Көҙгө менән дөрөҫ ҡулланығыҙ

Шәкерт Яҡуп Изге Яҙманы көҙгө менән сағыштырған, сөнки Изге Яҙма беҙҙең ысынында ниндәй икәнебеҙҙе күрергә ярҙам итә (Яҡ. 1:22—25). Был көҙгө менән нисек ҡулланырға?

Иғтибар менән уҡығыҙ. Көҙгөгә өҫтән-мөҫтән генә ҡараһаң, ниндәйҙер етди етешһеҙлекте күрмәүебеҙ бар. Изге Яҙма менән дә шулай уҡ: әгәр уны өҫтән-мөҫтән генә уҡыһаҡ, үҙебеҙҙә нимәне үҙгәртергә кәрәк икәненә иғтибар итмәүебеҙ бар. Быны күрер өсөн, Алла Һүҙен иғтибар менән уҡырға кәрәк.

Башҡаларға түгел, үҙегеҙгә ҡарағыҙ. Көҙгөгә ситтән ҡараһаҡ, беҙ унда үҙебеҙҙе түгел, ә башҡа кешене күрәбеҙ. Изге Яҙманы уҡығанда ла шундай уҡ хәл булырға мөмкин: башҡаларҙың ғына йомшаҡ яҡтарын күреүебеҙ ихтимал. Әммә шулай эшләп, беҙ үҙ етешһеҙлектәребеҙҙе төҙәтә алмаҫбыҙ.

Үҙегеҙҙән күпте көтмәгеҙ. Көҙгөлә насар яҡтарыбыҙҙы күреп, уларға сиктән тыш иғтибар бирһәк, төшөнкөлөккә бирелеүебеҙ бар. Шуға күрә Алла Һүҙен уҡығанда айыҡ аҡыллы булһаҡ һәм үҙебеҙҙән Йәһүә талап иткәндән күберәкте талап итмәһәк, яҡшы булыр (Яҡ. 3:17).