Вәғәз сифатын яҡшыртабыҙ. Өйрәнеүсегә тикшеренеүҙәр үткәреүҙе ғәҙәткә индерергә ярҙам итәбеҙ
Ни өсөн был мөһим? Өйрәнеүсегә, рухи яҡтан етлеккән булыр өсөн, аҡылын һәм йөрәген Алла Һүҙендәге төп тәғлимәттәр менән генә туҡландырыу аҙ (Евр. 5:12—6:1). Тикшеренеү үткәреү тырышлыҡ талап итә. Бының өсөн яңы мәғлүмәтте инде белгәндәр менән бәйләргә һәм уның практик файҙаһын күрергә кәрәк (Ғиб. һүҙ. 2:1—6). Өйрәнеүсе, тикшеренеү үткәрергә өйрәнһә, Изге Яҙмалар буйынса бирелгән һорауҙарға баҫмаларыбыҙ нигеҙендә яуап бирә алыр. Ә белгәндәрен ҡулланырға тырышһа, мәсихсе юлындағы һынауҙарҙа ныҡ булып ҡалыр (Лука 6:47, 48).
Ошо айҙа былай эшләп ҡара:
Пландағы берәй теманы тамамлағас, өйрәнеүсеңдән белгәндәрен бер нисә һөйләм менән әйтеп биреүен һора. Өйрәнеүсең булмаһа, был кәңәште үҙең ҡуллан: Изге Яҙмаларҙан бер өҙөктө йәки өйрәнеү өсөн мәҡәләнән берәй абзацты уҡып сыҡҡас, уны бер нисә һөйләм менән әйтеп бир. Шулай эшләү һиңә уҡығандарыңды яҡшыраҡ аңларға ярҙам итер.