1-СЕ ДӘРЕС

Уңышлы инеш һүҙ

Ғәмәлдәр 17:22

МАҠСАТ Тыңлаусыларыңда ҡыҙыҡһыныу уят һәм, теманы билдәләп, уның мөһимлеген күрһәт.

БЫҒА НИСЕК ӨЛГӘШЕРГӘ

Ҡыҙыҡһыныу уят. Тыңлаусыларыңды ҡыҙыҡһындыра алған берәй һорау, фекер, тормоштан алынған осраҡ йә яңылыҡ һайлап ал.

Инеш һүҙ яһағанда ошо хаҡта уйлан: тыңлаусыларыңды нимә борсой һәм нимә ҡыҙыҡһындыра?
Теманы билдәлә. Инеш һүҙең телмәрҙең төп темаһын һәм маҡсатын аңларға ярҙам итәме, юҡмы икәнен тикшер.
Был тема ни өсөн мөһим икәнен аңлат. Тыңлаусыларҙың ысынбарлыҡтағы ихтыяждарын иҫәпкә ал. Улар теманың файҙаһын ап-асыҡ күрергә тейеш.

Телмәр әҙерләгән саҡта үҙеңдән: «Йыйылышымдағы ҡәрҙәштәр ниндәй хәлдәргә юлыға?» — тип һора. Шунан һуң инеш һүҙеңде уларҙың шарттарына яраҡлаштыр.

ВӘҒӘЗДӘ

Кешене нимә ҡыҙыҡһындыра ала икәнен белер өсөн, күҙәтеүсән бул. Шуға иғтибар ит: ул нимә менән мәшғүл, балалары бармы, юҡмы, йәшәгән урыны ниндәй. Һөйләшеүҙе, был хаҡта ҡыҫҡаса әйтеп, башларға була. Ҡайһы бер ерҙәрҙә, кешеләргә ихтирам күрһәтер өсөн, хужаларҙың хәлдәрен белешергә һәм үҙең турала берәй нәмә һөйләргә була. Ҡайһы бер осраҡтарҙа Изге Яҙманы, беренсе һөйләшеү ваҡытында түгел, ә ҡабат килгәндә иҫкә алыу яҡшыраҡ булыр. Үтә күреүсән бул.