Беҙ Йәһүәгә нимә бүләк итә алабыҙ?

БЕР ваҡыт Ғайса: «Алыуға ҡарағанда биреүҙә бәхет күберәк», — тигән (Ғәм. 20:35). Был төп хәҡиҡәтте Йәһүә менән мөнәсәбәттәребеҙгә лә ҡулланырға була. Ни өсөн? Сөнки беҙ Йәһүәнән бәхет килтергән күп бүләктәр алабыҙ, әммә Йәһүәгә нимәлер бүләк итеү тағы ла күберәк бәхет килтерергә мөмкин. Беҙ Йәһүәгә нимә бүләк итә алабыҙ? Ғибрәтле һүҙҙәр 3:9-ҙа былай тиелә: «Йәһүәне данла: уға үҙеңдә булғандың иң яҡшыһын бир». «Иң яҡшыһы» үҙ эсенә ваҡыт, көс, һәләттәр һәм матди нәмәләрҙе алырға мөмкин. Быларҙың барыһын хаҡ ғибәҙәткә булышлыҡ итер өсөн ҡулланып, беҙ Йәһүәгә бүләк яһайбыҙ һәм бынан ҙур бәхет кисерәбеҙ.

Матди нәмәләр хаҡында әйткәндә, Йәһүәгә бүләктәр яһарға онотмаҫҡа нимә ярҙам итер? Илсе Павел коринфтарға, ирекле иғәнәләр һалыр өсөн, табыштарының «бер өлөшөн» айырып ҡуйырға кәңәш иткән (1 Кор. 16:2). Һеҙҙең территорияла нисек иғәнә биреп була? Зинһар, аҫтағы рамканы ҡарағыҙ.

Ҡайһы бер илдәрҙә интернет аша иғәнә биреп булмай. Әммә иғәнә биреүҙең башҡа ысулдары хаҡында иғәнәләргә арналған веб-биттә белеп була. Ҡайһы бер илдәрҙә шул веб-биттә иғәнә биреүгә бәйле йыш бирелгән һорауҙарға яуаптар килтерелә.