Јадыныздадырмы?
«Ҝөзәтчи Гүлләси»нин сон сајлары хошунуза ҝәлдими?
Елә исә ашағыдакы суаллара ҹаваб вермәјә чалышын:
• Мәсиһ нәјә ҝөрә өлмәли иди?
Исанын өлүмү сүбут етди ки, камил инсан ән шиддәтли сынаг гаршысында белә Аллаһа садиг гала биләр. Һәмчинин о, ҹаныны гурбан вермәклә Адәмин өз өвладларына мирас вердији ҝүнаһын әвәзини өдәди, бунунла да әбәди һәјата јол ачды (15.12., сәһифәләр 22, 23).
• Инсана спиртли ичкиләрдән суи-истифадә етмәмәјә нә көмәк едә биләр?
Бу мәсәләдә дуа етмәјин вә Мүгәддәс Китабы өјрәнмәјин көмәји дәјә биләр. Инсанын өзүнә һаким олмағы өјрәнмәси, гәрарына садиг галмасы вә мүсбәт тәсир ҝөстәрән инсанларла отуруб-дурмасы ваҹибдир. Ички ичмәјә гәрар верән инсан өзү үчүн конкрет һәдд гојмалы вә «јох» демәји өјрәнмәлидир (јан.—март, сәһифәләр 7—9).
• Ушагларла јахшы үнсијјәт өзүнә нәји дахил едир?
Бу, өзүнә садәҹә сөһбәт етмәји јох, суаллар вермәји вә сәбирлә онларын ҹавабларына гулаг асмағы дахил едир. Бир чохлары фикир вермишләр ки, сүфрә архасында топлашмаг үнсијјәт үчүн әла фүрсәтдир (15.1., сәһифәләр 18, 19).
• Һансы һалларда тәкрар вәфтиз олунма мәсәләси нәзәрдән кечирилә биләр?
Ола билсин, инсан вәфтиз олундуғу вахт ҝизлиҹә елә һәјат тәрзи сүрүб, јахуд елә ишлә мәшғул олуб ки, әҝәр һәмин вахт вәфтиз олунмуш олсајды, буна ҝөрә јығынҹагдан кәнар едилә биләрди. Белә олан һалда тәкрар вәфтиз олунмаг барәдә дүшүнмәк олар (15.2., сәһифә 22).
• Исанын буғда вә дәлиҹә мәсәлиндә јахшы тохумун сәпилмәси нәји тәмсил едир?
Инсан Оғлу Иса јерүзү хидмәти заманы тарланы һазырламышды. Јахшы тохум ерамызын 33-ҹү илинин Пентикост ҝүнүндән, мәсиһчиләр Аллаһын оғуллары, јәни Падшаһлығын оғуллары кими мәсһ олундуглары андан етибарән сәпилмәјә башланды (15.3., сәһифә 20).
• Исанын мәсәлиндәки символик буғда Јеһованын анбарына неҹә ҝәтирилир? (Мат. 13:30).
Бу, ахыр ҝүнләрдә, јәни мүәјјән мүддәт әрзиндә јеринә јетир. Падшаһлығын мәсһ олунмуш оғуллары — символик буғда — бәрпа олунмуш мәсиһчи јығынҹағына ҝәтириләндә, јахуд сәмави мүкафатларыны аланда Јеһованын анбарына топланылырлар (15.3., сәһифә 22).