәддәс Китаб дәрсини өн плана неҹә чәкә биләрсиниз?
А) Габа биринҹи гуму төкүб, сонра дашлары гојсаныз, дашлар јерләшмәјәҹәк
Б) Амма әввәлҹә дашлары гојсаныз, онда гумун да чоху габа јерләшәҹәк. Ејнилә, һәјатда «даһа ваҹиб шејләри» биринҹи јерә гојсаныз, һәм онлары едәҹәксиниз, һәм дә башга ишләрә вахтыныз галаҹаг
Бизим Аллаһа еһтијаҹымыз вар. Мүгәддәс Китабы өјрәнәндә Аллаһы танымаг вә Она ибадәт етмәк еһтијаҹымызы өдәјирик. Мәтта 5:3 ајәсини охујун вә нөвбәти суалы мүзакирә един:
Мүгәддәс Китаб дәрсини өн плана чәкмәјин һансы фајдасы вар?
5. Манеәләрә бахмајараг, мәтин олун
Бәзән кимләрсә сизи Мүгәддәс Китабы өјрәнмәк фикриндән дашындырмаға чалышаҹаг. Ҝәлин Франческонун нүмунәсинә нәзәр салаг. ВИДЕОЈА бахын вә нөвбәти суаллары мүзакирә един:
Франческонун достлары вә анасы онун Мүгәддәс Китабы өјрәнмәсинә неҹә мүнасибәт ҝөстәрди?
Франческонун гәтијјәти һансы ҝөзәл бәһрәләри ҝәтирди?
2 Тимутијә 2:24, 25 ајәләрини охујун вә нөвбәти суаллары мүзакирә един:
Аиләниз вә достларыныз Мүгәддәс Китабы өјрәнмәјинизә неҹә јанашыр?
Мүгәддәс Китабы өјрәнмәјиниз киминсә хошуна ҝәлмәјәндә, бу ајәләрә әсасән, неҹә давранмалысыныз вә нә үчүн?
6. Јеһоваја сығынын
Јеһова Аллаһа јахынлашдыгҹа, Ону разы салмаг истәјимиз даһа да артыр. Бунунла белә, Онун истәдији кими јашамаг үчүн һәјатымызда дәјишиклик етмәк бизә чәтин ҝәлә биләр. Әҝәр сизә дә чәтиндирсә, тәслим олмајын. Јеһова сизә көмәк едәҹәк. ВИДЕОЈА бахын вә нөвбәти суаллары мүзакирә един:
Ҹим Јеһованы разы салмаг үчүн һансы дәјишикликләри етди?
Онун һекајәсиндә сизә ән чох нә тәсир етди?
Ибраниләрә 11:6 ајәсини охујун вә нөвбәти суаллары мүзакирә един:
Јеһова «Ону ҹидд-ҹәһдлә ахтаранлара», јәни Ону танымаг вә разы салмаг үчүн әлиндән ҝәләни едәнләрә һансы мүкафаты верәҹәк?
Сиз Мүгәддәс Китабы өјрәнмәк үчүн әлиниздән ҝәләни едәндә, ајәјә әсасән, Јеһова һансы һиссләри кечирир?
БӘЗИ ИНСАНЛАР СОРУШУР: «Мүгәддәс Китабы нәјә ҝөрә өјрәнирсиниз?»
Неҹә ҹаваб верәрдиниз?
ИҸМАЛ
Мүгәддәс Китабы өјрәнмәк һәмишә асан олмаса да, бунун сајәсиндә әбәди хошбәхт һәјата наил ола биләрсиниз. Бундан сонра да Јеһоваја сығынын. О сизи мүкафатсыз гојмајаҹаг.
Тәкрар
Нәјә ҝөрә Мүгәддәс Китаб һәгигәтләри сизин үчүн дәјәрлидир?
«Даһа ваҹиб шејләри» неҹә ајырд едә биләрсиниз?
Мүгәддәс Китаб дәрсинә давам етмәк үчүн нәјә ҝөрә Јеһованын көмәјинә еһтијаҹыныз вар?
Ә Л А В Ә М Ә Л У М А Т
Чохларына вахтдан сәмәрәли истифадә етмәјә һансы дөрд үсул көмәк едиб?
Ҝөрүн әри мане олса да, гадын Јеһованын көмәји илә неҹә мәтин галды.
Бир кишијә һәјат јолдашынын гәтијјәти неҹә тәсир етмишди?
Бәзән Јеһованын Шаһидләрини аиләләри дағытмагда ҝүнаһландырырлар. Бәс бу, доғрудур?
«Јеһованын Шаһидләри аиләләри дағыдыр, јохса бирләшдирир?» (интернет мәгаләси)