Genişürəkli balaca qızcığaz

BU YAXINLARDA Braziliyada yaşayan 9 yaşlı qız topladığı pulu iki yerə — 18 və 25 dollara ayırdı. O, 18 dolları Padşahlıq Zalında yerli yığıncağın tələbatlarını ödəmək üçün nəzərdə tutulan qutuya atdı, 25 dolları isə qısa məktubla birlikdə Yehovanın Şahidlərinin filialına göndərdi. Onun məktubunda deyilirdi: «Bu pulu ümumdünya işinə ianə etmək istəyirəm. Mən bütün dünyada xoş xəbəri təbliğ edən çoxsaylı bacı-qardaşlara kömək etmək istəyirəm. Mən bunu Yehovanı çox sevdiyim üçün edirəm».

Qızcığazın valideynləri ona Padşahlığın təbliğ işində şəxsən iştirak etməyin vacibliyini öyrətmişlər. Onlar həmçinin ona Yehovanı ‘var-dövləti ilə şərəfləndirməyin’ vacibliyini də aşılamışlar (Sül. məs. 3:9). Bu balaca qızcığaz kimi, gəlin biz də istər yaşadığımız ölkədə, istərsə də ondan kənarda Padşahlığın maraqlarının irəliləməsi üçün əlimizdən gələni edək!