Мәсихтең үлемен иҫкә алыу кисәһе

1. Һиңә, Йәһүә, дан йырлайбыҙ

Йылдың был изге кисендә.

Зирәклек, көс-ҡеүәт һәм сикһеҙ мөхәббәт

Бөйөк даныңды күрһәтә.

Элек халҡыңды ҡотҡарғанһың

Пасах бәрәсе арҡылы.

Ә үткәс быуаттар, үтәлгән бар һүҙҙәр:

Бирелгән Мәсихтең ҡорбаны.

2. Һин шундай ҙур хаҡ түләгәнһең —

Икмәк һәм шарап иҫкәртә.

Иң бөйөк бүләгең — йоломо Мәсихтең

Өмөт ҡабыҙа йәшәүгә.

Һәр йыл Кисәне үткәрәбеҙ,

Иҫкә төшөрөп бүләкте.

Рәхмәтлебеҙ һиңә һәм Ғайса Мәсихкә,

Үлемдән ҡотҡарҙығыҙ беҙҙе.

3. Бөгөн бергәләп йыйылдыҡ беҙ

Һинең алдыңа, Йәһүә.

Йоломдо ҡәҙерләп, юғары баһалап,

Маҡтау беҙ йырлайбыҙ һиңә.

Тойғо-хистәрҙе яңыртабыҙ

Йылдың иң мөһим кисендә.

Мәңгелек тормошҡа өлгәшербеҙ алда,

Көн һайын эйәрһәк Мәсихкә.