Йәһүәгә ваҡытыңды һәм көсөңдө ҡорбан итә алаһыңмы?

Бөгөн, Ишағыя пәйғәмбәрҙең әйткәне буйынса, Йәһүә ойошмаһының ерҙәге өлөшө бик тиҙ үҫә (Ишағ. 54:2). Шуға күрә күберәк Батшалыҡ һәм Конгресс залдары, шулай уҡ филиал биналары кәрәк. Был биналарҙы төҙөгәндән һуң, уларҙы артабан да хеҙмәтләндереп һәм ремонтлап торорға кәрәк. Шулай булғас, Йәһүәгә ваҡытыбыҙҙы һәм көсөбөҙҙө ҡорбан итер өсөн, ниндәй мөмкинлектәр тыуа?

• Батшалыҡ залында вәғәз төркөмөбөҙ менән йыйыштырыуҙа ҡатнаша алабыҙ.

• Батшалыҡ залын хеҙмәтләндереү өсөн өйрәтеү ала алабыҙ.

• Йәшәгән еребеҙҙән алыҫ булмаған теократик биналарҙы төҙөүҙә һәм хеҙмәтләндереүҙә ваҡыт-ваҡыт ярҙам итер өсөн, «Заявление на служение добровольцем в программе местного проектно-строительного отдела» (DC-50) тигән ғаризаны тултыра алабыҙ.

• Вефилдә йә филиалдың башҡа бүлегендә аҙна дауамында йә күберәк ваҡыт ярҙам итер өсөн, «Заявление на добровольное служение» (A-19) тигән ғаризаны тултыра алабыҙ.

«ЯҢЫ ТӨҘӨЛӨШ ПРОЕКТЫ» ТИГӘН ВИДЕОЯҘМАНЫ ҠАРА ҺӘМ КИЛӘҺЕ ҺОРАУҘАРҒА ЯУАП БИР:

• 2014 йылдан алып видеояҙмаларҙың һаны ни тиклем үҫкән?

• Видеояҙма етештереү эше киңәйгәнгә, ниндәй проект планлаштырылған, һәм был проект ҡасан башланыр, ҡасан тамамланыр?

• Ирекле хеҙмәтселәр нисек ярҙам итә ала?

• Ҡушма Штаттарҙағы филиал территорияһында йәшәгән ҡәрҙәштәр Рамаполағы төҙөлөштә ярҙам итергә теләһә, ни өсөн уларға DC-50 тигән ғаризаны тултырырға һәм урындағы төҙөлөш проектарында ҡатнашырға кәрәк?

• Йәһүәнең был проект менән етәкселек иткәненә ниндәй дәлилдәр бар?

• Шарттарыбыҙ арҡаһында төҙөлөш эштәрендә ҡатнаша алмаһаҡ та, беҙ нисек был проектҡа булышлыҡ күрһәтә алабыҙ?