Доғаларыңа яуаптар күрәһеңме?

Изге Яҙмала Йәһүәнең үҙ хеҙмәтселәренең доғаларына нисек яуап биргәненә күп миҫалдар бар. Доғаларына яуап алғас һәм Йәһүәнең ярҙам иткәнен күргәс, уларҙың имандары һис шикһеҙ нығынған. Шуға күрә, әйҙәгеҙ, доға ҡылғанда, конкретыраҡ булайыҡ һәм Йәһүәнең яуабын күрергә тырышайыҡ! Шуны иҫтә тотайыҡ: уның яуабы беҙ көткәндән айырылып торорға мөмкин, шулай уҡ ул беҙгә һорағаныбыҙҙан күпкә күберәкте бирә ала (2Кр 12:7—9; Еф 3:20). Йәһүә доғаларыбыҙға нисек яуап бирә ала?

• Ул беҙгә ауырлыҡтарҙы йырып сығыр өсөн физик, эмоциональ һәм рухи көс бирә (Фп 4:13)

• Аҡыллы ҡарар ҡабул итер өсөн зирәклек бирә (Яҡ 1:5)

• Эш итер өсөн теләк тә, көс тә бирә (Фп 2:13)

• Борсолған саҡтарыбыҙҙа тыныслыҡ бирә (Фп 4:6, 7)

• Башҡаларҙы беҙгә материаль йә эмоциональ яҡтан ярҙам итергә дәртләндерә (1Ях 3:17, 18)

• Беҙ ҡәрҙәштәр өсөн доға ҡылғанда, ул уларға ярҙам итә (Ғм 12:5, 11)

«ЙӘҺҮӘ — „ДОҒАЛАРҘЫ ТЫҢЛАУСЫ“» ТИГӘН ВИДЕОЯҘМАНЫ ҠАРА ҺӘМ ОШО ҺОРАУҘАРҒА ЯУАП БИР:

• Һаулығың насар булһа, Симидзу ҡәрҙәштең өлгөһө һиңә нисек ярҙам итә ала?

• Симидзу ҡәрҙәштең өлгөһө һине нимәгә өйрәтә?