Йәһүәгә иң яҡшыһын бир

5:5—7, 11

Ярлылыҡ израилдәргә Йәһүә менән татыулыҡта булырға ҡамасауламаған. Хатта иң ярлы кешеләр ҙә, үҙҙәрендә булған иң яҡшыһын биреп, Йәһүәне ҡыуандыра алған. Әммә бер генә талап булған: хатта иң ябай ҡорбандың да сифаты юғары булырға тейеш булған. Йәһүә ҡорбан итеп хатта ондо ла ҡабул иткән. Ләкин он юғары сифатлы — хөрмәтле ҡунаҡты һыйлар өсөн тотонолған он булырға тейеш булған (Бш 18:6). Бөгөн беҙ Йәһүәгә «данлау ҡорбаны» килтерәбеҙ (Ев 13:15). Бәлки, ниндәйҙер шарттар арҡаһында күп нәмә хәлебеҙҙән килмәйҙер. Әммә Йәһүә өсөн иң мөһиме — үҙебеҙҙә булғандың иң яҡшыһын биреү.

Әгәр һаулығың насарайғанға йә хәлһеҙлек арҡаһында хеҙмәттә элек эшләгәнде эшләй алмаһаң, был фекер һине нисек нығыта ала?