1. Зәлзәләләр — Ҝөзәтчи гүлләсинин ОНЛАЈН КИТАБХАНАСЫ

1. Зәлзәләләр

«Ҝүҹлү зәлзәләләр олаҹаг» (ЛУКА 21:11).

● Һаитидә баш вермиш зәлзәләнин нәтиҹәләри һагда сүжет һазырлајан чәкилиш һејәти зәиф инилти сәси ешидир. Бу, 16 ајлыг Виннинин сәси иди. Балаҹа гызҹығазы дағынтыларын алтындан чыхардырлар. О, сағ галыр, валидејнләри исә јох.

ФАКТЛАР НӘЈИ ҜӨСТӘРИР? 2010-ҹу илин јанварында Һаитидә 7 бал ҝүҹүндә баш вермиш зәлзәләдә 300 000-дән чох инсан һәјатыны итирди. Үстәлик, 1,3 милјон инсан евсиз-ешиксиз галды. Анҹаг бу дәһшәтли зәлзәлә јеҝанә һал дејилди. 2009-ҹу илин апрел ајындан 2010-ҹу илин апрел ајына гәдәр бүтүн дүнјада ән азы 18 ҝүҹлү зәлзәлә гејдә алыныб.

ЕТИРАЗЛАР. Демәк олмаз ки, зәлзәләләрин сајы артыб, садәҹә олараг кечмишә баханда бу ҝүн мүасир технолоҝијанын сајәсиндә онлар һагда бизим даһа чох хәбәримиз олур.

БУ ЕТИРАЗЛАР ӘСАСЛЫДЫРМЫ? Бир факта нәзәр салаг: Мүгәддәс Китабда ахыр ҝүнләрдә баш верәҹәк зәлзәләләрин сајы гејд олунмајыб. Анҹаг «бир чох јерләрдә» «ҝүҹлү зәлзәләләр»ин олаҹағы дејилир; һәмчинин орада ҝөстәрилир ки, бунлар тарихин ән ваҹиб дөврүнүн сәҹијјәви әламәти олаҹаг (Марк 13:8; Лука 21:11).

СИЗ НЕҸӘ ДҮШҮНҮРСҮНҮЗ? Мүгәддәс Китабда габагҹадан дејилдији кими, ҝүҹлү зәлзәләләр баш верирми?

Зәлзәләләр ахыр ҝүнләрдә јашадығымыза дәлаләт едән јеҝанә сәбәб дејил. Бу, јеринә јетән пејғәмбәрликләрдән садәҹә биридир. Ҝәлин нөвбәти пејғәмбәрлији нәзәрдән кечирәк.

[4–ҹү сәһифәдәки јазы]

«Биз [ҝеофизикләр] онлары ҝүҹлү, башгалары исә дәһшәтли зәлзәләләр адландырыр» (КЕН ҺАДНАТ, АБШ-ЫН ҜЕОЛОЖИ ХИДМӘТИ).

[4–ҹү сәһифәдәки шәкил. Иҹазә илә]