Ахырзаманда «шимал падшаһы» олмуш дөвләтләр

1. Мүгәддәс Китаб пејғәмбәрликләри бизә нәји әјан едир?

ЈАХЫН ҝәләҹәкдә Јеһованын халгыны нә ҝөзләјир? Еһтимал ирәли сүрмәјә ҝәрәк јохдур. Мүгәддәс Китаб пејғәмбәрликләри ҝәләҹәјә пәнҹәрә ачараг чох тезликлә Аллаһын халгына әһәмијјәтли дәрәҹәдә тәсир едәҹәк һадисәләри бизә әјан едир. Пејғәмбәрликләрин бириндә јер үзүнүн ән гүдрәтли дөвләтләринин нә едәҹәјини ҝөрмәк олар. Бу һагда Дәнјал китабынын 11-ҹи фәслиндә јазылыб. Орада бир-бири илә чәкишән ики падшаһдан, шимал вә ҹәнуб падшаһындан данышылыр. Бу пејғәмбәрлијин бөјүк гисминин артыг јеринә јетмәси бизи әмин едир ки, галан һиссәси дә јеринә јетәҹәк.

2. Јарадылыш 3:15, Вәһј 11:7 вә 12:17 ајәләринә әсасән, Дәнјалын пејғәмбәрлијини арашдыраркән нәләри нәзәрә алмалыјыг?

² Дәнјал китабынын 11-ҹи фәслиндәки пејғәмбәрлији баша дүшмәк үчүн нәзәрә алмалыјыг ки, орада сөһбәт Аллаһын халгына бирбаша тәсири олан рәһбәрләрдән вә дөвләтләрдән ҝедир. Мараглыдыр, Аллаһын хидмәтчиләри дүнја әһалисинин аз һиссәсини тәшкил етдији һалда, нәјә ҝөрә дүнја дөвләтләринин тәгиб һәдәфи олур? Шејтанын вә һакимијјәти алтында олан бүтүн системин әсас мәгсәди будур: Јеһоваја вә Иса Мәсиһә итаәт едән инсанлары јер үзүндән јох етмәк. (Јарадылыш 3:15 вә Вәһј 11:7; 12:17 ајәләрини охујун.) Даһа бир мәгамы нәзәрә алмалыјыг: Дәнјалын јаздығы пејғәмбәрлик Аллаһын Кәламындакы диҝәр пејғәмбәрликләрлә узлашмалыдыр. Башга сөзлә десәк, Дәнјалын пејғәмбәрлијини дүзҝүн баша дүшмәк үчүн ону Мүгәддәс Китабын диҝәр һиссәләри илә тутушдурмалыјыг.

3. Бу вә нөвбәти мәгаләдә нәји арашдыраҹағыг?

³ Ҝәлин бу амилләри нәзәримиздә сахлајараг, Дәнјал 11:25—39 ајәләрини арашдыраг. Биз өјрәнәҹәјик ки, 1870-ҹи илдән 1991-ҹи илә гәдәр кимләр шимал вә ҹәнуб падшаһы олуб вә нәјә ҝөрә пејғәмбәрлијин бир һиссәсинин изаһына дүзәлиш етмәк ҝәрәкдир. Нөвбәти мәгаләдә Дәнјал 11:40—12:1 ајәләри арашдырылыр вә пејғәмбәрлијин бу һиссәсинин 1991-ҹи илдән Армаҝеддона кими олан вахт кәсији илә бағлы нәји ачыгладығына ајдынлыг ҝәтирилир. Бу ики мәгаләни арашдыраркән јахшы оларды ки, «Ахырзаманда рәгиб падшаһлар» адлы схемә дә бахасыныз. Әввәлҹә ҝәлин пејғәмбәрликдәки ики падшаһын ким олдуғуну мүәјјән едәк.

ШИМАЛ ПАДШАҺЫ ВӘ ҸӘНУБ ПАДШАҺЫ

4. Һансы амилләр шимал падшаһыны вә ҹәнуб падшаһыны мүәјјән етмәјә көмәк едир?

⁴ Илк дәфә «шимал падшаһы» вә «ҹәнуб падшаһы» титуллары Исраил торпағынын шималында вә ҹәнубунда јерләшән башчылара аид ишләниб. Буну һарадан билирик? Ҝөрүн Дәнјала хәбәр ҝәтирән мәләк нә демишди: «Мән ҝәлдим сәнә ачым,.. сәнин халгынла нәләр олаҹаг» (Дән. 10:14). Ерамызын 33-ҹү илинин Әллинҹи ҝүн бајрамына гәдәр Исраил халгы Аллаһа мәхсус халг иди. Амма о вахтдан бәри Јеһова ачыг-ајдын ҝөстәриб ки, һал-һазырда Онун халгы Иса Мәсиһин садиг давамчыларыдыр. Бу сәбәбдән Дәнјал китабынын 11-ҹи фәслиндә јазылмыш пејғәмбәрлијин чох һиссәси Исраил халгы илә јох, Мәсиһин давамчылары илә әлагәлидир (Һәв. 2:1—4; Ром. 9:6—8; Гал. 6:15, 16). Бундан әлавә, тарих боју шимал падшаһы вә ҹәнуб падшаһы фәргли-фәргли рәһбәрләр вә ја дөвләтләр олуб. Лакин онларын һамысынын ортаг ҹәһәтләри вар. Биринҹиси, бу рәһбәрләрин Аллаһын халгы үзәриндә әһәмијјәтли дәрәҹәдә тәсири олуб. Икинҹиси, онлар Аллаһын халгы илә пис рәфтар едәрәк вар олан Аллаһа, Јеһоваја нифрәт етдикләрини ҝөстәрибләр. Үчүнҹүсү исә, шимал падшаһы вә ҹәнуб падшаһы һәмишә бир-бири илә сәлаһијјәт уғрунда мүбаризә апарыб.

5. II әсрин мүәјјән илләриндән XIX әсрин сонларына кими шимал падшаһы вә ҹәнуб падшаһы мөвҹуд олуб? Изаһ един.

⁵ Ерамызын II әсринин мүәјјән илләриндә мәсиһи јығынҹағына сахта мәсиһиләр дахил олмаға башламышды. Онлар јалан дини тәлимләр өјрәдир вә Аллаһын Кәламындакы һәгигәтләри ҝизләдирдиләр. Һәмин вахтдан XIX әсрин сонларына кими јер үзүндә Аллаһын хидмәтчиләриндән ибарәт тәшкилат јох иди. Сахта мәсиһиләр алаг оту кими чохалмаға башламышды вә беләҹә, кимләрин һәгиги мәсиһи олдуғуну мүәјјән етмәк чох чәтин иди (Мәт. 13:36—43). Бу мәлуматы билмәк нә үчүн ваҹибдир? Бурадан ајдын олур ки, II әсрин мүәјјән илләриндән XIX әсрин икинҹи јарысына кими шимал падшаһы вә ҹәнуб падшаһы мөвҹуд ола билмәзди. Аллаһын хидмәтчиләриндән ибарәт тәшкилат олмадығы үчүн она һүҹум едән падшаһлар да јох идиb. Бунунла белә, XIX әсрин сонларында шимал падшаһынын вә ҹәнуб падшаһынын јенидән пејда олдуғуну ҝөрмәк мүмкүн иди. Нәјә әсасән белә демәк олар?

6. Аллаһын хидмәтчиләринин ким олдуғуну јенидән мүәјјән етмәк нә вахт мүмкүн олду? Изаһ един.

⁶ 1870-ҹи илдән етибарән Аллаһын хидмәтчиләриндән ибарәт груп јаранмаға башлады. Һәмин ил Чарлз Тејз Рассел вә башга бир нечә нәфәр груп шәклиндә Мүгәддәс Китабы арашдырмаға башладылар. Пејғәмбәрликдә дејилән Мәсиһин Падшаһлығынын гурулмасындан өнҹә јол һазырлајан «елчи» Рассел вә достлары иди (Мәл. 3:1). Беләҹә, Аллаһын хидмәтчиләринин ким олдуғуну мүәјјән етмәк јенидән мүмкүн олду! Бәс һәмин вахт Аллаһын хидмәтчиләрини тәгиб едән дөвләт вар иди? Ҝәлин нөвбәти фактлары нәзәрдән кечирәк.

ҸӘНУБ ПАДШАҺЫ КИМДИР?

7. 1917-ҹи илә гәдәр ҹәнуб падшаһы ким олуб?

⁷ Артыг 1870-ҹи илдә Британија дүнјада ән бөјүк империја иди вә ән ҝүҹлү һәрби гүввәјә малик иди. Дәнјалын пејғәмбәрлијиндә үч бујнузу мәғлуб едән балаҹа бир бујнуздан сөз ачылыр. Бу балаҹа бујнуз Британија империјасыны, үч бујнуз исә Франса, Испанија вә Нидерланды тәмсил едир (Дән. 7:7, 8). 1917-ҹи илә гәдәр ҹәнуб падшаһы Британија иди. Елә һәмин вахт Америка Бирләшмиш Штатлары игтисадијјатда апарыҹы гүввәјә чеврилмишди вә Британија илә сых әмәкдашлыг гурмаға башламышды.

8. Ахырзаман әрзиндә ҹәнуб падшаһы ким олуб?

⁸ Биринҹи Дүнја мүһарибәси әрзиндә Бирләшмиш Штатлар вә Британија өз гүввәләрини бирләшдириб ҝүҹлү һәрби иттифаг гурдулар. Һәмин вахт Британија вә онун кечмиш мүстәмләкәси олан Бирләшмиш Штатлар Инҝилтәрә-Америка дүнја империјасына чеврилди. Дәнјалын пејғәмбәрлик етдији кими, бу падшаһ «чох бөјүк вә ҝүҹлү орду» топламышды (Дән. 11:25). Ахырзаман әрзиндә ҹәнуб падшаһы һәмишә Инҝилтәрә-Америка иттифагы олубc. Бәс шимал падшаһы ким олуб?

ШИМАЛ ПАДШАҺЫ ЈЕНИДӘН ПЕЈДА ОЛУР

9. Шимал падшаһы нә вахт јенидән пејда олду вә Дәнјал 11:25 ајәси неҹә јеринә јетди?

⁹ Рассел вә башга бир нечә нәфәр груп шәклиндә Мүгәддәс Китабы арашдырмаға башлајандан бир ил сонра, јәни 1871-ҹи илдә шимал падшаһы јенидән пејда олду. Һәмин ил Отто фон Бисмарк Алманија империјасынын әсасыны гојду. Пруссија кралы I Вилһелм империјанын илк императору олду вә Бисмаркы биринҹи канслер тәјин етдиd. Алманија нөвбәти онилликләр әрзиндә Африка вә Сакит океан өлкәләрини идарәси алтына алараг ҝүҹлү мүстәмләкәчи империјаја чеврилди; о, Британијадан даһа гүдрәтли олмаға чалышырды. (Дәнјал 11:25 ајәсини охујун.) Алманија империјасы ҝүҹлү орду вә дүнјада икинҹи ән бөјүк һәрби дәниз донанмасы јаратды. Биринҹи Дүнја мүһарибәсиндә Алманија өз силаһлы гүввәләрини дүшмәнләринә гаршы истифадә етди.

10. Дәнјал 11:25б, 26 ајәләриндәки пејғәмбәрлик неҹә јеринә јетди?

¹⁰ Даһа сонра Дәнјал пејғәмбәр Алманија империјасы вә онун гурдуғу һәрби гүввәнин агибәти һагда јазыр. Пејғәмбәрликдә дејилир ки, шимал падшаһы «дурмајаҹаг, чүнки она гаршы гәсд гурулаҹаг. Онун ләзиз тәамларындан даданлар ону јыхаҹаг» (Дән. 11:25б, 26а). Дәнјал пејғәмбәрин дөврүндә «падшаһ тәамларындан» даданларын арасында «падшаһын хидмәтиндә» дуран сарај мәмурлары да вар иди (Дән. 1:5). Бу пејғәмбәрликдә сөһбәт кимләрдән ҝедир? Сөһбәт монархијанын деврилмәсиндә әли олан Алманија империјасындакы јүксәк рүтбәли мәмурлардан — императорун ҝенералларындан вә һәрби мүшавирләриндән ҝедирe. Пејғәмбәрликдә тәкҹә империјанын деврилмәсиндән јох, һәм дә ҹәнуб падшаһы илә мүһарибәнин нәтиҹәсиндән данышылыр. Орада шимал падшаһы һагда гејд олунур: «Ордусу исә сүпүрүлүб атылаҹаг, чохлу тәләфат олаҹаг» (Дән. 11:26б). Пејғәмбәрлик олундуғу кими, Биринҹи Дүнја мүһарибәсиндә алман ордусу сүпүрүлүб атылды вә чохлу тәләфат олду. Бу мүһарибә о вахта гәдәр баш вермиш ән тәләфатлы мүһарибә кими тарихә дүшдү.

11. Дәнјал 11:27—30 ајәләринә әсасән, шимал падшаһы вә ҹәнуб падшаһы нә етди?

¹¹ Дәнјал 11:27, 28 ајәләриндә Биринҹи Дүнја мүһарибәсинә ҝәтириб чыхаран һадисәләр тәсвир олунур. Орада дејилир ки, шимал падшаһы илә ҹәнуб падшаһы «бир маса архасында отуруб бир-биринә јалан данышаҹаг». Һәмчинин гејд олунур ки, шимал падшаһы «чохлу сәрвәт» топлајаҹаг. Мәһз белә дә олду. Алманија вә Британија бир-бириләринә сүлһ јаратмаг истәдикләрини десәләр дә, 1914-ҹү илдә мүһарибә башлајанда бунун ағ јалан олдуғу үзә чыхды. 1914-ҹү илә гәдәр Алманија игтисади ҹәһәтдән дүнјанын икинҹи ән зәнҝин дөвләти иди. Сонра Дәнјал 11:29 ајәсиндәки вә 30-ҹу ајәнин илк һиссәсиндәки пејғәмбәрлик јеринә јетди: Алманија ҹәнуб падшаһы илә дөјүшдү, амма мәғлуб олду.

ПАДШАҺЛАР АЛЛАҺЫН ХАЛГЫНА ГАРШЫ ДӨЈҮШҮР

12. Биринҹи Дүнја мүһарибәси заманы шимал падшаһы вә ҹәнуб падшаһы нә етмишди?

¹² 1914-ҹү илдән бәри бу ики падшаһ һәм бир-бири илә, һәм дә Аллаһын халгы илә даһа чох чәкишир. Мисал үчүн, Биринҹи Дүнја мүһарибәси заманы һәм Алманија, һәм дә Британија һөкумәти Аллаһын халгыны мүһарибәдә вурушмагдан имтина етдијинә ҝөрә тәгиб едирди. АБШ һөкумәти тәблиғ ишинә рәһбәрлик едәнләри һәбсә атырды. Бу тәгиб Вәһј 11:7—10 ајәләриндә јазылмыш пејғәмбәрлијин иҹрасы иди.

13. 1930-ҹу илләрдә вә Икинҹи Дүнја мүһарибәси әрзиндә шимал падшаһы нә едирди?

¹³ 1930-ҹу илләрдә, хүсусилә дә Икинҹи Дүнја мүһарибәси әрзиндә шимал падшаһы рәһмсизҹәсинә Аллаһын халгына һүҹум едирди. Насист партијасы Алманијаны идарә етмәјә башлајанда Һитлер вә тәрәфдарлары Аллаһын халгынын фәалијјәтинә гадаға гојду. Тәгибчиләр Јеһованын јүзләрлә хидмәтчисини гәтлә јетирди, минләрлә хидмәтчисини исә һәбс дүшәрҝәләринә сүрҝүн етди. Бу һадисәләр барәдә Дәнјал пејғәмбәр габагҹадан јазмышды. Шимал падшаһы тәблиғ ишинә гадаға гојду вә беләҹә, мүгәддәс мәканы мурдарлады вә даими гурбанлығы дајандырды (Дән. 11:30б, 31а). Алманија һөкумәтинин башчысы Һитлер һәтта сөз вермишди ки, бүтүн өлкәдә Аллаһын халгынын көкүнү кәсәҹәк.

ЈЕНИ ШИМАЛ ПАДШАҺЫ ПЕЈДА ОЛУР

14. Икинҹи Дүнја мүһарибәсиндән сонра шимал падшаһы ким олду? Изаһ един.

¹⁴ Икинҹи Дүнја мүһарибәсиндән сонра Коммунист Совет Иттифагы һөкумәти зәбт етдији бөјүк алман торпаглары үзәриндә нәзарәти әлинә алды вә беләҹә, шимал падшаһы олду. Тоталитар насист режими кими, Совет Иттифагы да Аллаһа ибадәти дөвләтә мүтләг табечиликдән үстүн тутанлара гаршы ҝүҹлү әдавәт апармаға башлады.

15. Икинҹи Дүнја мүһарибәси гуртарандан сонра шимал падшаһы нә етди?

¹⁵ Икинҹи Дүнја мүһарибәси гуртарандан гыса мүддәт сонра јени шимал падшаһы, јәни Совет Иттифагы вә мүттәфигләри Аллаһын халгына гаршы һүҹума башлады. Вәһј 12:15—17 ајәләриндә Аллаһын халгына гаршы тәгибләр селә бәнзәдилир. Бу пејғәмбәрликдә дејилдији кими, шимал падшаһы тәблиғ ишимизә гадаға гојду вә Јеһованын минләрлә хидмәтчисини Сибирә сүрҝүн етди. Белә ки, ахырзаман башлајандан бәри шимал падшаһынын Аллаһын халгына гаршы селә бәнзәр тәгибләринин арды-арасы кәсилмир; амма бу ҝүнә кими онларын фәалијјәтини дајандырмаға мүвәффәг олмајыбf.

16. Совет Иттифагы Дәнјал 11:37—39 ајәләриндәки пејғәмбәрлији неҹә иҹра етди?

¹⁶ Дәнјал 11:37—39 ајәләрини охујун. Бу пејғәмбәрлијә ујғун олараг, шимал падшаһы «ата-бабаларынын Аллаһыны» саја алмады. Неҹә? Совет Иттифагы дини јох етмәк мәгсәдилә әнәнәви дини тәшкилатларын сәлаһијјәтини зәифләтмәјә чалышды. Мәгсәдинә чатмаг үчүн артыг 1918-ҹи илдә мәктәбләрдә атеизм нәзәријјәсинин тәдрис олунмасына тәкан верән фәрман чыхарды. Бәс шимал падшаһы «истеһкамлар аллаһыны» неҹә уҹалтды? Совет Иттифагы гүдрәтини артырмаг үчүн күлли мигдарда пул хәрҹләјәрәк ордусуну ҝүҹләндирди вә минләрлә нүвә силаһы истеһсал етди. Беләҹә, шимал падшаһы вә ҹәнуб падшаһы милјардларла инсанын һәјатына сон гојмаға јетәҹәк сајда одлу силаһа саһиб олду.

ИКИ ДҮШМӘН ӘЛ-ӘЛӘ ВЕРИР

17. «Виранәлик ҝәтирән ијрәнҹ шеј» нәдир?

¹⁷ Шимал падшаһы мүһүм бир мәсәләдә ҹәнуб падшаһыны дәстәкләди; «онлар виранәлик ҝәтирән ијрәнҹ шеј» гојдулар (Дән. 11:31). Бу «ијрәнҹ шеј» Бирләшмиш Милләтләр Тәшкилатыдыр.

18. Нә үчүн Бирләшмиш Милләтләр Тәшкилаты «виранәлик ҝәтирән ијрәнҹ шеј» адланыр?

¹⁸ Бирләшмиш Милләтләр Тәшкилатынын «ијрәнҹ шеј» адланмасына сәбәб онун јалныз Аллаһын Падшаһлығынын едә биләҹәји шеји — бүтүн дүнјада сүлһ јаратмаға гадир олдуғуну иддиа етмәсидир. Пејғәмбәрликдә «ијрәнҹ шеј»ин «виранәлик» ҝәтирдији дејилир. Бу о демәкдир ки, Бирләшмиш Милләтләр Тәшкилаты бүтүн јалан динләрин мәһвиндә апарыҹы рол ојнајаҹаг. («Ахырзаманда рәгиб падшаһлар» адлы схемә бахын.)

БУ ТАРИХИ МӘЛУМАТЫН ӘҺӘМИЈЈӘТИ

19, 20. а) Нәјә ҝөрә бу тарихи мәлуматы билмәлијик? б) Нөвбәти мәгаләдә һансы суала ҹаваб вериләҹәк?

¹⁹ Биз бу тарихи мәлуматы билмәлијик. Арашдырдығымыз кими, Дәнјалын шимал падшаһы вә ҹәнуб падшаһы барәдә пејғәмбәрлији 1870-ҹи илдән 1991-ҹи илә кими јеринә јетиб. Одур ки, бу пејғәмбәрлијин галан һиссәсинин дә јеринә јетәҹәјинә әмин ола биләрик.

²⁰ 1991-ҹи илдә Совет Иттифагы дағылды. Бәс инди шимал падшаһы кимдир? Нөвбәти мәгаләдә бу суала ҹаваб верилир.