Хеҙмәттә сайтыбыҙҙы ҡулланабыҙ. «Йәһәвәнең дуҫы бул»

Беҙҙең сайтыбыҙҙа «Изге Яҙмалар тәғлимәттәре» бүлексәһендә балалар өсөн «Йәһәвәнең дуҫы бул» тигән һылтанма бар. Был һылтанмала видеояҙмалар, йырҙар һәм йөкләмәләр бар. Ә һин был һылтанманы хеҙмәттә ҡулландыңмы? Балалары булған кеше менән Изге Яҙмаларҙы өйрәнһәң, был һылтанманы уға күрһәт. Моғайын, уның сайтыбыҙҙағы башҡа мәғлүмәт.

Бер ағай-ҡәрҙәш ҡатын-ҡыҙға «Үлгән кешеләр ҡабат йәшәрме» тигән буклет биргән һәм ҡатын-ҡыҙ уны шунда уҡ уҡый башлаған. Был буклет ҡатын-ҡыҙҙың бәләкәй генә балаларының иғтибарын йәлеп иткән. Ағай-ҡәрҙәш буклеттың эстәлеген ҡыҫҡаса ҡарап сығып, һуңғы биттәге сайттың адресына иғтибар иткән. Ҡатын-ҡыҙ ҡыҙыҡһынғанға, ағай-ҡәрҙәш электрон яйланма ярҙамында уға һәм уның балаларына Камил тураһында мультфильм күрһәтергә булған.

Бер апай-ҡәрҙәшебеҙ эшендә балаһы булған хеҙмәттәш ҡатын-ҡыҙға сайтыбыҙ һәм ғаиләләр өсөн тәғәйенләнгән ундағы мәғлүмәт хаҡында һөйләгән. Ҡатын-ҡыҙ балалары менән сайтҡа ингән. Һуңыраҡ был ҡатын-ҡыҙ апай-ҡәрҙәшкә: «Балаларым өйҙә „Йәһәвәнең дуҫы бул“ тигән һылтанмалағы „Һүҙҙе вәғәзлә“ тип аталған йырҙы йырлап йөрөнөләр», — тип әйткән.

Беҙҙең сайтыбыҙҙағы был һылтанма менән таныш һәм үҙ электрон яйланмаңа видеояҙмалар, йырҙар йәки йөкләмәләрҙе күсереп ал. Шул саҡта һин был һылтанмалағы мәғлүмәтте хеҙмәттә ҡуллана алырһың. Был ҡиммәтле ҡорал беҙгә Хуҗабыҙға ҡол кеүек хеҙмәт итергә ярҙам итер (Ил. 20:19).