Siyasətçilər Armageddon təbili çalır. Müqəddəs Kitabda bu barədə nə deyilir?

Bazar ertəsi səhər, 10 oktyabr 2022-ci il tarixində Rusiya Krım və Rusiyanı birləşdirən körpünün partladılmasına cavab olaraq Ukraynanın müxtəlif şəhərlərini bombalayıb. Siyasətçilərin dünyanın Armageddonla üz-üzə olduğu xəbərdarlığından çox keçmədi ki, bu hadisələr baş verdi.

•  «[ABŞ Prezidenti Con] Kennedi və Kuba raket böhranından sonra biz Armageddon ehtimalı ilə heç üzləşməmişdik... Fikrimcə, mümkün deyil ki, taktiki nüvə silahından istifadə edilsin və bu, Armageddonla nəticələnməsin» (ABŞ Prezidenti Co Bayden, 6 oktyabr 2022-ci il).

•  «Ukrayna Prezidenti Vladimir Zelenski nüvə silahından istifadənin nəticələri barədə suala cavabında belə deyib: «Razıyam ki, bu, Armageddon deməkdir və planetimiz təhlükə altındadır» («BBC News», 8 oktyabr 2022-ci il).

Nüvə silahından istifadə Armageddona gətirib çıxaracaq? Müqəddəs Kitabda bu barədə nə deyilir?

Nüvə silahından istifadə Armageddonla nəticələnəcək?

Xeyr. Müqəddəs Kitabda «Armageddon» ifadəsinə sadəcə bir dəfə, Vəhy 16:16 ayəsində rast gəlinir. Bu, xalqlar arasında gedən müharibəni yox, Allahla «yer üzünün padşahlarının» arasında olacaq müharibəni bildirir (Vəhy 16:14). Armageddon müharibəsində Allah insan hakimiyyətinə son qoyacaq (Dənyal 2:44).

Armageddon haqqında daha çox öyrənmək üçün «Armageddon müharibəsi nədir?» adlı məqaləni oxuyun.

Nüvə silahı Yer kürəsini və bəşəriyyəti məhv edəcək?

Xeyr. Ola bilər ki, insan hökumətləri gələcəkdə nüvə silahından istifadə etsin, amma Allah yer üzünün məhv olmasına izin verməyəcək. Müqəddəs Kitabda yazılıb:

•  «Yer əbədi durur» (Vaiz 1:4).

•  «Salehlər yerə sahib olacaq, orada əbədi yaşayacaqlar» (Zəbur 37:29).

Müqəddəs Kitab peyğəmbərliyi və hazırda baş verən hadisələr onu göstərir ki, biz bəşər tarixinin dönüş nöqtəsinə yaxınlaşırıq (Mətta 24:3-7; 2 Timutiyə 3:1-5). Müqəddəs Kitabda gələcəklə bağlı nə deyildiyini öyrənmək istəyirsinizsə, pulsuz Müqəddəs Kitab dərsləri üçün müraciət edin.