Һөйләшеүҙәр планын нисек ҡулланырға?

2018 йылдың ғинуар айынан алып «Мәсихсе тормошобоҙ һәм хеҙмәтебеҙ» тигән эш дәфтәренең беренсе битендә һөйләшеүҙәр планы килтерелә башланы. Уны нисек ҡулланырға?

Йөкләмә менән сығыш яһағанда. Һиңә һөйләшеүҙәр планындағы һорауҙы, аятты һәм асыҡ һорауҙы ҡулланырға кәрәк. Шул уҡ ваҡытта видеояҙмалағы һөйләшеүҙе һүҙмә-һүҙ ҡабатларға кәрәкмәй. Һин, бүтән осраҡты, бүтән инеш һүҙҙе һайлап, фекер алышыуҙы башҡасараҡ төҙөй алаһың. Шулай уҡ (йөкләмәлә был хаҡта әйтелмәһә лә) әңгәмәсеңә өйрәтеү ҡоралдарынан берәй баҫма тәҡдим итеп була.

Хеҙмәттә. Һөйләшеүҙәр планының маҡсаты — әңгәмәне башлап ебәрергә ярҙам итеү. Кеше ихлас ҡыҙыҡһынһа һәм күберәк белергә теләһә, уның менән әңгәмәне дауам итергә, мәҫәлән, «Икенсе һөйләшеү»ҙәге һорауҙы һәм аятты ҡарап сығырға була. Бәлки, һин һөйләшеүҙәр планын әҙерәк үҙгәртергә йә һөйләшеүҙе бөтөнләй башҡараҡ төҙөргә булырһың. Ә, бәлки, икенсе аят йә үткән айҙағы тема кешеләрҙә күберәк ҡыҙыҡһыныу уятыр. Йә һин йәшәгән ерҙә кешеләр яңы ғына булған ваҡиғалар йәки урындағы яңылыҡтар тураһында һөйләшеп алырға ҡаршы түгелдер. Эйе, һин һөйләшеүҙәр планын төрлөсә ҡуллана алаһың, әммә иң мөһиме — «һәммәһен дә Һөйөнөслө Хәбәрҙе таратыу хаҡына» башҡарыу (1Кр 9:22, 23).