Шәхси өйрәнеү тағы ла күберәк файҙа килтерһен!

НИ ӨСӨН БЫЛ МӨҺИМ? Изге Яҙманы шәхси өйрәнеү ярҙамында беҙ хәҡиҡәттең «иңенә һәм буйына, бейеклегенә һәм тәрәнлегенә төшөнә» алабыҙ (Еф 3:18). Ул шулай уҡ беҙгә был яуыз донъяла саф, кәмселекһеҙ булып ҡалырға һәм «тормош һүҙенә ныҡ тотонорға» ярҙам итә (Фп 2:15, 16, ЯДТ). Шәхси өйрәнеү ваҡытында үҙебеҙҙең ихтыяждарыбыҙға тура килгән материал өйрәнә алабыҙ. Алла Һүҙен уҡыр һәм өйрәнер өсөн бүлеп ҡуйылған ваҡытты нисек яҡшыраҡ файҙаланырға?

ҠАЙҺЫ БЕР КӘҢӘШТӘР

• Шәхси өйрәнеү өсөн Изге Яҙмаңда (баҫтырылған йә электрон форматта) аяттарҙы билдәлә һәм яҙыуҙар алып бар.

• Изге Яҙманы уҡыған саҡта үҙеңә ошо һорауҙарҙы бир: кем? нимә? ҡасан? ҡайҙа? ни өсөн? нисек?

• Булған ҡоралдар ярҙамында тикшеренеү үткәр. Тема буйынса йә Изге Яҙмалағы аят буйынса мәғлүмәт эҙлә.

• Уҡығаныңды нисек ҡуллана алыуың хаҡында уйлан.

• Белгәнеңде тормошоңда ҡуллан (Лк 6:47, 48).

«ТӘРӘН ШӘХСИ ӨЙРӘНЕҮ АЛЛА ҺҮҘЕНӘ НЫҠ ТОТОНОРҒА ЯРҘАМ ИТӘ» ТИГӘН ВИДЕОЯҘМАНЫ ҠАРА ҺӘМ ОШО ҺОРАУҘАРҒА ЯУАП БИР:

• Ҡәрҙәштәр шәхси өйрәнеү хаҡында нимә әйтә?

• Ни өсөн һәр өйрәнеүҙе доға ҡылып башларға кәрәк?

• Изге Яҙмалағы өҙөктө яҡшыраҡ аңларға нимә ярҙам итә ала?

• Өйрәнеү өсөн Изге Яҙмабыҙҙа ниндәй билдәләр ҡуйып була?

• Ни өсөн уҡығаныбыҙ хаҡында уйланыу мөһим?

• Алған белемде нисек ҡулланырға?