Данышығынызла Јеһованы севиндирин

Јеһова бизә ҝөзәл бир әнам, данышыг габилијјәти бәхш едиб. О бу әнамдан неҹә истифадә етдијимизә фикир верир. (Јагуб 1:26 ајәсини охујун.) Бәс данышыг габилијјәтимиздән неҹә истифадә етмәлијик ки, Јеһова разы галсын?

1. Данышыг габилијјәтиндән неҹә истифадә етмәлијик?

Мүгәддәс Китабда дејилир: «Бундан сонра да бир-биринизә тәсәлли верин вә бир-биринизи мөһкәмләндирин» (1 Салоникилиләрә 5:11). Таныдығыныз адамлардан киминсә тәсәллијә еһтијаҹы вар? Дүшүнүн ҝөрүн онлары неҹә руһландыра биләрсиниз. Онлары әмин един ки, сизин үчүн дәјәрлидирләр. Хошунуза ҝәлән ҹәһәтләрини өзләринә дејин. Бәлкә дә, һансыса ајә илә кимисә руһландыра биләрсиниз. Бунун үчүн чохлу ајә тапмаг олар. Бир шеји дә унутмајын ки, сөзүн дејилиш тәрзи инсана сөзүн өзү гәдәр тәсир едә биләр. Одур ки, һәмишә меһрибан вә мүлајим данышмаға чалышын (Мәсәлләр 15:1).

2. Нә ҹүр данышыгдан узаг дурмалыјыг?

Мүгәддәс Китабда дејилир: «Гој дилиниздән һеч бир пис сөз чыхмасын». (Ефеслиләрә 4:29 ајәсини охујун.) Бу о демәкдир ки, налајиг сөзләр данышмамалыјыг, һәмчинин дилимизә инсанлары јаралајан аҹы, тәһгирамиз сөзләр ҝәтирмәмәлијик. Гејбәт вә бөһтандан да узаг дурмалыјыг. (Мәсәлләр 16:28 ајәсини охујун.)

3. Нәјин сајәсиндә сөзләримиз руһландырыҹы ола биләр?

Чох вахт дедијимиз сөзләр үрәјимиздәкиләри, дүшүнҹәләримизи үзә чыхарыр (Лука 6:45). Одур ки, диггәтимизи мүсбәт шејләрә — салеһ, пак, севилмәли вә тәрифәлајиг шејләрә ҹәмләмәји өјрәнмәлијик (Филиппилиләрә 4:8). Бунун үчүнсә дост вә әјләнҹә сечиминдә диггәтли олмалыјыг (Мәсәлләр 13:20). Һәмчинин данышмаздан габаг дүшүнмәјин дә бөјүк көмәји вар. Нәсә демәздән габаг дүшүнүн ҝөрүн сөзләриниз инсана неҹә тәсир едәҹәк. Мүгәддәс Китабда дејилир: «Дүшүнмәдән дејилән сөз гылынҹ зәрбәсинә бәнзәр, һикмәтли инсанын дили исә мәлһәмдир» (Мәсәлләр 12:18).

Д Ә Р И Н Л И Ј Ә  В А Р Ы Н

4. Дилинизи јүјәнләјин

Бәзән һәр биримиз нә исә дејирик, амма сонрадан бунун пешманчылығыны чәкирик (Јагуб 3:2). Галатијалылара 5:22, 23 ајәләрини охујун вә нөвбәти суаллары мүзакирә един:

• Дилинизи јүјәнләмәк үчүн бу хүсусијјәтләрдән һансы барәдә дуа едә биләрсиниз? Һәмин хүсусијјәтләр сизә неҹә көмәк едә биләр?

1 Коринфлиләрә 15:33 ајәсини охујун вә нөвбәти суалы мүзакирә един:

• Дост вә әјләнҹә сечими данышығыныза неҹә тәсир едә биләр?

Ваиз 3:1, 7 ајәләрини охујун вә нөвбәти суалы мүзакирә един:

• Һансы һалларда сусмаг, јахуд сөзүн мәгамыны ҝөзләмәк ағыллы һәрәкәт олар?

5. Башгалары һагда хош данышын

ВИДЕО: «Башгаларыны мөһкәмләндирән јахшы сөзләр сөјләјин» (4:07)

• Гардаш нәјә ҝөрә данышыг тәрзини дәјишмәк истәди?

• О дәјишмәк үчүн нә етди?

Ваиз 7:16 ајәсини охујун вә нөвбәти суалы мүзакирә един:

• Киминсә һаггында пис данышмаг истәјәндә нәји јадымыза салмалыјыг?

Ваиз 7:21, 22 ајәләрини охујун вә нөвбәти суалы мүзакирә един:

• Кимсә сизин барәниздә пис данышанда бу ајәләр сизә дилхор олмамаға неҹә көмәк едә биләр?

6. Аилә үзвләринизлә мүлајим данышын

ВИДЕО: «Мәһәббәт вә һөрмәт аиләни горујур» (3:08)

• Аилә үзвләринизлә мүлајим данышмаға сизә нә көмәк едә биләр?

Ефеслиләрә 4:31, 32 ајәләрини охујун вә нөвбәти суалы мүзакирә един:

• Нә ҹүр данышыг аилә телләрини мөһкәмләндирир?

Јеһова Оғлу Исаја бәсләдији мәһәббәти дилә ҝәтирмишди. Мәтта 17:5 ајәсини охујун вә нөвбәти суалы мүзакирә един:

• Аилә үзвләринизлә данышаркән Јеһовадан неҹә өрнәк ала биләрсиниз?

ИҸМАЛ

Сөзләр бөјүк ҝүҹә маликдир. Нә дедијимизә, нә заман дедијимизә вә неҹә дедијимизә фикир вермәлијик.

Тәкрар

• Сөзләринизлә башгаларына неҹә көмәк едә биләрсиниз?

• Һансы данышыг тәрзиндән гачмаг истәјәрдиниз?

• Һәмишә мүлајим вә руһландырыҹы тәрздә данышмаға бизә нә көмәк едә биләр?

Ә Л А В Ә  М Ә Л У М А Т

Руһландырыҹы тәрздә данышмаға бизә нә көмәк едә биләр?

«Һикмәтли инсанын дили мәлһәмдир» (8:04)

Дилинизә налајиг сөзләр ҝәтирмәмәјә сизә нә көмәк едә биләр?

«Сөјүш сөјмәјин нәји писдир?» (интернет мәгаләси)

Гејбәтдән неҹә узаг дурмаг олар?

«Гејбәтә јол вермәјәк!» (2:36)

Ҝөрүн бир нәфәр Јеһованын көмәјилә сөјүшү неҹә тәрҝитди.

«Агибәтим барәдә ҹидди дүшүнмәјә башладым» («Ҝөзәтчи гүлләси», 1 август 2013)