Дүнјанын ахыры. Тәсәввүрләр вә фәрзијјәләр

«Ахыр заманда чәтин дөврләр олаҹаг» (ИНҸИЛa).

БУ ҜҮН һәм медиа ишчиләринин, һәм дә дин хадимләринин дилиндән тез-тез «ахыр заман», јахуд «дүнјанын ахыры» кими сөзләр ешидирик. Бу сөзләри ешидәндә тәсәввүрүнүздә нә ҹанланыр? Бәлкә бөјүк фәлакәт?

Бәс ҝөрәсән дүнјанын ахыры илә бағлы ҝениш јајылмыш тәсәввүрләр Аллаһын Кәламы илә үст-үстә дүшүр? Бу суалын үзәриндә дүшүнмәјә дәјәр. Чүнки дүнјанын ахырынын нә демәк олдуғуну билсәк, бош јерә горху кечирмәјәҹәјик, ҝәләҹәјә бахышымыз никбин олаҹаг вә Аллаһы даһа јахшы таныјаҹағыг.

Ҝәлин дүнјанын ахыры илә әлагәдар үч суала нәзәр салаг вә бу мәсәлә илә бағлы ҝениш јајылмыш тәсәввүрләри Аллаһын Кәламы илә тутушдураг.

1. ИНСАН ДҮНЈАНЫН АХЫРЫНА ЧЫХАҸАГ?

Журналистләр вә тәдгигатчылар инсанларын тәгсири уҹбатындан фәлакәт баш верәндә дејирләр ки, дүнјанын ахыры чатыб. Мәсәлән, Ы вә ЫЫ Дүнја мүһарибәсини «дүнјанын ахыры» адландырырдылар. Бу мүһарибәләрдән сонра инсанлар Бирләшмиш Штатларла Совет Иттифагынын бир-биринә гаршы нүвә силаһы ишләдәҹәјиндән горхурду. Бу ҹүр мүһарибә тәһлүкәси барәдә медиада дејилирди ки, нүвә силаһлары дүнјанын ахырына апарыб чыхараҹаг. Бу ҝүн исә әтраф мүһитин чиркләнмәсинин иглимин кәскин дәјишмәсинә сәбәб олаҹағындан горхан тәдгигатчылар һәјәҹан тәбили вурур: дүнјанын ахырыдыр, иглим фәлакәти бизи һаглајыб.

Бу фикирләрин мәғзи: Планетимизин дә, үзәриндәки ҹанлыларын да талеји инсанларын әлиндәдир. Әҝәр дөвләтләр ағылла һәрәкәт етмәсә, Јер күрәсини хилас етмәк мүмкүн олмајаҹаг.

Мүгәддәс Китабда нә дејилир: Аллаһ инсанларын Јер күрәсини мәһв етмәсинә изин вермәјәҹәк. Аллаһын Кәламыны охујанда әмин олуруг ки, Јеһоваb Аллаһ Јер күрәсини бош-бошуна јаратмајыб, јарадыб ки, орада инсанлар јашасын (Јешаја 45:18). Инсанлар Јер күрәсини мәһв едә билмәјәҹәк, чүнки Аллаһ јери тәләф едәнләрин өзүнү тәләф едәҹәк (Вәһј 11:18).

2. ТӘБИИ ФӘЛАКӘТЛӘР ДҮНЈАНЫ МӘҺВ ЕДӘҸӘК?

Бәзән бөјүк тәбии фәлакәтләр мәтбуатда дүнјанын ахыры кими тәгдим олунур. Билдијимиз кими, 2010-ҹу илдә Һаитидә өлкәни сарсыдан дәһшәтли зәлзәлә баш вермишди. Һәмин зәлзәлә һәдсиз ағры-аҹыја сәбәб олмуш, нечә-нечә инсанын һәјатына сон гојмуш, өлкәјә бөјүк зәрәр вурмушду. Бир хәбәрдә бу фәлакәт «Һаитидә дүнјанын ахыры» кими гәләмә верилмишди. Лакин мәтбуат ишчиләри вә кинорежиссорлар тәкҹә өтүб-кечмиш фәлакәтләри дејил, баш вермәси еһтимал олунан һадисәләри дә дүнјанын ахыры адландырырлар. Мәсәлән, астероидин Јерлә тоггушмасынын төрәдә биләҹәји фәсадлар һагда данышыларкән «дүнјанын ахыры» кәлмәсини ешитмәмәк мүмкүн дејил.

Бу фикирләрин мәғзи: Дүнјанын ахыры ҝәләндә гурунун одуна јаш да јанаҹаг, јахшы-пис һамы мәһв олаҹаг, һеч ким о ҝүндән сағ чыха билмәјәҹәк.

Мүгәддәс Китабда нә дејилир: Аллаһ уҹдантутма һамыны мәһв етмәјәҹәк. Јалныз аллаһсыз адамлар тәләф олаҹаг. Зәбур китабында белә бир вәд јазылыб: «Пис јох олаҹаг, јерини ахтарсан белә, тапылмајаҹаг» (Мәзмур 37:10). Бу вәд тезликлә јеринә јетәҹәк.

3. ДОҒРУДАНМЫ АЛЛАҺ ЈЕРИ МӘҺВ ЕДӘҸӘК?

Диндар инсанларын чоху инаныр ки, вахт ҝәләҹәк хејирлә шәр сонунҹу дәфә бир мејданда үз-үзә дураҹаг вә о заман дүнја дағылаҹаг. АБШ-да бир тәдгигат шөбәсинин апардығы сорғуја әсасән, сорғу иштиракчыларынын гырх фаизи һесаб едир ки, дүнјанын ахыры «Армаҝеддон» адланан мүһарибәдә ҝәләҹәк.

Бу фикирләрин мәғзи: Һеч ким дүнјаны тутуб дурмајаҹаг. Бир ҝүн доғулан бир ҝүн дә өлмәлидир. Јер күрәсини дә Аллаһ әбәдилик јаратмајыб.

Мүгәддәс Китабда нә дејилир: Аллаһ Јер үзүнүн тәмәлини елә гуруб ки, «әсла сарсылмасын» (Мәзмур 104:5). Јерин сакинләринә ҝәлинҹә исә орада бу сөзләр јазылыб: «Салеһләр јери мирас алаҹаг вә орада әбәдијјән јашајаҹаглар» (Мәзмур 37:29, «Китабы Мукаддес»).

Ҝөрдүјүмүз кими, дүнјанын ахыры илә бағлы ҝениш јајылмыш бир чох тәсәввүрләр Мүгәддәс Китаба зиддир. Елә исә ҝәлин ҝөрәк дүнјанын ахыры барәдә һәгигәт нәдән ибарәтдир.

[Һашијә]