Файҙалы кәңәштәр. Өйрәнеү өсөн тәҡдимдәр
Изге Яҙмалағы аяттарҙы яҡшыраҡ аңлар өсөн «Йәһүә шаһиттарының баҫмалары буйынса белешмәне» ҡулланаһығыҙмы?
Был белешмәләге аңлатмалар беҙгә Изге Яҙманы тәрәнерәк тикшерергә ярҙам итә. Унда, мәҫәлән, аяттың ни өсөн яҙылғаны, аятта кем тураһында әйтелгәне, айырым һүҙҙәрҙең һәм һүҙбәйләнештәрҙең мәғәнәһе һәм ул ваҡытта булған тарихи ваҡиғалар иҫкә алынырға мөмкин.
«Күҙәтеү манараһының онлайн-китапханаһында» ла, JW Library® ҡушымтаһында ла «Баҫмалар буйынса белешмәнең» һылтанмаларына Изге Яҙмалағы аяттарҙан туранан-тура инеп була. Изге Яҙманың ниндәй генә тәржемәһен ҡулланһағыҙ ҙа, был һылтанмалар өйрәнеү тәҙрәһендә асыла. (Өйрәнеү тәҙрәһен асыр өсөн шәмәхә төҫтәге алмасҡа баҫығыҙ.)
Был һылтанмаларҙы ҡулланғанда уларҙың даталарына иғтибар итегеҙ. Өҫтә иң яңы мәҡәләләр сыға. Аҫта иҫке материалдар килтерелә; ваҡыт үтеү менән уларҙың аңлатылыуы яңыртылған булырға мөмкин.
«Күҙәтеү манараһының онлайн-китапханаһында» «Баҫмалар буйынса белешмә» автоматик рәүештә эшләй.
Ә JW Library ҡушымтаһында «Баҫмалар буйынса белешмә» асылһын өсөн, уны башта күсереп алырға һәм ваҡыт-ваҡыт яңыртырға кәрәк. Быны эшләр өсөн Изге Яҙманың теләһә ҡайһы бүлегендә өҫкө өлөшөндәге кәрәкле төймәгә баҫығыҙ.