Изге Яҙманы өйрәнеү өсөн пландарҙы оҫта ҡуллан

Өйрәнеүсе Изге Яҙмалағы хәҡиҡәттәр менән танышҡан һайын һәм белгәндәрен тормошонда ҡулланған һайын, рухи яҡтан үҫә һәм емештәр килтерә (Зәб. 1:1—3). Изге Яҙманы өйрәнеү өсөн пландарҙы оҫта ҡулланһаҡ ҡына, беҙ өйрәнеүсегә уңыштарға ирешергә ярҙам итербеҙ.

Һорауҙар. Һәр бер планда һорауҙар һәм уларға яуаптар килтерелә. Кешелә ҡыҙыҡһыныу уятыр өсөн, өйрәнеү алдынан был һорауҙарҙы риторик һорауҙар һымаҡ биреп була. Йәки өйрәнеүсене һорауҙарға ҡыҫҡаса яуап бирергә өндәргә була. Дөрөҫ яуап бирмәһә, уны шунда уҡ төҙәтергә ашыҡма. Уның яуаптары һиңә шуны күрергә ярҙам итер: ниндәй яҡтарға күберәк иғтибар итергә һәм ниндәй фекерҙәргә баҫым яһарға кәрәк (Ғиб. һүҙ. 16:23; 18:13).

«Изге Яҙма нигеҙендә һөйләшеү» китабы. Өйрәнеүсе материалды тәрәнерәк аңлаһын өсөн, өйрәнеү ваҡытында «Изге Яҙма нигеҙендә һөйләшеү» тигән китаптан темаға ҡағылышлы фекерҙәрҙе ҡарап сығырға була. Киләһе өйрәнеүҙә, кеше барыһын аңлағанмы, юҡмы икәнен белер өсөн, бер нисә минут бүлеп ҡуй.

Ҡабатлау өсөн һорауҙар. Һәр өйрәнеүҙең аҙағында өйрәнгән материалды ҡабатлар өсөн, алдан бер-ике һорау әҙерләп ҡуй. Өйрәнеүсенең яуаптары ул төп фекерҙәрҙе аңлағанмы-юҡмы, һәм башҡаларға уларҙы аңлата алырмы-юҡмы икәнен күрһәтер. Өйрәнеүсе яуаптарын шиғырҙар нигеҙендә иҫбатлаһын (Ғәм. 17:2, 3).