Мүгәддәс Китаб Аллаһдан намәдир

Јеһова Аллаһ бизә мөһтәшәм бир һәдијјә вериб. Бу, 66 бөлмәдән ибарәт Мүгәддәс Китабдыр. Амма, ола билсин, сиз дүшүнүрсүнүз: «Мүгәддәс Китаб инсанлара неҹә назил олуб? Бу китабын мүәллифи кимдир?» Бу суаллара ҹаваб тапмаг үчүн ҝәлин Аллаһын Мүгәддәс Китабы бизә неҹә назил етдијинә нәзәр салаг.

1. Мүгәддәс Китабы инсанлар јазыбса, нәјә ҝөрә Мүәллифинин Аллаһ олдуғуну дејирик?

Мүгәддәс Китаб б. е. ә. 1513-ҹү илдән б. е. тәхминән 98-ҹи илинә гәдәр јазылыб. 1600 илдән чох давам едән дөвр әрзиндә јазылмыш бу китабы тәхминән 40 нәфәр киши гәләмә алыб. Онлар мүхтәлиф тәбәгәдән олан инсанлар иди. Бунунла белә, Мүгәддәс Китабын бүтүн һиссәләри бир-бирилә һәмаһәнҝдир. Бу неҹә мүмкүндүр? Чүнки Мүгәддәс Китабын Мүәллифи Аллаһдыр. (1 Салоникилиләрә 2:13 ајәсини охујун.) Китабы гәләмә алан инсанлар өз фикирләрини јазмырдылар. Онлар «мүгәддәс руһ тәрәфиндән јөнәлдиләрәк Аллаһдан ҝәлән сөзләри» данышырдыларa (2 Бутрус 1:21). Аллаһ мүгәддәс руһу васитәсилә инсанлары һәрәкәтә ҝәтирәрәк Өз фикирләрини јаздырмышды (2 Тимутијә 3:16).

2. Мүгәддәс Китаб кимләр үчүндүр?

Аллаһ демишди ки, Мүгәддәс Китабда јазылмыш мүждә «һәр халга, тајфаја, дилә вә үммәтә» мәхсус инсанлара фајда ҝәтирәҹәк. (Вәһј 14:6 ајәсини охујун.) Һәгигәтән дә, бу ҝүн Мүгәддәс Китаб бүтүн китаблардан даһа чох дилдә мөвҹуддур. Һарада јашамасындан, һансы дилдә данышмасындан асылы олмајараг, демәк олар ки, һамы Мүгәддәс Китабы охуја биләр.

3. Јеһова Мүгәддәс Китабы неҹә горујуб?

Мүгәддәс Китаб дәридән вә папирусдан һазырланмыш давамсыз јазы материалларынын үзәринә јазылмышды. Амма Мүгәддәс Китаба дәјәр верән инсанлар ону диггәтлә көчүрүрдүләр. Бир сыра сәлаһијјәтли шәхсләр Мүгәддәс Китабы јох етмәјә чалышсалар да, бәзи инсанлар һәјатлары баһасына ону горумушдулар. Јеһова јол вермәјиб ки, бизимлә үнсијјәт гурмасына кимсә вә ја нәсә мане олсун. Мүгәддәс Китабда јазылыб: «Аллаһымызын сөзү әбәди галар» (Әшија 40:8).

Д Ә Р И Н Л И Ј Ә  В А Р Ы Н

4. Мүәллифинин ким олдуғуну Мүгәддәс Китаб өзү ачыглајыр

ВИДЕОЈА бахын. Сонра 2 Тимутијә 3:16 ајәсини охујун вә нөвбәти суаллары мүзакирә един:

ВИДЕО: «Мүгәддәс Китабын мүәллифи кимдир?» Фрагмент (2:48)

• Әҝәр Мүгәддәс Китабы инсанлар јазыбса, онда нәјә ҝөрә о, Аллаһын Сөзү адланыр?

• Сизҹә, Аллаһын Өз фикирләрини инсанлара чатдырмасы мәнтигли дејил?

5. Мүгәддәс Китабы мәһв етмәк мүмкүн олмады

ВИДЕО: «Онлар Мүгәддәс Китаба дәјәр верирдиләр. Сәнәдли филмдән парча (Уилијам Тиндал)» (6:17)

• Инсанларын Мүгәддәс Китабы өз һәјатлары баһасына горумасы сиздә ону охумаға һәвәс јарадыр?

Зәбур 119:97 ајәсини охујун вә нөвбәти суалы мүзакирә един:

• Өзләрини тәһлүкәјә атыб, Мүгәддәс Китабы тәрҹүмә етмәјә вә јајмаға инсанлары нә тәшвиг етмишди?

6. Бүтүн инсанлар үчүндүр

Мүгәддәс Китаб дүнјада ән чох дилә тәрҹүмә олунмуш вә ән ҝениш јајылмыш китабдыр. Һәвариләрин ишләри 10:34, 35 ајәләрини охујун вә нөвбәти суаллары мүзакирә един:

• Нә үчүн Аллаһ истәјир ки, Кәламы чохлу дилә тәрҹүмә олунсун вә ҝениш јајылсын?

• Мүгәддәс Китаб һаггында өјрәндијиниз һансы мәлумат сизә даһа мараглы ҝәлди?

ИҸМАЛ

Мүгәддәс Китаб Аллаһын Кәламыдыр. Аллаһ Өз Кәламыны бүтүн бәшәријјәт үчүн әлчатан едиб.

Тәкрар

• Аллаһ Мүгәддәс Китабы неҹә назил едиб?

• Бу дәрсдә Мүгәддәс Китаб барәдә өјрәндијиниз һансы мәлумат сизә мараглы ҝәлди?

• Аллаһын сизинлә үнсијјәт етмәк үчүн бу гәдәр ишләр ҝөрмәси сиздә һансы һиссләри ојадыр?

Ә Л А В Ә  М Ә Л У М А Т

Мүгәддәс Китабын илк әлјазмаларындан мүасир тәрҹүмәләринә гәдәр олан тарихи илә таныш олун.

«Мүгәддәс Китаб бизим дөврә неҹә ҝәлиб чатыб?» («Ојанын!», нојабр 2007)

Мүгәддәс Китабын үч бөјүк тәһлүкәдән неҹә горундуғу барәдә охујун.

«Аллаһын горудуғу Мүгәддәс Китаб» («Ҝөзәтчи гүлләси» № 4, 2016)

Ҝөрүн инсанлар һансы тәһлүкәләрә рәғмән, Мүгәддәс Китабы тәрҹүмә етмишләр.

«Онлар Мүгәддәс Китаба дәјәр верирдиләр» (14:26)

Мүгәддәс Китаб дәфәләрлә көчүрүлүб вә тәрҹүмә олунуб. Бу китабын дәјишдирилмәдијинә неҹә әмин ола биләрсиниз?

«Мүгәддәс Китаб тәһриф олунуб?» (интернет мәгаләси)